Fuencalderas

Fuencalderas ye un lugar aragonés d'o municipio de Biel, en a provincia de Zaragoza, comarca de Cinco Villas y partito chudicial d'Exeya d'os Caballers.

Fuencalderas
Entidat local menor d'Aragón
Bandera Escudo d'armas
Anvista de Fuencalderas
Anvista de Fuencalderas
Entidat
 • País
 • Provincia
 • Comarca
 • Municipio
Entidat local menor
Flag of Aragon.svg Aragón
Flag of Zaragoza province (with coat of arms).svg Zaragoza
Cinco Villas
Biel
Población
 • Total

39 hab. (2009)
Altaria
 • Meyana

842 m.
Distancia
 • 102 km

enta Zaragoza
Codigo postal 50619
Parroquial
 • Diocesi
 • Arcipestrau

Chaca
Erla-Uncastiello
Coordenadas
Fuencalderas ubicada en Aragón
Fuencalderas
Fuencalderas
Fuencalderas en Aragón

A suya población ye de 39 habitants (2009). Iste ye uno de os pocos lugars d'a provincia de Zaragoza en que se i charra en aragonés. En a suya toponimia se puede viyer totz os rasgos d'a fonetica y morfolochía de l'aragonés, con toponimos como "Os pallars", ", "O puntal d'os caxicos", "A buxaquera"·.Toda a microtoponimia ye en aragonés.

CheografíaEditar

Fuencalderas ye situata a piet d'a sierra de Santo Domingo, a man d'o despoblato de Liso, a on hue bi ha l'ermita de Sant Miguel de Liso, a 842 metros d'altaria dencima d'o ran d'a mar y a una distancia de 102 km d'a ciudat de Zaragoza, a capital d'a suya provincia y d'Aragón.

HistoriaEditar

As primeras noticias d'o lugar son d'a primera mitad d'o sieglo X, con l'abance d'a reconquiesta feito por García Sánchez I de Navarra. En l'actual Fuencalderas bi habió una torre esfensiva, ta protecher os accesos a Liso y a los cuellos ta trescruzar a sierra de Santo Domingo y plegar ta la cuenca d'o río Asabón, Bailo y a Chacetania.

En 1530, dimpués d'un lento proceso d'emigración d'a población de Liso ta Fuencalderas, a seu d'a parroquia dixó d'estar Sant Miguel de Liso, ta estar a ilesia de Fuencalderas, en un terreno mas favorable.

Conservación de l'aragonésEditar

O suyo modelo d'aragonés ye parellán a o que se fa servir en Santolaria, pero os rasgos lexicos presentan buena cosa de palabras no emplegatas en a zona pero si en atras arias de l'aragonés tan aleixatas como Sobrarbe u Echo, por eixemplo parolas como fablar, cascuello, siero, aclisar, u mesmo beluna poco conoixita como guzpatas “o diaple, o coco”.

A intensidat d'a luenga ya la documentaban Saroïhandy en o sieglo XIX, José Arbués, en Fuencalderas en mi recuerdo y "Tradiciones, costumbres y lengua en Fuencalderas" y Fernando Romanos en o libro Al Limite, la pervivencia del aragonés en la provincia de Zaragoza. A diferencia de Santolaria y Morillo, l'emplego de l'aragonés ha ito cayendo entabaixo, y anque toda a chent lo conoix, nomás lo emplega a chent de mas edat y va abandonando o emplego d'as parolas mas propias de l'aragonés dende o punto d'anvista fonetico.

S'alzan totz os rasgos fundamentals (articlos, posesivos, combinacions de pronombres de tercera persona, conservación d'a F- latina, d'a X aragonesa (prepalatal fricativa xorda /š/), d'a evolución a /ĉ/ (grafía CH) d'os grupos inicials latinos Gei-, y I-, toda a conchugación verbal aragonesa y gran quantidat de lexico aragonés, que cal destacar o gran numero de sentitos figuratos, dobles sentitos y parolas polisemicas con quantas acepcions. Mantienen también en esta localidat qualques rasgos verbals desapareixitos en atras localidatz como repuis de pasaus febles (dició, fició). Tamién chunto con Biel, O Frago y atros puestos d'a comarca de Cinco Villas, conservan a desinencia -i final, ta diferenciar as primeras personas verbals, rasgo que ya en Santolaria no se i fa.

A descripción de os suyos rasgos ye:

FoneticaEditar

  • Diftongación de /Ĕ/ y /Ŏ/ breus tonicas: viengo, aguatiello, vetiello, yes, corrutiella, tienga, liena, tieda, cingliello, cascuello, esquiruelo, fuesa, uebra, uello, luello.
  • Apocope de –e y –o: brabant, chent (a vegadas chente), debant, malament.
  • Conservación de F- inicial latina: afondar, aforro, afundir-se, aqueferau, barafunda, desfeito, enfalcar, enfarinoso, enfarinau, enfilar, enfollinar, enforniar, enforniau, esfollinar, esqueferau, faba, fabar, fablar, faja, fajallo, fajetón, fajo, falaguera, falca, fambre, fambroso, fambrudo, fanega, farina, farinazas, farinetada, farinetas, farinoso, fartalla, fartar-se, fartera, fartizo, farto, faya, fayar, facera, facienda, feito, fembra, fer, ferrar, ferrería, ferretiar, ferrunchoniar, fierro, figado, figo, filar, filera, fillezno, fillo, filo, filorcho, fincapié, fincar(-se), fincau, fito, fogaril, fogaza, foguera, follarasca, follín, fondo, fongo, fonguera, forato, forau, forca, forcallo, forcón, forgancha, fornada, fornero, forniga, forniguero, fornillo, forno, forquiar, fosco, foyeta, foz, foziador, foziaízo, foziar, fullatre, fumarera, fumera, fumo, fundir, furiquiar, furón, furoniar, fuso, fuyir, quefer, zafumar, zafumau.
  • Evolución de Gei- y I-: chabalín, Chan, chelada, chelafríos, chelar, chelau, chelo, chemecar, chemeco, chemecón, chent, chepa, cheposo, cheso, chinepral, chinepro, chitanal, chitano, choven, chovenalla, Chuan, chubillo, chuego, chugada, chugadero, chugador, chugar, chuguete, chunta, chuntar(-se), chunto, rechirar, y o caso excepcional de xunco.
  • Fonema prepalatal fricativo xordo /š/ sin sonito semivocalico /i/: abaxo (ant.), baxada (ant.), baxar (ant.), baxatón, baxo, bixolera, bixoleta, voxiga, buxaco, buxaquera buxo, caxicar, caxico, coxiar, coxo, debaxo, empuxar, fraxenco, fraxino, guixeta, paxariquero, paxariquiar, paxaro, pixallo, ruxar, y con desfonologización por cheada chiringa, chiringazo, chordiga, chordigal, mocha, mochera.
  • Conservación de os grupos consonanticos latinos PL-, CL-, FL-: flama, plana, plegar, plorar, replegadera, replegaízos, replegar.
  • Fonema palatal lateral /↓/: agulla, arrullar, viellera, viello, burricallo, cachinalla, cagallón, chobenalla, codallo, coscollina, criallo, encendallo, espantallo, esperrecallo, eszarrallar-se, eszarrallau, fajallo, fillezno, fillo, follarasca, forcallo, fullatre, uello, ligallo, mallata, mirallo, morgallo, ovella, pallada, pallar, perricallo, purnalla, refinallo, remugallo, rollar, ruello, segallo, sobrallas, sombrerallo, tornallo, tufallo, ceringallo.
  • Evolución d'os grupos interiores –ULT- y –CT- a it: desfeito, feito, muito.

MorfolochíaEditar

  • Presencia de o sistema aragonés d'articlos determinaus: se documenta en ista localidat l'artículo aragonés o, a, os, as, : s’ha afundido o puente, ¿no me veyés en a voda?, dar as zagueras boquiadas, s’ha regalau o chelo, a chent d'o lugar, conducir-se a o ferrero, fincar o tenedor n'a carne.
  • Posesivo: se sigue a norma aragonesa en a construcción d'o posesivo: a finca mía güega con as suyas.
  • Complemento pronominalo adverbial EN / NE: o suyo emplego se mantiene con plena vichencia: baxar-se-ne, subir-se-ne, ir-se-ne, viens t’aquí a coger-ne, me'n voi a rastiar por a nieve con os borzeguins, no le'n digas, agora ya no n'i hai, se’n fue ent’a puerta.
  • Complemento pronominalo adverbial I: s'emplega en unos pocos casos ya lexicalizato: i heba, i hai muito, agora ya no n'i hai, no i coge, no i veigo.
  • Morfo de primera persona -i: s'emplega en distintos tiempos verbals: tuvei un anzuelo en o güello y qué mal lo pasei, aturabai as crabas, yo vinei de Luna, tuvei dos fillos.
  • Demostrativo de segundo termin: si se mantiene o demostrativo cheneral en aragonés ixe, ixa, ixos, ixas: con poca cosa nos escataraziaban en ixos anyos, ixo ye esperfulo, me fa goyo de comer ixo, ixe perricallo ye coxo, ixe sombrerallo tan fiero arrulla-lo.
  • Imperfecto aragonés: se mantiene en as tres conchugacions: conduciban, escorreban, tenebai, comebai.
  • Indefinidos y adverbios: abaxo, a bonico, agora, antes más, asabelo, asinas, cara ta, chunto, cobalto, debant, debaxo, dimpués, dinantes, estianyo, muito, garra, mica, a ormino, tamién.

DemografíaEditar

Evolución demografica
1362 f 1495 f 1842 1857 1860 1877 1887 1897 1900
- - 200 332 354 386 378 290 314

1910 1920 1930 1940 1950 1960 1970 1981 1991
363 325 278 268 203 144 94 - -

1992 1994 1996 1997 1998 1999 2000 2001 2002
- - - - - - - 58 58

2003 2004 2005 2006 2007 2008 2009 2010 2011
48 46 42 43 41 42 39 - -

2012 2013 2014 2015 2016 2017 2018 2019 2020
- - - - - - - - -

2021 2022 2023 2024 2025 2026 2027 2028 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

MolimentosEditar

A Ilesia de Nuestra Sinyora de l'Asperanza de Fuencalderas, una ilesia d'estilo gotico adedicada a Nuestra Sinyora de l'Asperanza, que ye la ilesia parroquial d'o lugar.[1]

En o suyo termin municipal tamién se troban os repuis d'a ilesia romanica de Sant Miguel de Liso, l'antiga ilesia parroquial d'o lugar de Liso, hue albandonato.

ReferenciasEditar

Vinclos externosEditar


Lugars d'o municipio de Biel
Poblaus: Biel | Fuencalderas
Despoblaus: Abargo | Liso