Mar Hadriana

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Mar Hadriana Mare Adriatico - Deti Adriatik
Ocián u mar d'a IHO (n.º id.: 28g)
Foto de satelite d'a mar Hadriana
Localización administrativa
Estau	Italia Eslovenia Croacia Bosnia y Herzegovina Montenegro Albania
División	Rechions de Pulla, Molise, Abruzos, Marcas, Emilia-Romanya, Veneto y Friuli-Venecia Chulia (ITA) Istria Eslovena (SLO) Condatos de Istria, Primorje-Gorski Kotar, Lika-Senj, Zadar, Šibenik-Knin, Split-Dalmacia y Dubrovnik-Neretva (CRO) Cantons d'Una-Sana, Cantón 10, Herzegovina Occidental y Herzegovina-Neretva (BOS) Condatos de Shkodër, Lezhë, Durrës, Tirana, Fierr y Vlorë (ALB)
Cheografía
Mar	Mar Mediterrania
Continents	Europa
Ríos que i cayen	Po (652 km), Adigio (410 km), Piave (220 km), Reno (211 km), Brenta (174 km), Tagliamento (170 km) y Ofanto (170 km) (ITA)
Ciudatz costeras	Venecia, Trieste, Ancona, Bari, Ragusa, Rijeka, Split
Accidents
• Golfos y badías	Golfos de Venecia y Manfredonia (ITA) Golfo de Piran (CRO)
• Estreitos	Canal d'Otranto (mar Chonica)
• Atros	Peninsulas Italica, d'os Balcans y Istria
Superficie	160.000 km²
Largaria maxima	800 m
Amplaria maxima	200 m
Fondura meyana	444 m
Mapa
Mar Hadriana

A mar Hadriana u Adriana (d'o latín Mare Hadriaticum u Mare Adriaticum; mare Adriatico en italiano, Jadransko morje en esloveno, Jadransko more en serbocroata, Јадранско море en alfabeto cirilico y Deti Adriatik en albanés) ye una mar d'a Mar Mediterrania, que desepara a peninsula italica d'a peninsula balcanica, con una superficie de 160.000 km², alto u baixo y con una fondura meya de 444 metros, con una fondura maxima de 1.460 metros. Se comunica con a mar Mediterrania (en ye manimenos un golfo d'ixa mar) por a canal d'Otranto, entre Pulla y Albania. Actualment, mugan con a mar Hadriana Italia, Eslovenia, Croacia, Bosnia y Herzegovina, Montenegro y Albania.

En a mar bi ha quantas islas; encara que a o sud a isla de Corfú, en Grecia, no en fa parte, historicament estió a talaya d'a Republica de Venecia dica a suya desaparición en 1797 con o Tractau de Campo Formio. Ye asinas considerata como a clau estratechica d'a mar Hadriana.

Ye una mar a on bi ha a-saber-los puertos, destacando-ie Venecia u Trieste a o norte, Ancona, Bari, Dubrovnik, Rijeka, Split u atros.

Etimolochía

O suyo nombre tien orichen en o nombre d'a ciudat etrusca d'Hadria (hue Adria en italiano), encara que s'emplegaba nomás ta un golfo (hue colmatato por o río Po) que bi n'heba.

En o "libro d'as Marabillas d'o Mundo" muestran con una mala traducción dende o francés a confusión entre ixe golfo, l'actual golfo de Venecia y a Mar Hadriana:

Muchos puertos y ha do hombre entra en mar Algu(n)os se meten en mar en Jennoa algu(n)os en venecia & passan por la mar adriatiqua que se clama goffre de veniciens qui dep(ar)te ytalia & grecia en este costado / Et algu(n)os van a naples algu(n)os a Roma & de Roma a brandiz & ailli se meten en mar et en muchos otros logares en do ay puerto

Papel historico

A mar Hadriana estió uno d'os puestos d'expansión d'o comercio mientres l'Antiga Grecia, en confluir en ixa mar as rutas de transporte maritimo enta o sud (Grecia u Echipto) y as rutas de transporte terrestre dende o norte (mar Baltica y norte d'Europa). Yera por o suyo traviés como plegaba enta o sud d'Europa y Echipto l'ambre d'a mar d'o Norte y d'a mar Baltica.

Mientres a Edat Meya y a Edat Contemporania, a mar Hadriana estió un territorio controlato por a Republica de Venecia, encara que as suya marguin oriental bi hese l'Imperio Otomán dende o sieglo XV.

Dende o sieglo XIX, l'Imperio Austrohongaro, en competencia con o reino d'Italia, esdevenioron as potencias prencipals d'a mar Hadriana.

Vinclos externos

• Se veigan as imachens de Commons sobre a mar Hadriana.