Cantón 10

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cantón 10 (en bosnio Kanton 10, en serbio Кантон 10), más conocido como condau de Herzeg-Bosnia (en croata Hercegbosanska županija) ye un d'os 10 cantons en que se divide a Federación de Bosnia y Herzegovina, en Bosnia y Herzegovina. Ye situau en o surueste d'o país. A seu d'o gubierno local ye en Livno, mientres que l'Asamblea rechional tien a suya seu en Tomislavgrad. O cantón tien una extensión de 4.935 km² y teneba una población de 80.800 personas en 2009.

Cantón 10 Kanton 10 Hercegbosanska županija Кантон 10
Cantón d'a Federación de Bosnia y Herzegovina
Bandera Escudo
Entidat  • Estato  • Entidat	Cantón Bosnia y Herzegovina Federación de Bosnia y Herzegovina
Capital	Livno
Subdivisions	6 municipios
Superficie  • Total	4 934.1 km²
Población  • Total (2013)	80 708 hab.
ISO 3166-2	BA-10
Etnia mayoritaria	croata
ISO 3166-2	BA-03
Localización d'o cantón 10
Pachina web oficial

Nombres

En Bosnia y Herzegovina y Serbia, se fa servir por un regular o termin kanton, mientres que en Croacia s'emplega o termin županija. O cantón ye denominau oficialment por a Federación de Bosnia y Herzegovina como Kanton 10 (u Županija 10). O gubierno local, manimenos, se refiere a ista subdivisión como o condau d'Herzeg-Bosnia (en croata Hercegbosanska županija) y usa ixe nombre en a constitución local. Se fa referencia a la entidat autoproclamada de Herzeg-Bosnia que existió mientres a guerra de Bosnia. Iste nombre ha estau considerau inconstitucional por o Tribunal Constitucional d'a Federación en parti porque "no incluye denguna parti d'a región tradicional de Herzegovina". Ixa prueba cheografica, manimenos, ye discutida dende que as mugas d'Herzegovina no son estrictament cheograficas, y mas que mas no determinadas por a lei. Atros nombres emplegaus a nivel nacional son "cantón de Bosnia Occidental" (en bosnio Kanton Zapadnobosanski, en croata Zapadnobosanska županija) u "cantón de Livno" (en bosnio Kanton Livanjski), como a suya ciudat capital.

A bandera y o escudo d'armas d'o cantón son os mesmos que a bandera y o escudo d'armas d'a ex-Republica Republica croata de Herzeg-Bosnia. O cantón d'Herzegovina Occidental, atro cantón de Bosnia y Herzegovina, tamién fa servir ixa bandera y escudo d'armas. Istos simbolos fuoron consideraus inconstitucionals por o Tribunal Constitucional d'a Federación, porque "nomás representan a un grupo". O gubierno local, manimenos, encara los emplega. O escudo d'armas se fa servir en as placas d'as institucions oficials. Debiu a las controversias sobre iste tema, a policía local dica l'actualidat no tiene insignias oficials.

Organización administrativa

Administrativament, o cantón 10 se divide en 6 municipios:

• Drvar
• Bosansko Grahovo
• Glamoč
• Kupres
• Livno (capital)
• Tomislavgrad

Demografía

En o censo de 1991, 115.726 personas habitaban en o condau. En 2009, a población yera de 80.800 habitants.

O grupo etnico mas gran ye o d'os croatas, seguiu por os serbios, y en tercer puesto os bosnios. Tres municipios tienen una mayoría d'orichen croata (Kupres, Livno, Tomislavgrad), y tres tienen una mayoría etnica serbia (Drvar, Bosansko Grahovo, Glamoc). En 2003, a población yera de 83.701 personas, entre ellas se destacaban as siguients étnias:

• 66.138 croatas (79,0%).
• 10.377 serbios (12,4%).
• 6.860 bosnios (8,2%).

Os resultaus d'a demografía exacta no se conoixen porque no bi ha un censo oficial dende 1991 y bi habió muita migración mientres a guerra.

Se veiga tamién

• Republica croata de Herzeg-Bosnia
• Cantons d'a Federación de Bosnia y Herzegovina.
• Organización territorial de Bosnia y Herzegovina.

Vinclos externos

• Se veigan as imáchens de Commons sobre o cantón 10.
• (br) Pachina web oficial.

• Datos: Q18277
• Multimedia: Canton 10 / Q18277