Baduls

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Baduls (Badules en castellano) ye un municipio aragonés d'o Campo de Daroca (Zaragoza), situato a o costato d'o río Lanzuela, amán d'a on que desemboca en La Uerba. A suya población yera de 107 habitants (2004), en una superficie de 20,1 km².

Baduls Badules
Municipio d'Aragón
Entidat  • País  • Provincia  • Comarca	Municipio  Aragón  Zaragoza Campo de Daroca
Partiu chudicial	Daroca
Superficie	20,1 km²
Población  • Total	75 hab. (2013)
Altaria  • Meyana	922 m.
Distancia  • 82 km	enta Zaragoza
Alcalde	Alejandro Espinosa Ramiro
Codigo postal	50491
Parroquial  • Archidiocesi  • Arcipestrau  • Parroquia	Zaragoza Daroca Asumpción de Ntra. Sra.
Ríos	Lanzuela
Coordenadas	41° 8’16’’N 1°15’ 6’’U
Baduls Baduls en Aragón

Toponimia

O toponimo Baduls lo trobamos en a trascripción que Agustín Gil Domingo fa d'un texto d'adchudicación de decimas y primicias en 1205 por parte de Remón de Castrocol, texto adhibito a o Libro vermello de l'Archivo Colechial de Daroca. Ye un d'os pocos casos de plural aragonés -ns, -ls escrito en un toponimo medieval de l'aria central-meridional d'Aragón. Sindembargo atras transcripcions que se veyen en o suyo articlo son errors tipograficos y traduccions a o castellano, por lo que no ye un testimonio seguro, y amés en a trascripción de Luis Alberto Majarena Gonzalvo ye Badules.

En toz os atros textos medievals s'escribe siempre como Badules (Vadules en o Fogache de 1495).

L'orichen d'o toponimo puet estar una evolución romance d'o latín Palus, laco, a traviés de paludis u padulis (paúls en aragonés actual).

Demografía

Evolución demografica

1992 1994 1996 1997 1998 1999 2000 2001 2002 - - - - 116 116 121 122 118

2003 2004 2005 2006 2007 2008 2009 2010 2011 110 107 101 112 107 106 100 95 100

2012 2013 2014 2015 2016 2017 2018 2019 2020 100 102 97 95 88 87 83 85 78

2021 2022 2023 2024 2025 2026 2027 2028 - 70 74 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Evelio Román Herrera	UCD
1983–1987
1987–1991
1991–1995	José Javier Mainar Brinquis	PP
1995–1999	José Javier Mainar Brinquis	PP
1999–2003	José Javier Mainar Brinquis	PP
2003–2007	José Javier Mainar Brinquis	PP
2007–2011	Alejandro Espinosa Ramiro	Partido de los Socialistas de Aragón
2011–2015	Alejandro Espinosa Ramiro	Partido de los Socialistas de Aragón
2015–2019	Alejandro Espinosa Ramiro	Partido de los Socialistas de Aragón
2019–2023	Alejandro Espinosa Ramiro	Partido de los Socialistas de Aragón
2023–2027	Juan Carlos Herrero Gonzalvo	PP

Curiosidaz

A cantaire Aurora Lacasa, celebre en a RDA, yera filla d'un exiliato de Baduls.

Puestos d'intrés

• Ilesia de l'Asumpción d'a Virchen.
• Peirón de San Antón.

Fiestas

• 3 de febrero, Sant Blas.
• 22 de mayo, Santa Quitería.
• Agosto, fiestas patronals.

Bibliografía

• Agustín Gil Domingo. "La historia de Calamocha a través de la historia" (I). Xiloca 30.
• Luis Alberto Majarena Gonzalvo. "El Libro Bermejo del Archivo Colegial de Daroca". Centro de Estudios Darocenses. Colección Documentos para la Historia de Daroca y su Comunidad. 1989.

Referencias

Lugars desapareixius de lo municipio de Baduls
Datos

• Datos: Q1639646
• Multimedia: Badules / Q1639646