Ilesia de Santa María de Borcha

A ilesia de Santa María de Borcha ye una ilesia d'estilo romanico-gotico-mudéchar-barroco construyida en os sieglo XII-sieglo XVII que se troba en Borcha (Campo de Borcha, Aragón).[1]. Estió colechiata dende 1449 dica 1852 por lo que a vegadas ye conoixida como colechiata de Santa María de Borcha.

Ilesia de Santa María
Situación cheografica
Estau
País
'
Situación Borcha (Campo de Borcha, Aragón)
Adreza
Coordenatas 41°50′06″N 1°31′56″U
Archidiocesi
Diocesi Tarazona
Arcipestrau Uecha
Advocación
Culto
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste {{{coste}}}
Vesitable
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance
Iluminación
Potencia
Arquitectura
Tipo Ilesia
Antiga colechiata (1449-1852)
Estilo Romanico-gotico-mudéchar-barroco
Función
Catalogación Bien d'Intrés Cultural
Materials
Construcción
Construcción sieglo XII-sieglo XVII
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Santa María ubicada en Aragón
Ilesia de Santa María
Ilesia de Santa María
Ilesia de Santa María en Aragón

Descripción

editar

A ilesia ye d'una sola nau de cinco trampos, cubierta con vuelta de canyón con lunetos, grans capiellas laterals ubiertas entre os suyos contrafuertes, coro baixo, en os piez, y cabecera poligonal con cuantas dependencias anexas, entre as cualas sobresale a sagristía, amás d'una cripta subterrania.

O claustro, parcialment encegau, ye de planta cuadrada, con tres cruxías de siet trampos cubiertas con vuelta de crucería y una cuarta cruxía desvirtuada por a obridura en os sieglos XVI y XVII de cuantas capiellas.

Toda a construcción tién fabrica de ladriello, fueras d'a base d'a torre d'o Reloch que, por estar a parte mas antiga, ye construyida en piedra picada. Ista torre ye situada en o costau sud d'o zaguer trampo d'a nau, mientres que en o costau norte d'iste s'eleva unatra torre posterior. As dos tienen cuatro cuerpos, pero diferents estilos constructivos.

Ye precisament a superposición d'estilos un d'os feitos mas destacaus en iste conchunto, que s'empecipió a construyir en o sieglo XII en estilo romanico, se continó en gotico y mudéchar (apreciable en a torre d'o Reloch, a traza d'o claustro u a decoración de l'abside) y se reformó totalment en epoca barroca, dimpués de l'incendio de 1775, en un estilo clasicista francés d'estela pilarista, como se deduz d'a suya decoración interior a pur de cheserías y pinturas murals y de l'atrio d'acceso dende l'exterior en o costau norte.

Historia

editar
 
Retablo d'a colechiata de Santa María (Borcha)

A colechiata ha pasau por diferents etapas historicas, intimament ligadas a la suya construcción, que pueden resumir-se en tres.

Primera etapa: sieglos XII a XV

editar

A documentación existent suchiere que en primerías d'o sieglo XII ya existiba una parroquia que ocupaba identico emplazamiento y dimensions. Encara en o sieglo XIII sufre bellas reformas que no se conoixen con exactitut.

Segunda etapa: meyaus d'o sieglo XV dica zaguerías d'o sieglo XVII

editar

A segunda etapa prencipia con a concesión d'o títol de colechiata y suposa a mas important reforma reyalizada. En 1445 o Papa Uchenio IV atorgó a primera bula por a que se concedeba a la ilesia de Santa María o títol de colechiata. A vecina localidat de Tarazona metió un pleito por tal concesión y dimpués d'a muerte de l'anterior papa, habió d'estar o Papa Nicolau V qui sinyase una segunda bula con a mesma finalidat que l'anterior en 1449. En l'anyo 1465, poco tiempo dimpués de que Santa María obtenese o rango colechial, Chuan II d'Aragón dio o suyo permiso pa construyir o claustro que actualment se conserva una mica modificau.

A o claustro siguió a reforma d'a ilesia encargada a o mayestro Antón de Veoxa, qui en 1534 sinyó o suyo contracto pa reyalizar las obras. En dita reforma participoron atros importants imachiners como Baltasar de Raz y Joan Roger, que facioron o coro y los sobreportals d'as capiellas Nuevas, o zaragozano Alonso de Leznes, qui fació o crucero, u Chuan de Langarica, qui estió l'encargau de construyir o portegau d'a ilesia. A ista etapa perteneixen a mayoría d'as capiellas actualment conservadas. De l'anyo 1596 data a reforma d'a torre d'o reloch que lo suyo chapistel se i heba estroncau en 1591. En ista reforma se decidió dar-le mas altura a dita torre.

Posteriorment en o sieglo XVII se leva a cabo l'adquisición de terrenos mugants pa a construcción de nuevas capiellas, gran parti d'ellas arredol d'o patio d'o claustro.

Tercera etapa: sieglo XIX

editar

Entre o sieglo XVIII se fa patent o mal estau d'as vovedas d'a colechiata. No ye dica 1815 cuan prencipian as obras de restauración que afectoron a la totalidat d'o molimento. Se repara o claustro y las vovedas, se tornan a entellar as cubiertas, s'arrepuntan os alacez, se retocan as pilastras, se doran os pulpitos, se meten nuevas recholas, se pintan capiellas y s'emblanquió a ilesia entera. Tot ixo en un periodo que va dende 1815 dica 1836. Os gastos fuoron pagaus por o capítol de Borcha, a diocesi de Tarazona y o concello de Borcha.

En 1852, a colechiata ye reducida a parroquia mayor en virtut d'os alcuerdos d'o concordato sinyau entre a Santa Seu y a reina Isabel II. En dito alcuerdo figuraba que, dimpués de cualques excepcions entre as cualas no i yera a colechiata de Borcha, "toda a resta de colechiatas, cualsiquiera que sía o suyo orichen, antigüidat y fundación, quedasen reducidas a ilesias parroquials".

Referencias

editar


 
Colechiatas d'Aragón
 
Santa María d'Abiego | Santa María d'Alquezra | Santa María de Boleya | Santa María de Calatayú | Santa María de Casp | Sant Pero de Boltanya | Santo Sepulcre de Calatayú

Antigas: Sagraus Corporals de Daroca | O Salvador d'Exeya d'os Caballers | Santa María de l'Aínsa | Santa María d'Alcanyiz | Santa María de Berbegal | Santa María de Borcha | Santa María de Mora de Rubielos | Santa María de Rubiuelos de Mora | Santa María de Tamarit de Litera | Santa María d'Uncastiello | Santa María d'o Pilar de Zaragoza | Sant Pero d'Ayerbe | Sant Pero de Fraga | Sant Vicent d'Albelda