Bernués

Bernués ye un lugar en o termin municipal de Chaca, comarca de Chacetania y partito chudicial de Chaca, en a provincia de Uesca. A suya población ye de 25 habitants censaus, pero no mas 8 viven asti tot l'anyo.

Bernués
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Chacetania Chaca
Población  • Total	25 hab.
Altaria  • Meyana	917 m.
Distancia  • 17 km	enta Chaca
Codigo postal	22711
Patrons	Asumpción de María
Coordenadas	42°28’40’’N 0°35’ 8’’U
Bernués Bernués en Aragón

Cheografía

O lugar de Bernués ye a 917 metros d'altaria, dencima d'un pueyo a man de l'antigo Camín Reyal de Chaca ta Uesca por Ayerbe, y tamién amanato a l'antiga vía romana que trescruzaba a sierra de Sant Chuan d'a Penya por Ena. Ye a o sur de Penya Uruel y d'a sierra de Sant Chuan d'a Penya, a una distancia de 17 km de Chaca.

As suyas coordenadas son: Latitud, 42,47798; Lonchitud: -0,5856466.

Historia

Seguntes Agustín Ubieto Arteta, a primera cita d'o lugar ye de 992, recollita en a edición por su chermano Antonio Ubieto Arteta d'o Cartulario de San Juan de la Peña, en Textos Medievales, 6 (Valencia, 1962), y documenta as variants Bernues, Berne, Bernuasse, Bernuassi, Bernos, Bernuas, Bernoscha, Vernuesse y Verne.

En 992 o rey de Navarra Sancho Garcés II (con a suya muller Urraca) donó o lugar a o monesterio de Santa Cruz d'as Serors. Sindembargo, a prencipios d'o sieglo XI o lugar fue cedito a o monesterio de Sant Chuan d'a Penya, que ye a poca distancia a o norte d'o lugar, por o rei Sancho o Gran.

Toponimia

Seguntes Gerhard Rohlfs se relaciona con l'antroponimo galo Bernus, con un sufixo aquitán de pertenencia -ossu que evolucionó ta -ués.

Administración

Dica a suya incorporación en 1964 a o termin municipal de Chaca, estió un municipio independient, con as pardinas de Lacarrosa, Lorés y Osán.

Molimentos

• Ilesia parroquial de Sant Martín de Tours, d'estilo barroco, adedicada a Sant Martín de Tours. Ye d'o sieglo XVIII y sustituye a una ilesia anterior d'estilo romanico.

Fiestas

• 20 de chinero: Sant Sabastián.
• 11 de chunio: Sant Aleixandre.
• 15 d'agosto: L'Asumpción d'a Virchen, fiestas mayors.