Caixicar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Caixicar u caixigar ye una selva a on l'estrato arborio lo forma una un mes especies de caixico.

Caixicar d'exemplars chóvens en Valderredible (Cantabria)

Lo que en aragonés se diz caixicar en conchunto, recibe diferents denominacions en atras luengas a on s'especifica lo concepto de caixico con palabras mes variadas. Asinas por eixemplo en la zona de lo nord-este de la Peninsula Iberica bi ha dos clases principals de caixicars:

• Caixicars con caixicos de fuella gran y caducifolia.
• Caixicars con caixicos de fuella menos gran y marcescents u semicaducifolios.

Los segundos tienen un caracter submediterranio y gosan ocupar lo piso supramediterranio en las sierras y cordeleras a on puyando enta alto augmentan las precipitacions u humidat. Por ixo en lo Prepirineu (y tamién zonas de semontano) ocupan extensas arias dencima de lo nivel de los carrascals pero por debaixo de las pinars naturals, fayars y abetosas.

Toponimia

Caixicar y caixigar amaneixen en l'Alto Aragón como macrotoponimos (Monesma y Caixigar) u microtoponimos. A palabra caxigar ya se documenta en 1092 como elemento romanz de lo latín medieval escrito en Aragón:

et per capud de illas pennas de Argaste, per fundus de illo caxicar de Alquezar et vadit illa serra et exiit ad illo podio circa viam que currim ad castrum de Colunco...

En aragonés medieval bi habió microtoponimos basaus en robre y no caxico (reboret < ROBURETUM).

En lo Sistema Iberico ocuporon extensas arias dica que en la Edat Meya empezipió un proceso de deforestación que duró dica lo sieglo XX. En castellano de bella zona de Teruel, un caixicar recibe huei lo nombre de rebollar, pero bi ha toponimos documentaus como caxigar en la Edat Meya como Cerro del Caxigar en Olalla y atros que son huei cajigar como en Cosa, u o caso de Val de Cebro a on se documenta un Caxigar de Valdezebro d'o sieglo XV y huei bi ha una partida dita Los Cajigares.

Referencias

• Datos: Q2972109
• Multimedia: Quercus forests / Q2972109