Colechiata de Sant Pero de Boltanya

A colechiata de Sant Pero de Boltanya ye una colechiata, asinas como templo parroquial catolico situada en a localidat de Boltanya (Sobrarbe, Uesca). Perteneixe a la diocesi de Balbastro-Monzón y l'arcipestrau de Sobrarbe-Ribagorza

Colechiata de Sant Pero de Boltanya
Colechiata de Sant Pero
Situación cheografica
Estau
País	Aragón
'
Situación	Boltanya (Sobrarbe)
Adreza	C. la Iglesia, 13, 22340
Coordenatas
Archidiocesi
Diocesi	Balbastro-Monzón
Arcipestrau	Sobrarbe-Ribagorza
Información cheneral
Advocación	Sant Pero
Culto
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Vesitable
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance
Iluminación
Potencia
Arquitectura
Tipo	Colechiata
Estilo	Gotico
Función
Catalogación
Materials
Construcción
Construcción	Sieglo XVI
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Colechiata de Sant Pero de Boltanya Colechiata de Sant Pero de Boltanya en Aragón

Historia

Construyida en o sieglo XVI en estilo gotico con detalles renaixentistas sobre una antiga ilesia romanica d'o sieglo XII, ye considerada un d'os templos mas grans d'a provincia de Uesca. L'actual edificio responde a la necesidat d'enamplar a ilesia primitiva dimpués d'haber estau declarada colechiata en 1544.

Descripción

L'edificio d'a colechiata se troba adosau por a cabecera a l'antiga Casa d'a Villa, formando por o costau nord-este una plaza. Por l'exterior os muros son feitos de sillars de formas cubicas rechuntaus con cemento, mientres que en l'interior son de sillarello irregular con sillars en as cantonadas. Estructuralment ye formau por una nau dividida en cuatre trampos, con capiellas entre os contrafuertes que se comunican entre ellas a traviés d'arcos de meyo punto. A suya cabecera ye poligonal de cinco costaus con dos capiellas laterals. A nau, a cabecera y as capiellas son cubiertas con vueltas de crucería estrelada, fueras d'a mas septentrional, ubierta a la cabecera y que corresponde a la planta baixa d'a torre, que ye formada por una ariesta moldurada en yeso. Os niervos d'a nau apean en mensulas molduradas que se troban unidas por una imposta, mientres que os arcos de deseparación d'os trampos y os d'a bocadura d'as capiellas son toz de meyo punto. En cada trampo d'a nau i hai dos vanos, toz en arco de meyo punto y doble derrame, y en cada capiella unatro, tamién de meyo punto y con derrame interior, y un oculo en o muro d'os piez.

A sacristía se troba situada en o costau norte d'a cabecera y ye formada por dos cambras avovedadas con vueltas de canyón paralelas sobre un gran arco rebaixau. L'acceso a la ilesia se fa a traviés d'o tercer trampo d'o costau sud, estando a puerta formada por en un arco de meyo punto con tres arquivoltas de sección rectangular.

A torre ye construyida sobre a capiella d'o costau norte d'o cabecero. Ye formada por tres cuerpos desiguals, de sillarello, deseparaus por impostas en listel y remataus por un cimborrio octogonal protechiu por un pretil con gargolas en os frents. O suyo interior se distribuye en pisos avovedaus, trobando-se en o tercer cuerpo un vano de meyo punto en cadagún d'os suyos costaus pa as campanas. En os costaus norte y este d'o segundo cuerpo i hai atros dos vanos chemelos que son tapiaus.

O mobiliario propio d'a colechiata fue destruyiu entre a Guerra Civil, por lo que conta principalment con elementos provenients d'atras ilesias d'a redolada.

Coro

Dende 1950 se troba en a colechiata de Boltanya l'antigo coro, d'o zaguer tercio d'o sieglo XVIII, d'o Reyal Monesterio de Sant Veturián chunto con a suya reixa. Situau en o primer trampo d'a nau, se conservan as puertas, o faixistol y 27 cadieras de fusta de noguera labrada. En suyas puertas son representaus en relieu Sant Pero y Sant Pavlo. En a cadiera i hai mascaretas entretalladas, estando en os respaldos representadas en relieu escenas d'a vida d'un santo rodiadas por un marco de motivos vechetals coronau por un ovalo tamién en relieu. Se gosaba identificar tradicionalment a dito santo con Sant Veturián, encara que en zagerías os historiadors piensan que puet fer referencia a la vida de Sant Benedet.

Retablo y pila baptismal

Se conserva tamién en a colechiata un retablo d'o sieglo XVI que procede d'a ilesia de Sant Lorient de Moriello de Sant Pietro, adedicau a o santo titular d'ista. A pila baptismal, d'atra man, provién d'a ilesia parroquial de Burgasé y data d'o sieglo XVII. Se tracta d'una pila baptismal semiesferica de fundo plano, montada sobre un fuste muit curto de sección cuadrada y con decoración de sogueau en as cantonadas. O fuste descansa sobre una basa cilindrica en a que i hai una inscripción con calendata de 1639.

Galería d'imáchens

• 
  Campanal.
• 
  Cadiera d'o coro.
• 
  Interior.
• 
  Nau lateral.
• 
  Vueltas.
• 
  Retablo barroco de Sant Pero.
• 
  Retablo de Sant Lorient.

Enlaces externos

• Se veigan as imáchens de Commons sobre a colechiata de Sant Pero de Boltanya.
• (es) En a pachina d'o SIPCA
• (es) En descubrehuesca.com/
• (es) En www.artmedieval.net
• (en) Ficha en gcatholic.org