Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

O golf ye un esporte en que cal ficar una chicota pilota en una serie de clotz, que se troban distribuitos por tot o campo, por meyo d'una succesión de trucazos feitos con un tocho. O conchunto de tochos que se fan servir incluyen diferents tipos, feitos de metal u fibra de carbonio.

Logo olimpico d'o golf.
Una mesacha chugando a golf.

O golf se chuga en un campo de hierba natural a l'aire libre. A diferencia de muitos atros esportes, o golf no tien una superficie de chuego standardizata. Un campo de golf ocupa una superficie ampla y ye formato por un regular por 9 u 18 recorritos parcials. A la fin de cadagún d'istos recorritos bi ha un clot a on que bi ha que ficar a pilota con o menor numero de trucazos posibles.

O golf estió esporte olimpico en os Chuegos Olimpicos en París 1900 y Saint Louis 1904, y sera una atra vegata olimpicos en os Chuegos Olimpicos de Río de Janeiro de 2016.

Golf en Aragón editar

 
Las Margas Golf, en Latas

En zaguerías s'ha popularizato muito iste esporte en o nuestro país, habendo-ie actualment un total de 9 campos de golf:

  • Aeroclub de Zaragoza (9 clotz), situato en a base aeria de Zaragoza y d'uso nomás ta militars d'aviación y socios de l'aeroclub.
  • La Peñaza (18 clotz), se troba amán de Zaragoza. Ye un campo de golf privato.
  • Los Lagos de Pinseque (18 clotz), se troba en a localidat de Pinsec.
  • Augusta Golf Calatayud (18 clotz), campo publico, situato en Calatayú.
  • Golf de Badaguás (9 clotz), en a Urbanización Lomas de Badaguás, municipio de Chaca.
  • Benasque Club (18 clotz), en a Urbanización Benasque Golf en Benás.
  • Golf de Guara (9 clotz), que se troba en Arascués, municipio de Nueno.
  • Las Margas Golf (18 clotz), en Latas, municipio de Samianigo.
  • El Castillejo (9 clotz), en Alcalá de la Selva.

Vinclos externos editar