Val Conchán

Val Conchán (Balconchán en castellán) ye un municipio aragonés y chicorrón lugar d'a comarca d'o Campo de Daroca (Zaragoza), muit amán d'a provincia de Teruel, chunto a o río Xiloca. A suya población ye de 17 habitants (2007), en una superficie de 19,4 km², estando asinas o municipio mas chicorrón d'a provincia de Zaragoza.

Val Conchán
Municipio d'Aragón
Entidat  • País  • Provincia  • Comarca	Municipio Aragón  Zaragoza Campo de Daroca
Superficie	19,4 km²
Población  • Total	17 hab. (2007)
Altaria	780 m.
Distancia  • 88 km	enta Zaragoza
Codigo postal	50366
Coordenadas	41° 5’13’’N 1°27’39’’U
Val Conchán Situación de Val Conchán en Aragón

Ye rodeyau d'un parache natural muit poliu, con as montanyas d'o Sistema Iberico debant mesmo d'as suyas carreras (que nomás en son quatre, amás d'un callizo) y d'una fuent a on va a sobén chent de toda redolada.

As suyas fiestas prencipals són en o mes de mayo, que ye quan o lugar ye pleno d'a chent que bell diya emigró dica as ciudatz, y ye quan se fa un baile en a procesión de Sant Pasqual Bailón.

Tamién ye muit amán d'a laguna de Gallocanta, que ye un parache muit apreciau por os naturalistas y aimants d'a naturaleza.

Cheografía

Ye situau en o semontano d'a Sierra de Santa Cruz, y en concreto a piet d'o Cerro de Sant Quílez, a man d'o despoblau medieval de L'Aldeyuela.

Toponimia

O toponimo fa referencia a un posible terratenient román, talment CONCIANUS y presenta a terminación án de pertenencia. A evolución d'o latín CONCIANUS ye talment por fonetica mozarabe (que palataliza a CI latina fendo-la ch), con perduga d'a -o final que conoix en mozarabe y ye común en aragonés dezaga de n final.

Entre los microtoponimos con component en aragonés ye destacable Cerro de San Quílez, que presenta l'antroponimo "Quílez", correspondient a un santo que ha teniu prou devoción en Ribagorza y Litera pero que no ha teniu guaire devoción ni en lo sud y en l'ueste d'Aragón.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									1
Total									1

Alcaldes

Lista d'alcaldes

Lechislatura	Nombre	Partito politico
1979–1983	Jesús Clavería Catalán	PAR
1983–1987
1987–1991
1991–1995	Octavio Martín Gil	PAR
1995–1999	Octavio Martín Gil	PP
1999–2003
2003–2007
2007–2011
2011–2015	Jesús Saz Bello	PSOE
2015–2019	Jesús Saz Bello	PSOE
2019–2023

Veyer tamién

• Lista de municipios de Zaragoza

Lugars desapareixius d'o municipio de Val Conchán
L'Aldeyuela