Paller

(Reendrezau dende Pallar)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un paller u pallero (d'o latín <*PALEARIUM, de <PALEA, «palla»[1]) ye una buerda destinada principalment a almagazenar a palla, u a planta d'un edificio aon que se guarda ixe material. Anque paller y pallero son as formas de dicir-le mas comuns en l'Alto Aragón, tamién s'ha documentau a forma pallar,[2] encara que ye mas minoritaria en l'aragonés actual.

En o pallero (1872), pintura de Konstantin Trutovsky.

A palla, como muitos productos vechetals deshidrataus, tiene a particularidat d'absorver l'augua y putrir-se si se guarda humeda masiau tiempo. Por ixo, os pallers solen estar cambras secas, a sobén en una planta en altaria, feita con solero, u dica en a falsa de cualques casas (os menos casos), ta an que a humedat d'o suelo no i gose arribar. Con frecuencia, o pallero ye a planta superior d'una mesma construcción a on que a inferior sia ocupada con un estallo u cuadra, o que fa mas fácil d'escampar a palla nueva en a planta inferior.

Se veiga tamién editar

Referencias editar

  1. (es) MOTT, Brian L. (2000). Diccionario etimológico chistabino-castellano castellano-chistabino. Institución «Fernando el Católico». Zaragoza. ISBN 84-7820-553-5
  2. (es) ALLUÉ NAVARRO, Mª Isabel y FUERTES CASAUS, Mª Pilar (2006). Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza. ISBN 84-611-1141-9