Penya Uruel

Penya Uruel
Peña Oroel
A Peña Uruel.jpg
Boiras en a Penya Uruel.
Situación
Situación Flag of Aragon.svg Chaca (Uesca)
Latitut
Lonchitut
Vértiz cheodesico 17691
Cheografía
Cordelera Depresión meya intrapirenenca[1]
Sierra {{{sierra}}}
Macizo {{{macizo}}}
Altaria 1.769 m
Alpinismo
Primera puyada
Ruta mas fácil Bernués -
Sant Chuan d'a Penya
Mapa
Perineu Aragonés (orografía).png
Montanya.svg

A penya Uruel[2][3] (Peña Oroel en castellán) ye una sierra que forma a muga sud d'a Val Ancha, en a Chacetania. A suya altaria maxima ye de 1.769 m en a punta Uruel, a on bi ha un vértiz cheodesico, mientres que s'aduben os 1.689 en a punta Bacials en l'atro cabo d'a penya.

As selvas d'as suyas laderas son formatas de pinos (Pinus sylvestris), fabos (Fagus sylvatica), y abetz (Abies alba). Tamién bi ha caixicos (d'una seqüencia hibridochena con participación prencipal de Quercus faginea y Quercus humilis), carrascas (Quercus ilex) y matullos como lo buxo (Buxus sempervirens) y l'allaga (Genista scorpius).

ToponimiaEditar

O toponimo Uruel se puet fer derivar d'o latín AUREOLU encara que bell autor como Coromines no lo considere asinas. O diftongo -ue- d'a forma aragonesa d'o toponimo ye a forma orichinal[2] a diferencia d'a forma castellana porque ye o que cabe esperar por diftongación d'a O latina en o sufixo latín -OLU, que esdevenió -uel(o) por evolución fonetica en l'aragonés.

CheolochíaEditar

La penya Uruel ye un sinclinal pendiu d'almendrons y lutitas d'edat stampiana (Oligoceno inferior).

LeyendasEditar

Dragón de penya UruelEditar

Un dragón viviba en a penya Uruel. Se deciba que a mirata d'os dragons himpnotizaba a qui la uellaba, por ixo un caballero aragonés aproveito isto ta matar a lo dragón. Pulió lo suyo escudo, como un mirallo y puyó enta la espelunga a on viviba o dragón fendo que iste mira-se o escudo y s'himpnotizase con a suya propia uellata mientres o caballero l'amortaba.[4]

Atras leyendasEditar

Diz que la Reconquiesta en Aragón s'encetó quan unas fogueras en a suya tuca indicaban que heba d'empecipiar la luita. Tamién se considera montanya machica per estar en a tuca oriental d'un trianglo que las suyas atras dos vértiz se sitúan en Sant Adrián de Sasau y Sant Chuan d'a Penya. Unatra leyenda explica que n'o suyo interior bi habió una mina u un tresoro, lo qual, que se saba, no ha estau encara trobau.

ReferenciasEditar

  1. (es) Antonio Higueras Arnal (coordinador): Geografía de Aragón Tomo I. Editorial Guara. pp 32-36.
  2. 2,0 2,1 (es) Jesús Vázquez Obrador: Reflexiones acerca de la normalización toponímica en la provincia de Huesca. Alazet: Revista de filología, ISSN 0214-7602, Nº 13, 2001 , p 157.
  3. (es) Toponimos oficials de Chacetania en www.lenguasdearagon.org
  4. (es) Serrano, Pilar. La leyenda del dragón de Oroel. Editorial Fuendepila. ISBN 978-84-948807-5-9

BibliografíaEditar

Vinclos externosEditar