Ferrera de los Navarros

Este articlo tracta sobre Ferrera de los Navarros, municipio de lo Campo de Daroca. Pa atros usos de lo toponimo Ferrera, veyer Ferrera (desambigación).

Ferrera de los Navarros (Herrera de los Navarros en castellano) ye un municipio aragonés de la provincia de Zaragoza, situato en la comarca de lo Campo de Daroca y partiu chudicial de Zaragoza.

Ferrera de los Navarros
Municipio d'Aragón
La torre de la ilesia de Ferrera de los Navarros.
Entidat  • País  • Provincia  • Comarca	Municipio  Aragón  Zaragoza Campo de Daroca
Partiu chudicial	Zaragoza
Superficie	105,01 km²
Población  • Total	523 hab. (2013)
Altaria  • Meyana	809 m.
Distancia  • 58 km	enta Zaragoza
Alcalde	Adolfo Val Rubio
Codigo postal	50150
Río	Ferrera
Coordenadas	41°12’33’’N 1° 4’50’’U
Ferrera de los Navarros Ferrera de los Navarros en Aragón
Web oficial

La suya población ye de 628 habitants (2008), en una superficie de 105,01 km², con una densidat de población de 5,98 ab/km².

Cheografía

Lo lugar de Ferrera de los Navarros ye situato a lo piet de la Sierra de Ferrera, chunto a lo río de Ferrera, afluent de lo río Aguas. Se troba a 809 metros d'altaria sobre lo livel de la mar y a una distancia de 58 km de la ciudat de Zaragoza, la capital de la suya provincia, de lo suyo partito chudicial y d'Aragón.

Comprende lo lugar de Virchen de Ferrera, los casals de Uerba y Venta de Ferrera, y la pardina de Luco de la Uerba u Luguillo.

Mugas

Lo suyo termin municipal muga con Azuara, con Villar de los Navarros, con Nogueras, con Lueixma, con Vistabella, con Aladrén, con Tosos y con Aguilón.

Toponimia

En textos medievals yera Ferrera, como sale en lo Fogache de 1495, encara que ya en 1373 s'emplegó quan la "manifestación de lo morabetín" Ferrera de los Navarros. Dimpués se castellaniza ta Herrera, y prene oficialment l'apellito de los Navarros en 1920.

Bi ha bell microtoponimo con component en aragonés, destacando-ne beluns con fonetica propia de l'aragonés de la Val de l'Ebro como Farafulla, Navallo (a on bi ha un vértiz cheodesico), Parideras de Navallo Royo, Serrallo, Serrallón y Camino del Serrallón (estos zaguers con infixo -all-).

Historia

Bi ha un poblato ibero-román sobre La Plana, en la partida de Los Castellares. La primera vegata que apareixe Ferrera en la documentación cristiana ye en 1128, en una concesión d'Alifonso I. Perteneixió a la Sexma de Trassierra.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									3
Partido Popular									3
Partido de los Socialistas de Aragón									1
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Carlos Mayor Izaguerri	Independient
1983–1987	Carlos Mayor Izaguerri	PAR
1987–1991	Melitón Pérez García	AP
1991–1995	Melitón Pérez García	PP
1995–1999	Melitón Pérez García	PP
1999–2003	Jesús Enrique Sola Sevilla	Partido Aragonés
2003–2007	Jesús Enrique Sola Sevilla	Partido Aragonés
2007–2011	Jesús Enrique Sola Sevilla	Partido Aragonés
2011–2015	Adolfo Val Rubio	Partido de los Socialistas de Aragón
2015–2019	Enrique Felices Serrano	Independient
2019–2023

Puestos d'intrés

• Ilesia de Sant Chuan Baptista.
• Santuario d'a Virchen de Ferrera.

Fiestas

• Sant Blas, 3 de febrero
• Sant Chorche, 23 d'abril (fiestas patronals)
• Virchen de Ferrera, 8 de setiembre

Vinclos externos

• Se veigan as imachens de Commons sobre Ferrera de los Nabarros.
• Pachina web oficial municipal de Ferrera de los Navarros.
• Pachina web no oficial sobre Ferrera de los Navarros.