Macedonyos d'o Norte

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre l'actual pueblo eslau de Macedonya. Pa l'antigo pueblo paleobalcanico veiga antigos macedonyos.

Macedonyos
Македонци

Trache tipico

Rechions con comunidaz importants

Macedonya d'o Norte 1.297.981^[1]

Australia	83.978^[2]
Italia	78.090^[3]
Aragón	2^[4]

Idiomas

Macedonyo

Pueblos relacionaus

Pueblos eslaus

Mapa

Os macedonyos^[5] (en macedonyo Македонци) son os habitants eslaus nativos de Macedonya d'o Norte, estando mayoritarios en esta zaguera y formando minorías en Bulgaria, Grecia y Albania. Parlan o macedonyo, una luenga eslava meridional d'a mesma branca que o bulgaro, (de feito as dos luengas pueden considerar-sen codialectos), y son mayoritariament cristianos ortodoxos.

O territorio y/u a identidat d'os eslaus macedonyos ha estau historicament disputada por os griegos, bulgaros, serbios, albaneses y l'Imperio Otomán (encara bi ha presencia de turcos rumelís).

O cierto ye que os eslaus macedonyos yeran vistos por os bizantins como un pueblo eslau invasor mes a qui caleba asimilar, y en parte facioron. Estioron eslaus cristianos d'a zona de Tesalonica qui contribuyoron a cristianizar a los actuals eslaus ortodoxos con una liturchia en un idioma eslau muito cerca d'o proto-eslau y dito eslau eclesiastico. A mayor parte d'o territorio eslau de Macedonya pasó a fer parte d'o primer Imperio Bulgaro. Ohrid yera un centro relichioso ortodoxo y plegó a estar a capital d'os bulgaros. A Bulgaria occidental d'Ohrid estió a zaguera parte d'este imperio en ser conquiesta por l'Imperio Bizantín. Macedonya dixó d'estar baixo a orbita bulgara con a expansión d'o reino serbio de Dušan, que ocupó tierras eslavas no serbias, vlacas y griegas y plegó dica os ducaus d'Atenas y Neopatria, pa dimpués cayer en mans d'os turcos otomans. A zaguers d'o sieglo XIX y en o sieglo XX o territorio macedonyo yera disputau por griegos, bulgaros y serbios y a identidat d'os eslaus macedonyos yera obchecto de baralla entre o nacionalismo serbio y bulgaro, cosa que fue "solucionada" en 1946 en a Yugoslavia plural de Tito: os macedonyos son consideraus como una nación diferent y Macedonya una republica, en contra d'os intreses d'o nacionalismo serbio.

Historia

A población de Macedonya en o periodo romano y en os anyos escuros

O territorio de Macedonya prene nombre d'os antigos macedonyos, antigo pueblo indoeuropeu que ocupaba una chicota part de l'actual Macedonya Griega on creyoron o Reino de Macedonya, que baixo a persona d'Aleixandre lo Gran podió creyar un gran imperio que abracaba a gran parte d'o territorio griego y Orient Meyo. Se discute si os macedonyos yeran indoeuropeus d'a branca griega u d'una branca paleobalcanica, en tot caso os griegos no los consideraban como tals, pero se helenizoron, proceso que continó en o periodL'romano, igual que con os pueblos ilirios y cheto-dacos que viviban mes a l'interior (l'actual Macedonya d'o Norte correspondeba en part a Dardania).

En o periodo d'as segundas invasions barbaras, Macedonya, como a mayor parte d'a Grecia continental, fue invadida por os eslaus, que se facioron con o poder. Por manca de fuents no se conoix como yera a coexistencia d'os eslaus y os habitants griegos y vlacos autoctonos, pero si que ye claro que i habió un proceso d'eslavización a lo que escaporon os vlacos transhumants d'os monts, que tamién tenioron un proceso migratorio ixemenando-sen por os toz os Balcans.

A reconquiesta bizantina de Macedonya y o primer Imperio Bulgaro

Os bizantins facioron campanyas contra os eslaus, reconquerindo muitos territorios. Deportoron muitos eslaus t'Asia Menor. O dominio d'a Macedonya interior yera dificil porque en esta rechión heban de luitar contra a expansión d'o primer Imperio Bulgaro. En o "Libro de los Emperadors" parlan d'un sinyor d'Esclavonia a qui quereban demandar aduya os ateniens en os zaguers anyos d'a emperadriz Irene, y ye tentador pensar que se referise a un territorio habitau por eslaus macedonyos en l'actual Grecia:

Cuando la emperadriç Ereni romanió monarca, el ermano de su marido e algunos qui eran en presión fuyeron e entraron en la iglesia mayor. Mas uno de casa del emperador que.l dizían Areçio, el cual havía grant privadança en el palacio, tanto favló con ellos fictamientre que los fizo sallir de la esglesia prometiéndoles que no havrían ningún mal. Los cuales, como fueron sallidos, la emperadriç los ha jutgados ir en Atenas. E seyendo en Athenas algunos nobles pregaron al senyor de Esclavonia que prestás con favor e ayuda a un ermano del marido de la emperadriç por entrar a Contastinoble e por haver la senyoría. Mas sintió aquesto la emperadriç e fizo clavar los ojos a todos aquellos.

L'emperador Niceforo I forachitó a muitos eslaus d'o Peloponiso occidental y i reasentó griegos exellaus d'esta rechión.

Cuan o primer Imperio Bulgaro entró en decadencia, a suya parte oriental, que incluiba Macedonya, yera o suyo centro de poder. Samuel I creyó un estau centrau en Ohrid.

O emperador bizantín Basilio II encomenzó una guerra d'ocupación contra Bulgaria y li posoron d'embotada Bulgaroctonos, (matador de bulgaros). En 1014 lis inflichió una derrota decisiva y ninvió a lo rei Samuel 14.000 presioners bulgaros con uellos buidaus guiaus por un tuerto. Cuatre anyadas mes tarde o zaguer rei de Bulgaria morió en batalla.

Os macedonyos entre bizantins, bulgaros y serbios

I habió un periodo de dominación bizantina.

En o sieglo XII, con o estau bulgaro reconstruito, o territorio de Macedonya yera disputau entre os bulgaros y os serbios, pueblo con un estau en expansión y que enantes yera restrinchiu a una zona montanyosa mes a l'ueste y en una chicota porción d'a costa hadriana (actuals Hercegovina oriental, Montenegro, Sanchac y Kosovo). En 1346 o rei de Serbia Esteban Dušán se fa coronar en Skopje emperador d'os serbios y griegos. A extensión d'a Serbia de Dušan plegaba dica a Mar Echea y heba conquiesto a los mesmos almogavars territorios d'o Ducau de Neopatria. En a "Cronica de Morea" parlan d' esclavons:

El qual, recebida la senyoria, non quiso reposar, mas quiso recobrar toda la tierra de la Morea & ferla vna senyoria, porque el castiello de Napol & la ciudat de Maluasia & toda la montanya de Laconia & toda la montanya de los Esclauones se tenian por los Grieguos, & algunas vegadas fazian grant danyo a los Francos

.

Despues el princep se partió con su gent & vino a las montanyas de los Esclauones & subiogolos a su senyoría, & por mellor senyorearlos fizo fer dos castiellos, vno a la marina a la part de enta Coron, qui se clama Mayna, & por la part de la tierra, sobre Lacedemonia, fizo fer el castiello de Mizitra

O dominio otomán

Os otomans prenen Macedonya en a decada de 1380, y mantendrán o control d'esta rechión dica 1912. Muitos turcos anatolicos s'establixen en Macedonya, y tamién bels eslaus macedonyos s'islamizan (en o mesmo proceso que os pomacos de Bulgaria). Os eslaus musulmans que prenen a luenga turca se converten en turcos rumelís. Bi ha movimientos de población, producindo-se emigracions y inmigracions que afectan a vlacos, albaneses y griegos.

Entre o nacionalismo bulgaro y o nacionalismo serbio

En 1870 os bulgaros consiguen que s'instituya dentro d'a Ilesia Ortodoxa una eparquía bulgara con seu en Veles, que incluye a mayor parte d'a Macedonya d'o Norte actual. En a guerra ruso-turca de 1877-1878 por o tractau de Sant Stefano o soldán acepta a creyación d'una gran Bulgaria que incluye a Macedonya, pero a presión britanica fa que en o Congreso de Berlín en 1878 a extensión de Bulgaria siga mes redueita y que Macedonya no siga incluita en o territorio de Bulgaria. Alavez se produce una gran achitación social. Os komitadjis reclaman l'autonomía y se creya a ORIM (Organización Revolucionaria Interior Macedonya). Os bulgaros dende 1893 refirman a la ORIM. Bi ha disturbios y atentatos. A insurrección de Sant Elías o 2 d'agosto de 1903 dura tres meses. O Exercito turco crema 200 lugars d'a comarca de Monastir y permite as exaccions d'os bachibuzuks (clausulas adicionals). As potencias europeas demandan reformas y estableixen una chendarmería en a rechión con personal forano. A l'anyo vinient s'elabora un cens.

Os turcos reaccionan a la intervención prenendo actituz nacionalistas y en 1906 se creyó en Tesalonica un Comité otomán d'a libertat con miembros que dimpués tenioron un papel clau en a revolución d'os Chóvens turcos en 1908.

As guerras balcanicas

En a Primera Guerra Balcanica (octubre de 1912-marzo de 1913) os serbios conquerioron o territorio de l'actual Macedonya d'o Norte, os griegos conquieren l'actual rechión griega de Macedonya. Os bulgaros, que han combatiu en l'este a los turcos, atacan en chunio a los serbios y griegos pa ocupar Macedonya encomenzando a Segunda Guerra Balcanica. Os bulgaros pierden a guerra y con ella a posibilidat d'anexionar-se Macedonya, que os bulgaros consideran un territorio historicament bulgaro. Esto fará en o futuro que os bulgaros interviengan contra os serbios y griegos en a Primera y Segunda guerras mundials como aliaus d'os alemans d'Alemanya y Austria.

As dos guerras mundials

Bulgaria entra en a Primera Guerra Mundial en o bando d'as Potencias Centrals en octubre de 1915 y ocupa Macedonya con l'aduya d'as tropas alemanas forachitando a las tropas serbias. Tres anyadas dimpués o Frent Oriental se creba y Macedonya torna a Serbia en aplicación d'un armisticio.

En o periodo d'entreguerras Macedonya, como part de Serbia, no se beneficia de garra estatuto especial en o Reino d'os Serbios, Croatas y Eslovenos. Bulgaria preba de mantener l'achitación en Macedonya dica zaguers d'a decada de 1920.

En o territorio meridional de Macedonya os griegos imposan una campanya d'helenización que durará pa cutio. Os macedonyos actuals de Grecia son muito asimilaus a los griegos.

En 1941, mientres a Segunda Guerra Mundial, Bulgaria troba l'inte d'ocupar Macedonya como aligada de l'Exe. Manimenos, la zona poblada por albaneses en o norueste ye ocupada por os Italia, ixamplando asinas a suya colonia d'Albania. Os bulgaros prebarán d'asimilar a los macedonyos.

Macedonya como republica yugoslava

Ta más detalles, veyer l'articlo Republica Socialista de Macedonyaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Tito creya una nueva Yugoslavia mes plural en a que aturan muitas aspiracions d'os nacionalistas serbios y croatas. D'esta traza oficialment s'acepta a existencia d'identidaz nacionals que no yeran aceptadas por os nacionalismos croata y serbio. Os musulmans de luenga serbocroata son consideraus “musulmans” (re-prenendo una prebatina d'o periodo austrohongaro, fendo-los diferents tanto d'os croatas como d'os serbios) y os eslaus de Macedonya son consideraus “macedonyos”. Tito desepara Macedonya d'o territorio de Serbia con categoría de Republica (Republica Socialista de Macedonya), y da autonomía a dos rechions de Serbia con una alta proporción de minorías no serbias, Voivodina y Kosovo. En 1946 o luengache macedonyo se converte en a luenga oficial de Macedonya d'o Norte, y tien como base a parla de Prilip.

En a zaguera decada d'existencia de Yugoslavia i habió reivindicacions nacionalistas albanesas. Os albaneses reclamaban a formación d'una republica albanesa con o Kosovo y a zona de mayoría albanesa de Macedonya.

Cuan en 1990 Yugoslavia ya ye camín d'esminglanar-se, os macedonyos s'amuestran prudents.

Macedonya independient

Ta más detalles, veyer l'articlo Macedonya d'o Norteveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Dimpués d'as eleccions libres de noviembre-aviento de 1990, s'aprueba en chinero una declaración de sobiranía. Kiro Gligorov, o dirichent d'a Liga d'os Comunistas de Yugoslavia, ye esleito president d'a Republica. Dica 1991 no s'organiza un referendum d'independencia. Os albaneses boicoteyoron o escrutinio, y con o 75% d'os votants o resultau estió de 95% a favor d'a independencia. Bulgaria estió o primer estau en reconoixer a la Macedonya independient, o 16 de febrero de 1992.

Encara que os nacionalistas serbios se planteyaban encomenzar a guerra en Macedonya desacherando o numero de serbios que i residiban, no teneban medios porque yeran ocupaus en guerras en Croacia y Bosnia y Hercegovina.

O problema principal d'a Macedonya independient en politica internacional estió a hostilidat de Grecia. Grecia tien una rechión dita Macedonya con una minoría eslava en camín de desapareixer por asimilación. Grecia desichiba que Macedonya faiga constar en a suya Constitución que no tien garra reivindicación territorial y que se cambeye o nombre, (l'argumento ye que tenendo nombre de Macedonya reclamaba a rechión con o mesmo nombre y que o toponimo ye d'orichen griego y no lo podeban fer servir como denominación d'estau os eslaus, que no son griegos).

En abril de 1993 un compromís permite que Macedonya siga miembro d'a ONU y ocupe o suyo puesto con o nombre d'Antiga Republica Yugoslava de Macedonya.

Dimpués d'a guerra d'o Kosovo, os albaneses han prebau de fer-sen con o control de zonas d'o norueste de Macedonya y i ha habiu combates en Titovo.