Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Santa Seu, Seu Apostolical u Seu de Sant Per ye a exprisión con que se fa servir ta referir-se a la posición d'o Papa como Capeza Suprema d'a Ilesia Catolica, en oposición a la referencia a la Ciudat d'o Vaticano como Estato sobirán, encara que as dos realidaz tienen una estreita relación y ye un feito que o Vaticano existe como Estato a lo servicio d'a Ilesia.

Escudo d'a Santa Seu.

A Santa Seu tiene personalidat churidica propia y ye ella la que mantiene relacions diplomaticas con a resta d'estatos d'o mundo. Por ixo, los Pactos de Letrán de 1929 que, entre atras materias, dioron orichen a lo Estato d'a Ciudat d'o Vaticano, fuoron celebratos entre a Santa Seu y l'allora Reino d'Italia (hué Italia).