Aceret

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aceret (Acered en castellano y oficialment) ye un municipio de la provincia de Zaragoza, situau en la comarca de lo Campo de Daroca. Fa parte de lo partiu chudicial de Daroca.

Aceret
Municipio d'Aragón
Entidat  • País  • Provincia  • Comarca	Municipio  Aragón  Zaragoza Campo de Daroca
Partiu chudicial	Daroca
Superficie	30,40 km²
Población  • Total	138 hab. (2013)
Altaria  • Meyana	835 m.
Distancia  • 110 km	enta Zaragoza
Alcalde	Conrado Sicilia García
Codigo postal	50347
Coordenadas	41° 10’13’’N 1°36’15’’U
Aceret Aceret en Aragón

La suya población ye de 165 habitants (2018), en una superficie de 30,40 km² y una densidat de población de 6,51 hab/km².

Cheografía

Ye situau sobre materials cuaternarios cerca de lo barranco Aceret, a 110 metros d'altaria sobre lo livel d'a mar y a una distancia de 110 km de la ciudat de Zaragoza, la capital de la suya provincia y d'Aragón.

Mugas

Lo suyo termin municipal muga con Atea, con Cubel, con Abanto, con Castellón d'Alfarba, con Alfarba, con Fuents de Xiloca y con Montón.

Toponimia

Lo toponimo Aceret s'ha quiesto interpretar a partir de l'arabe "camín" u a partir de lo latín ACERE ("acirón").

De tener un orichen latino y romanz, la terminación -et no representaría un diminutivo aragonés -et como pareixe, y representaría lo sufixo -et(o), indicador de formacions vechetals u puesto con abundancia d'una especie vechetal en aragonés y en atras luengas romances. D'esta traza, lo toponimo aceret ye prou transparent en aragonés pa que s'explique dende lo latín ACERETUM, "aceral" d'alcuerdo con la fonetica aragonesa y mozarabe. La especie d'acirón que habría orichinau lo toponimo sería Acer monspessulanum.

S'escribe Azerero u Azret en Rationes decimarum Hispaniae (1279-80):

Item a Dominico, diacono, pro eccl. de Azerero.

Item a vicario de Azret.

Figura en lo Fogache de 1495 como Azert, y existiba l'apelliu d'Azert.

Entre los microtoponimos con component mozarabe se troba El Picocho y Panderuel. Entre los que tienen component en aragonés se troban estepar, Las Cabezadas, La Cantera, Espligar, cerro d'el Estepar, Herreñales, La Lastra, alto de la Lastra, Las Ombrihuelas (con protesi velar), El Pedugo, Las Pedrizas, El Plano, Los Planos, Loma de Salgar, Fuente El Saz, Hoya del Salz, El Vergel, ecetra.

Historia

Aceret estió una aldeya de la Sexma d'el río Ibdes, adintro de la Comunidat d'aldeyas de Calatayú. Fació part tamién de la Sobrecollida de Calatayú. En 1711 encara teneba la categoría d'"aldeya", y prenió la categoría de "lugar" en 1785.

Demografía

Evolución demografica

1992 1994 1996 1997 1998 1999 2000 2001 2002 - - - - - - - 259 -

2003 2004 2005 2006 2007 2008 2009 2010 2011 - 259 - - - 189 259 160 198

2021 2022 2023 2024 2025 2026 2027 2028 - - 138 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									4
Partido de los Socialistas de Aragón									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Conrado Sicilia García	Partido Aragonés

Fiestas

• 3 de febrero, en honor de Sant Blas.
• Segundo domingo de mayo.
• 16 d'agosto.

Vinclos externos

• Se veigan as imachens de Commons sobre Aceret.