Republica de Venecia

	Serenisma Republica de Venecia; Serenìsima Repùblica Vèneta; Serenìsima Repùblega Vèneta
	Situación de Republica de Venecia en 1796
Capital	Venecia
Idioma oficial	Veneciano y latín
Relichión	Catolica
Gubierno	Republica
Dogo; • 1789–1797	; Ludovico Manin

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Republica de Venecia estió una ciudat-estau d'o norte de Italia. Recibe o nombre de Serenissima Repubblica di San Marco. A republica de Venecia se convertió en una potencia maritina y economica en o Mediterranio central y oriental en o sieglo XII.

Historia

Orichens

A suya fundación estió d'alto u baixo en l'anyo 421, en o cual os habitants d'a rechión, debant l'amenaza d'as invasions longobardas y atras que heban destruito a capital, Aquileya, se refuchioron en as paúls d'a desembocadura d'o Po, en as islas d'a laguna de Venecia, (una laguna de tipo Albufera); tot en una zona estratechica entre as peninsulas italica y d'Istria, dita mas tarde golfo de Venecia.

O estato veneciano amanixió lentament entre l'Imperio Bizantín y lo Sacro Imperio Romano Chermanico en os sieglos IX y X. En l'anyo 993 Costantinoble li concede privilechios comercials en unos tiempos que o comercio mediterranio yera dominato por Bizancio, (que controlaba os puertos italianos de Bari, Amalfi y Salerno), u por os musulmans. A lo principio Venecia preba de fer-se con o control de l'Hadriana contra os musulmans u os normandos, y tamién da vida a rutas comercials con Europa a lo norte d'os Alpes, (comerciando con Breslau, Cracovia, Leipzig, Nuremberg, Franckfort, Lübeck, Campanya y Bruxas).

Apocheu

A primera cruzata (1096-1099) permite que Venecia estableixca bellas bases en Levant. En 1122 Venecia ubre sucursals en Tir y Tripoli. En 1123 dimpués d'una batalla a man d'Ascalón Venecia y Chenova encomienzan a dominar o comercio mediterranio. Venecia s'enriqueix con o comercio d'a seda y de l'aceite, comercio que se fa con Costantinoble, Corinto y Tebas. En 1171 l'emperador Manuel I Comneno confisca os biens d'os mercaders venecianos de Costantinoble.

A cuatrena cruzata ye decisiva pa que os venecianos prengan o control d'a Mar Echea con a conquiesta de Creta. A lo mando de Bonifacio de Monferrat (1202), a cruzata no s'adreza a lo suyo obchectivo y s'esbarra ta Costantinoble, que ye saqueyata en (1204) y on posan a un emperador catolico (Balduín de Flandres). D'astí entadebant os venecianos controlan amés d'a una gran part comercio mediterranio, as islas Echeas, as islas chonicas, Creta, (que ye poblata con colonias militars), o Peloponeso y una part de Tracia. Venecia establix relacions con China, alavez mandata por a dinastía Yuan, por meyación d'os chirmans Polo, que arriban en Pequín pasando por Asia Central. Venecia tien por rival a Chenova en a Mediterrania occidental, pero con tot y con ixo a moneda veneciana (o ducau, acunyau dende 1284) s'imposa como patrón monetario en toz os puertos mercants d'a Mediterrania. En 1381 os se produce a guerra de Chioggia entre Venecia y Chenova.

A fins d'o sieglo XIV a republica veneciana mira d'examplar os suyo territorio en tierra firme (Terraferma) ocupando Treviso, Padua, (1404-1405), Vizenzia, Verona, Trentino (1416), Friul, Istria. En l'anyo 1420 a Republica de Venecia s'anexionó os Dominios de Terraferma, y en l'anyo 1445 l'anterior Patriarcato d'Aquileya fue adhibito a la Republica de Venecia con o nombre de Patria del Friuli. L'apocheu terrestre de Venecia ye marcato en l'inte d'a Paz de Lodi (1454).

Decadencia

A caita de Costantinoble y o creximiento de l'Imperio Otomán farán que Venecia vaiga perdendo a hechemonía d'a Mediterrania, con un estato fuerte musulmán on treballan bien amés d'os comerciants griegos as minorías comercials armenia y sefardita. En 1489 os venecianos s'anexionan Chipre. Encara en 1571 os venecianos luitan chunto a os espanyols en a Batalla de Lepanto, pero en l'anyo 1669 os venecianos se veyen obligatos a ceder Creta a los otomans, dimpués d'una invasión en a que os griegos de posan de parte d'os turcos.

A fin d'a republica de Venecia ye o tractau de Campo Formio (1797) cuan o territorio de Venecia fue repartito entre Francia y Austria. Dalmacia, Istria y a propia Venecia con o Veneto pasoron a depender d'Austria y Francia se quedó con Bergamo, Brescia (que fuoron adhibitas a la Republica Italiana) y a isla de Corfú.

Datos: Q4948
Multimedia: Republic of Venice / Q4948