Torres (Ribagorza)

Este articlo tracta sobre Torres. Pa altros emplegos de la palabra torre se veiga Torre (desambigación).

Torres (Torres del Obispo en castellán y oficialment) ye un lugar aragonés de la comarca de Ribagorza, pertenexient a lo municipio de Graus.

Torres
Lugar d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Graus
Población  • Total	169 hab.
Altaria	542 m.
Distancia  • 92 km	enta Uesca
Codigo postal	22588
Parroquial  • Diocesi  •Arciprestato	Balbastro-Monzón Ribagorza
Coordenadas	42° 8’ 8’’N 0°22’42’’E
Torres Situación de Torres en Aragón

La suya población ye de 169 habitants en 2010. Comprende l'aldeya d'El Toral.

Cheografía

Lo lugar de Torres se troba en la val de Sarrón (entre las sierras de Llaguarre y Carrodilla), a 542 metros d'altaria sobre lo libel de la mar, a una distancia de 92 km de la ciudat de Uesca, la capital de la suya provincia.

Toponimia

La chent d'este lugar diz Torres quan charra con chent de la redolada, pa diferenciar-la de Torre d'Esera y Torrobato; ye la sola Torres (en plural) en Ribagorza. La forma larga con apelativo, Torres de l'Obispo, s'emplega quan charran con chent de difora de la redolada pa diferenciar-la d'atras Torres. La forma teorica bisbe no la trobamos en la parla local.

Ha teniu muitos cambios de nombre oficial a causa d'os cambios de mugas eclesiasticas:

• Torres dica 1495.
• Torres del Abad en 1543, porque en 1307 pasó a depender de l'abadiato de Sant Veturián. Atras variants: Torres del Abadiado de San Victorián (1560), Torres dalabad (1573).
• En 1571 deixó d'esistir este abadiato y se creyó lo bispato de Balbastro. En la bula papal a on se i dicen las mugas d'este bispato, Torres, sin d'apelativo, en ye una:

dominio subjacent Graus, et Torres loca et oppida.

• Torres del Obispo dende 1575 seguntes Burrel u dende 1646 seguntes Agustín Ubieto Arteta, por perteneixer a lo bispato y no a garra abadiato. Como quan que se produció este cambio de demarcacions territorials yera quan se cheneralizaba lo emplego oficial de lo castellán, y como l'aragonés no ha teniu guaire emplego en la ilesia, lo tetulo oficial yera Obispo y ya no yera Bispe, y ye como s'aplicó a l'apelativo d'este toponimo, apelativo que no ye popular. Una variant de 1660 de lo nombre yera Torres del Señor Obispo de Barbastro.
• Torres de las Cebollas, replegau en 1679 y 1680, podió estar una forma popular, ya que tien relación con la embotada que tienen los de Torres, cebollons.

Luengas y parlas

Ye situau en una zona de transición estricta u microcheografica entre l'aragonés y lo catalán en lurs modalidatz ribagorzanas. Seguntes lo mapa feito por Artur Quintana, la linia Chuseu-Torres-Alins desparte a l'este parlas catalanas de transición enta l'aragonés y a l'ueste parlas aragonesas de transición enta lo catalán.

Una cosa intresant de la parla de Torres y d'atros lugars de la val d'el Sarrón, como Chuseu y Aler, ye que la terminación -rn de lo catalán se prenuncia -rt (fort, hivèrt, infèrt en cuenta de forn, hivern y infern). En Torres y Chuseu bi ha ciertas plabras no diftongadas como espòna (pronunciada con o ubierta).

Demografía

Evolución demografica

1362 f 1495 f 1842 1857 1860 1877 1887 1897 1900 - - - - - - 154 - 139

1910 1920 1930 1940 1950 1960 1970 1981 1991 - - - - - - - - 259

2003 2004 2005 2006 2007 2008 2009 2010 2011 - - - - 160 - - 169 -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Fiestas

• Sant Chaime y Santa Ana, 25 y 26 de chulio.
• Purisma Concepción, 8 d'aviento.

Vinclos externos

• Lexico de Torres.
• (an) Palotiau de Torres.