Abrir menú principal
Pico royo en Sallent de Galligo.

La cima[1][2][3] ye lo cabalto d'una elevación de lo terreno, rodeyada por totz los costaus de puntos a menor altaria.[4] En un mapa topografico prou detallau se puede reconoixer bella curva de libel arredol d'una cima. La forma d'una cima ye variable y bi ha unas denominacions populars chenericas descriptivas que condicionan oronimos concretos.

Bi ha cimas planas (en los cabaltos de muelas y en penyas masivas), y cimas agudas formando picos u tucas.

Cimas planasEditar

 
Envista d'Aras, localidat situada a piet d'una muela de cima plana.

Si una elevación ye feita d'estratos plans con capuzamiento horizontal lo cabalto presentará los estratos topograficament mes elevaus d'este conchunto, resistindo-se a desapareixer por erosión y con pendients quasi verticals (cinglos).

PicoEditar

Ye una denominación cheneral en aragonés dende Ansó dica Benás pa describir cimas agudas,[5] igual como las denominacions cognatas que se troban en atras luengas: pic (catalán, occitán, francés), peak (anglés), y pico (castellán).

TucaEditar

Ye una denominación local pa describir cimas agudas en chistabín y benasqués,[6][5] en continuidat cheografica con las denominacions locals de tuc y tuca en catalán ribagorzán y pallarés, y en occitán gascón. Se puede interpretar un orichen prerromán indoeuropeu d'esta palabra en θukka,[7] que tamién se representa como tsukka, y ye la mesma que ha orichinau en aragonés zoca, en catalán soca, occitán soca/socha, en francés souche y en castellán tocón. En chistabín tamién se documenta la forma sufixada tucón pa tucas grans y prominents.

PuntaEditar

Ye una denominación prou cheneral, que presenta la variant punda en aragonés central.

ReferenciasEditar

  1. (an) Cronica de los Conquiridors
  2. (an) Vidas semblants.
  3. Grant Cronica d'Espanya
  4. (es) José Lugo Hubp: Diccionario geomorfológico.Instituto de Geografía UNAM, 2011, p 74.
  5. 5,0 5,1 (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 385, p 514.
  6. (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
  7. (es) José Antonio Saura Rami: Los nombres y la tierra estudio onomástico de Eriste, Sahún y Eresué (Valle de Benasque, Ribagorza). Editorial: Prensas Universitarias de Zaragoza, 2008, p 92.

BibliografíaEditar

  • (es) José Lugo Hubp: Diccionario geomorfológico.Instituto de Geografía UNAM, 2011.