Forcallo (Campo de Daroca)

	Forcallo; Orcajo
	Municipio d'Aragón
Entidat; • País; • Provincia; • Comarca	Municipio; Aragón; Zaragoza; Campo de Daroca
Partiu chudicial	Daroca
Superficie	28,4 km²
Población; • Total	; 59 hab. (2013)
Altaria; • Meyana	; 770 m.
Distancia; • 95 km	; enta Zaragoza
Alcalde	Pedro Luis Aparicio Ramiro
Codigo postal	50366
Parroquial; • Archidiocesi; • Arcipestrau; • Parroquia	; Zaragoza; Daroca; Asumpción de Ntra. Sra.
Coordenadas	41° 6’32’’N 1°29’21’’U
	Forcallo Forcallo en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo trata sobre lo municipio aragonés, pa atros emplegos d'a palabra Forcallo se veiga Forcallo (desambigación).

Forcallo (Orcajo en castellano) ye un municipio aragonés de la provincia de Zaragoza, situato en la comarca de lo Campo de Daroca.^[1]

La suya población ye de 37 habitants (2006), en una superficie de 28,4 km².

Cheografía

Ye situato en lo semontano de la sierra de Santa Cruz, a 770 metros d'altaria sobre o ran d'a mar, y a una distancia de 95 km d'a ciudat de Zaragoza, a capital d'a suya provincia y d'Aragón.

Mugas

O termin municipal de Forcallo muga con Daroca, Val Conchán, Fuset, Cubel, Atea y Manchons.

Atea	Manchons
Atea, Cubel, Fuset		Daroca
Fuset	Val Conchán	Val Conchán

Toponimia

Forcallo ye un toponimo transparent en aragonés y significa "confluencia" u "bifurcación", gosa referir-se a ríos u camins.^[2] Ye fácil de confundir con l'homonimo despoblau que i heba en l'actual Clarés de Ribota. Apareixe como Forcallo en lo texto de Donación de decimas de la Ilesia de Calamocha a la Colechial de Daroca de 1205 adhibito a lo Libro vermello de l'Archivo Colechial de Daroca.

Hoc autem est divisio Sancte Marie habet Signa Torrillo, Covas, Corlas, Anento, Ferrerola, Tonda, Covas de Portelo Rubeo, Lechon, Montnegriellos, Villaalbiella, Forcallo, Tortolon, Baguena.

En atras partes d'ixe libro, con textos mes tardans, s'escribe Forcallo u ya con grau de castellanización en Forcaio (que intepretamos como /Forcacho/). En un texto de 1377 d'ixe libro en lo trobamos en una sentencia bispal por la que lo prior de Santa María de Daroca ha de recibir anyalment la tercera part de las primicias de los lugars de Calamocha, Fuset, Forcallo, Navarret, Barrachina y Retascón.

Ymo, facta per dominum Lupum, archiepiscopum Cesarauguste, de tercia parte primiciarum locorum de Calamocha, Fuset, Forcallo, Valconchán, Villareal, Navarret, Barrachina et Retascón, pro distribucionibus contidianis ecclesie Beate Marie de Daroca.

En un texto de 1397 d'ixe mesmo libro, un inventario de biens de la ilesia de Santa María

item unio facta per dictum Lupum, archiepiscopum Cesarauguste, distribucionibus cotidianis ecclesie Beate Marie Daroce, de tercia videlicet parte primiciarum locorum de Fuset, Forcallo, Valconchan, Calamocha, Villareal, Retascon, Navarret, Barrachina. In folio XXIX.

En un documento de 1441 en una sentencia bispal por a que se resuelve lo pleito entre lo prior y canonches de Santa María por las decimas de Lo Forcallo, en lo texto alterna Forcaio y Forcallo:

ex redditibus supradicte ecclesie seu ad priorem et capitulum pertinentibus pro sustentacione status sue dignitatis retineret prout sibi retinuit omnes decimas terminorum locorum de Fuset, de Villarguerrero et del Estobosa, qui sunt termini limitati d'El Forcaio et de Valconchan, et d'El Aldeyuela, et hominum dictorum locorum de Valconchan et d'El Aldeyuela, et hominum dictorum locorum de Valconchan et d'El Aldeyuela excolentium terras in termino prefate civitatis Daroce, omnisque alias decimas omnia tributa, iura, reddibus et proventus, ad dictum priorem in quisbuscumque terminis seu locis pertinentibus seu expectantibus voluit et expresse consenssit

de excolentibus terras in termini loci d'El Forcallo, tantummodo et not excollentibus terras in terminis dicte civitatis Daroce, de Montagudo et d'El Enderme, qui vocatur terminus comunis qui sunt termini distincti a termino d'El Forcaio

Quiquidem termini sive hereditates dictorum terminorum, excoluntur per homines dicti loci del Forcaio, et alios pro tanto per hanc nostram diffinitivam sententiam pronunciamus, sentenciamus, decernimus ac declaramus ad dictum dominum priorem qui nunc est et eius succesores, solum et dumtaxat pertinere et expectare, ius percipiendi decimas omnes supradictorum terminorum locorum de Fuset, de Vilalguerrero et de La Scobosa, qui sunt termini limitati d'El Forcallo, de Valconchan et d'El Aldeyuela, et hominum dictorum locorum de Valconchan et d'El Aldeyuela, excollentium terras in termino dicte civitatis Daroce

En un texto d'aviento de 1462 una sentencia bispal por la que las decimas de los termins de Mont Agudo, Las Ombrías y Las Planas, de lo lugar de El Forcallo deben recibirlas los canonches de Santa María de Daroca y no lo suyo prior:

sentenzia per dominum regentis oficciis Cesarauguste, cum sigillo predenti, super decimis de Montagudo, et de Las Ombrías y de Las Planas, aliis vulgariter clamado d'El Enderme, prope locul d'El Forcallo, qualiter pertinent capitulos et canonicos Sancte Marie Daroca, et non priorii

Forcallo apareixe tamién entre los lugars de lo Campo de Daroca saqueyaus en una guerra entre Castiella y Aragón de lo sieglo XV con un cerco a Villarroya, y que menciona Cheronimo Zurita en "Anales de Aragón" de lo sieglo XVI, pero puet estar lo despoblau Forcallo de la Comunidat de Calatayú. D'alcuerdo con Antonio Ubieto Arteta la evolución de lo toponimo ha estau Forcaxo (fogache de 1495), Forcajo (dica 1543), El Horcajo (1609), Orcajo (dende 1646) y encara que a diferencia de lo suyo chirmán Agustín Ubieto Arteta no mencione la forma orichinal con fonetica aragonesa Forcallo (que debeba conoixer por conoixer lo texto de 1205 de Remón de Castrocol) si documenta la progresiva castellanización de lo toponimo.

Bi ha microtoponimos intresants, beluns con component aragonés, como El Mon, Rochal, La Radigüela y Carraberrueco. Lo barrio viello encara se dice Cabo de l'aldea.

Bi ha una partida dita Valdeariento a on debió estar un despoblau medieval mencionau como Valdariento en 1205 cuan Remón de Castrocol en adchudicó las decimas y primicias a la ilesia de Sant Chaime de Daroca. Se crei que Valdariento estió entre Forcallo, Daroca y Manchons.

Historia

En o sieglo XV perteneixeba a la Comunidat de Daroca.^[3]

Demografía

Evolución demografica

1992	1994	1996	1997	1998	1999	2000	2001	2002
-	-	-	-	46	47	47	46	44

2003	2004	2005	2006	2007	2008	2009	2010	2011
42	39	37	37	38	36	34	33	43

2012	2013	2014	2015	2016	2017	2018	2019	2020
47	45	57	56	58	57	59	58	55

2021	2022	2023	2024	2025	2026	2027	2028	-
58	57	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									1
Total									1

Alcaldes

Lista d'alcaldes
Lechislatura	Nombre	Partiu politico
1979–1983	Felipe Blasco Sebastián	UCD
1983–1987	Blasco Sebastian, Felipe	PSOE
1987–1991	Blasco Sebastian, Felipe	PSOE
1991–1995	Blasco Sebastian, Felipe	PSOE
1995–1999	Angel Aranda Marco	PAR
1999–2003	Aranda Marco, Angel	PAR
2003–2007	Ángel Aranda Marco	PAR
2007–2011
2011–2015
2015–2019	Pedro Luis Aparicio Ramiro	PSOE
2019–2023
2023–2027	Pedro Luis Aparicio Ramiro ^[4]	PSOE