Cine de western

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Western rendreza enta ista pachina; ta atros usos, se veiga Western (desambigación).

Historia d'o cine
Tipos
Mudo Sonoro Aragonés Espanyol Nortamericano Latinoamericano Asiatico africano Europeu
Cheneros
Acción Animación Belico Comedia Documental Experimental Historico Familiar Fantasía Ficción cientifica Cine negro Independient Infantil Intriga Musical Porno Terror Western

O cine de western, western, cine de l'oeste u cine de vaqueros ye un chenero cinematografico que se ambienta en o viello Ueste estadounidense. A parola wéstern ye orichinariament un adchectivo derivau d'o anglés west ('ueste'), pero se sustantivó pa fer referencia fundamentalment a obras cinematograficas, encara que tamién existe en a literatura (novela d'o Ueste).

Ye un chenero tipico d'o cine estausunidense, plegando mesmo a estar considerau como lo cine estausunidense por antonomasia, pero tamién d'o cine espanyol, italiano y de Reino Uniu. Las primera cintas de cine d'o ueste son d'inicios d'o cine con cuantas cintas de cine mudo d'esta tematica. Ye un chenero que gosa amostras cintas circumscritas en o tiempo y en l'espacio: entre los anyos 1840 y los anyos 1990 respective d'o tiempo y en territorios situaus a l'ueste d'o río Misisipi respective de l'espacio. Antiparte, encara que bellas cintas de western sí que amuestran feitos historicos concretos (como en ye The Alamo (1960, John Wayne) anque que muit mitificaus, no cal considerar que lo cine de western respecte las caracteristicas propias d'o cine historico, chustament en presentar os feitos con una visión epica y mitificada, pero sí que recurrer a un marco historico concreto.

Os prencipals interpretes d'o cine western estioron Randolph Scott, John Wayne, Tom Mix y Clint Eastwood, tamién cal destacar atros actors segundarios como Lee Van Cleff y especialistas como Luis Bar Boo u Frank Braña que amaneixen en mas de 100 y 150 cintas cadagún u Aldo Sambrell que amaneixe en mas de trescientas cintas. Tamién facioron incursions en o chenero destacaus actors como Henry Fonda, Gary Cooper, Eli Wallach, Harry Carey, Paul Newman, Burt Lancaster, Kirk Douglas, Christopher Lee, Gregory Peck, Charles Bronson, Harrison Ford, William S. Hart, David Carradine, Terence Hill, Borden Chase, Richard Widmark, Bud Spencer, Walter Brennan, James Stewart u Antonio Banderas, y artistas como Elvis Preisley y Ronald Reagan antis de estar politico cuan yera solo actor. D'entre os directors cal destacar a John Ford y Sergio Leone per alto de toz os de demás anque tamién destaca John Sturges como un d'os pioners d'o western clasico y en o anyos 1990-2000 Robert Rodriguez, amás d'atros directors como Anthony Mann, Raoul Walsh, Budd Boetticher, Thomas H. Ince, Sam Peckinpah, Henry Hathaway, Howard Hawks u Dalmer Daves. D'entre los guionistas, destacan Niven Bush, Philip Yordan, Dudley Nichols u Burt Kennedy, y entre los escritors autors de libros a on se i basan guions, Zane Grey. A musica tamién influyió en gran parte d'o exito d'este chenero destacando lo creyador de bandas sonoras per excelencia Ennio Morricone.

Orichen d'o chenero

L'actor William S. Hart, una d'as primeras estrelas d'o chenero.

Con Stagecoach (1939, John Ford) un choven John Wayne revitalizó lo chenero, en ubrindo la suya edat d'oro.

Vengeance Valley, un western clasico de 1951, dirichiu por Richard Thorpe y protagonizau por Burt Lancaster, Robert Walker, John Ireland y Joanne Dru.

En realidat, as primeras cintas de western yeran cuasi que documentals, en amostrar personaches, feitos y formas de vida que encara yeran presents en o propio territorio estausunidense, a on cuan Edwin S. Porter rodaba o primer western reconoixible como tal en 1903 (The Great Train Robbery, amostrando lo robo d'un tren, ixe mesmo delicto se cometeba en ixe mesmo momento en bel puesto de l'ueste d'Estaus Unius. Asinas, estió lo mesmo Buffalo Bill qui financio la producción de bellas cintas sobre os suyos propios espectaclos ambientaus en o salvache viello ueste. Tanimientres, encara que los feitos que s'amostraban en as cintas de western yeran bien amanaus en o tiempo, ya feba trenta anyadas que s'heban publicau relatos y novelas en mitificando-los y presentando una visión edulcorada d'ixa epoca, como gosaba fer-se en as dime novels (u novelas de tres centavos).

Dende 1912 lo director cinematografico Thomas H. Ince estió qui alzó sobre l'fundamento anterior as pricipals caracteristicas d'o chenero en as suyas cintas, en establindo lo marco argumental principal, a configuración arquetipica d'os personaches y destacó la importancia d'o paisache en as cintas d'o chenero. Nomás caleba trobar as primeras estrelas propias d'o chenero, que bien luego plegoron (William S. Hart, Tom Mix, Gilbert M. Anderson y Harry Carey) en aportando a lo chenero las suyas propias caracteristicas personals.

En una epoca en a que bella cosa d'as productoras cinematograficas teneban encara la suya seu social en Nueva York, lo feito de rodar as cintas en escenarios naturals (que yera mas barato que fer-lo con decoraus en os estudios) permeteba amás a los directors una libertat mas gran respective d'as productoras, fendo asinas atractivo lo chenero a los suyos uellos, encara que en ixas envueltas fundamentoals d'o chenero yera encara considerau como un chenero a qui li mancaba seriedat; nomás que a partir de The Covered Wagon (James Cruce, 1923) estió cuan as productoras prencipioron a mirar millor o chenero y a invertir-ie. D'atra man en producir-se la migración d'as grans productoras enta l'ueste y amanar-se a los escenarios naturals a on s'heban escaiciu los feitos narraus en os western ixas productoras amostraron mas intrés en la producción de cintas d'o chenero.

O cine sonoro

Mientres os anyos 1930 en amanixer o cine sonoro, lo western no trobó pas lo suyo camín y estioron bellas anyadas de produccions segundarias y pareixeba que lo chenero yera cuasi amortau. Pareixeba que lo cine sonoro ya no encaixaba en os antigos clichés de tipo epico d'o chenero. Tanimientres, en l'anyo 1939 Walter Wanger Productions (una chicota productora establida por Walter Wanger) produció una cinta con baixo presupuesto que carambolió lo panorama: Stagecoach. Dirichida por lo mayestro John Ford y protagonizada por un choven John Wayne (qui dica l'inte no heba treballau so que en westerns de segunda fila), desarguelló lo chenero y li atorgó una nueva vitalidat, iniciando la carrera cinematografica de John Wayne y consolidando la d'o director John Ford.

A edat d'oro d'o western estausunidense

En rematar a Segunda Guerra Mundial lo western experimentó un important creiximiento, convertindo-se en un d'os cheneros fundamentals d'o cine estausunidense d'ixas envueltas, con directors como lo ya nombrau John Ford, Raoul Walsh, King Vidor, Henry King, William A. Wellmann y Howard Hawks en destacoron como grans directors d'o chenero, arredolaus de belatros directors que en rodaban circunstancialment bella cinta; puet considerar-se que los anyos 1940 estioron unas anyadas bien fecundas ta lo chenero. Tamién cambeoron bellas caracteristicas d'o chenero, como lo feito de presentar a los amerindios de traza muito mas humanizada que en as cintas anteriors, fácil que en haber teniu muitos amerindios una destacada participación en a guerra; la primer cinta que amostró iste feito ye Broken Arrow (1950, Delmer Daves) en un camín que continoron Apache (1954, Robert Aldrich), The Last Hunt (1956, Richard Brooks) u 3:10 to Yuma )1957, Delmer Daves).

Mientres los zaguers anyos 1940 y los anyos 1950 s'incorpororon en o chenero nuevos directors, como Budd Boetticher, John Sturges, Gordon Douglas, Delmer Daves, Anthony Mann, Samuel Fuller, Nicholas Ray, Don Siegel u Richard Brooks, que profundizoron en o chenero, en desembolicando nuevas rotas ta lo chenero; podendo citar bellas cintas como Apache (Robert Aldrich, 1954, con Burt Lancaster y Jean Peters), The Tall T (1957, Budd Boetticher, con Randolph Scott, Richard Boone y Maureen O'Sullivan), Broken Arrow (1950, Delmer Daves, con James Stewart, Jeff Chandler y Debra Paget), 3:10 to Yuma (1957, Delmer Daves, con Glenn Ford, Van Heflin y Felicia Farr), The Searchers (1956, John Ford, con John Wayne, Jeffrey Hunter y Natalie Wood), Run of the Arrow (1957, Samuel Fuller, con Rod Steiger, Sara Montiel, Brian Keith y Charles Bronson), Red River (1948, Howard Hawks, con John Wayne, Montgomery Clift, Walter Brennan y Joanne Dru), Rio Bravo (1959, Howard Hawks, con John Wayne, Dean Martin, Ricky Nelson, Angie Dickinson y Walter Brennan), The Gunfighter (1950, Henry King, con Gregory Peck y Helen Westcott), The Man from Laramie (1955, Anthony Mann, con James Stewart, Arthur Kennedy, Donald Crisp y Cathy O'Donnell), Johnny Guitar (1954, Nicholas Ray, con Joan Crawford, Sterling Hayden y Mercedes McCambridge), Shane (1953, George Stevens, con Alan Ladd, Jean Arthur, Van Heflin), Gunfight at the O.K. Corral (1957, John Sturges, con Burt Lancaster, Kirk Douglas y Rhonda Fleming), Wichita (1955, Jacques Tourneur, con Joel McCrea y Vera Miles), Yellow Sky (1948, William A. Wellman, con Gregory Peck, Richard Widmark y Anne Baxter), u High Noon (1952, Fred Zinnemann, con Gary Cooper, Thomas Mitchell, Lloyd Bridges y Katy Jurado).

Madureza y crepusclo

Mientres os primers anyos 1960 lo chenero plega en a suya madereza, en coincidindo con cambeos fundos en a sociedat estausunidense, y marcha en un camín paralelo a lo que li escaiciba a un chenero tan amanau a lo western como lo cine negro y mesmo a lo cine de comedia, que tamién amuestra una mayor agrura en as suyas cintas; se conoix a iste periodo como lo western crepuscular. Coincidindo con iste periodo de madureza y conscients d'a popularidat d'o chenero, bellos directors que dica l'inte no heban treballau lo chenero en fan cintas, mas que mas con finalidaz comercials, con a-saber-lo exito d'atra man, como ye lo caso de George Roy Hill con Butch Cassidy and the Sundance Kid (1969, con Paul Newman, Robert Redford y Katharine Ross) u Blake Edwards con Wild Rovers (1971, con William Holden, Ryan O'Neal y Karl Malden). Antiparte, tamién plegan en o chenero as influyencias procedents d'Europa, a on s'ha desembolicau en rechimen de coproducción un subchenero con caracteristicas propias, clamau spaghetti western. O spaghetti western, clamau en os suyos inicios despectivament asinas en estar lo cine italiano en lo suyo orichen, ye una traza de cine a on s'amuestra mas crudament la violencia pero tamién la parodia; bellos criticos consideran que la fama d'iste subchenero ye debida mas que mas a lo treballo de Sergio Leone y que los suyos succesors lo en degradoron, en contaminando amás a parte d'o cine estausunidense. Os actors y directors mas clasicos, que son cosncients de que fan las suyas zagueras cintas, amuestran en o suyo treballo la nostalchia, en traspasando la suya propia nostalchia en veyer desapareixer una epoca a las suyas cintas, a on a sobén lo protagonista ye conscient de que vive en un mundo que plega a lo suyo final en plegar la clamada civilización. Isto puet veyer-se en cintas como True Grit de Henry Hathaway (1969) a on un nostalchico Reuben J. "Rooster" Cogburn interpretau soberbiament por John Wayne (y que li comportó un Oscar a lo Millor Actor) amuestra la suya incapacidat t'adaptar-se a lo mundo que ye naixendo, encara que ixe nuevo mundo en zagueras no pueda prescindir-ne; u en The Shootist (1976, Don Siegel) a on nuevament John Wayne torna a interpretar a J.B. Books, un viello pistolero que ye morindo por un cáncer. Atros actors caracteristicos d'o chenero, como Randolph Scott, se retiran, en iste caso dimpués de rodar Ride the High Country (1962, Sam Peckinpah), un d'os western crepusculars mas significativos. Chustament ye Sam Peckinpah o director d'una atra cinta que amuestra perfectament todo iste proceso, The Wild Bunch (1969, con William Holden, Ernest Borgnine, Robert Ryan y Edmond O'Brien), a on los protagonistas son tan desfasaus como lo en ye ya de feito lo mesmo chenero.

Tot i con ixo, cuan parixe que lo chenero ye amortau, s'amuestra que ye capable d'adaptar-se y mesmo de trasplantar-se entra d'atras epocas. En ye un eixemplo la cinta Easy Rider (1969, Dennis Hopper), d'a mesma anyada en que John Wayne ganó lo suyo Oscar, una road movie que no ye so que una transposición d'uns vaqueros a caballo enta uns hippies en motocicleta, interpretaus por Peter Fonda y por lo propio Dennis Hopper.

O western en os anyos 1970

Mientres os anyos 1970 lo chenero s'adapta a los nuevos tiempos; como diz lo disco de Bob Bylan, The Times They Are a-Changin', y la sociedat estausunidense y lo chenero d'o western no en podeban estar una excepción. Son tiempos prou complicaus, con a guerra de Vietnam, la luita por os dreitos civils, l'asasinato de Martin Luther King, Jr. y d'o president John Fitzgerald Kennedy, o caso Watergate y la dimisión de Richard Nixon rematando con a redota en Vietnam. Como s'escayece en atros cheneros cinematograficos, lo western amuestra bella consciencia desmitificadora d'o pasau d'o Far West, amanixendo cintas de western que introducen en a suya trama d'atros temas candents d'a sociedat estausunidense d'ixas envueltas, a sobén de forma tanchencial u alegorica.

En ista decada albandonan o mundo d'o cine figuras destacadas en o western, ya seiga actors u directors, como John Wayne, Henry Hathaway u Howard Hawks, pero ye tamién una decada a on s'incorpora en o chenero como director un Clint Eastwood que ya heba participau en cuantas cintas en a decada anterior, mas que mas en cintas d'o spaghetti western, estando las suyas primeras cintas como director High Plains Drifter (1973) y The Outlaw Josey Wales (1976), dos magnificas cintas d'o chenero.

O western dende los anyos 1980

O decenio d'os anyos 1980 marca lo camín enta la recuperación d'o chenero, que se consolida con os treballos mas que mas de Clint Eastwood pero tamién d'atros directors y interpretes, como Lawrence Kasdan (Silverado, con Kevin Kline, Scott Glenn y Rosanna Arquette), Kevin Costner (Dances with Wolves, 1990, con Mary McDonnell) u Walter Hill (The Long Riders, 1980, con os chirmans David, Keith y Robert Carradine), y con aportacions puntuals d'atros directors como Michael Mann (The Last of the Mohicans (1992, con Daniel Day-Lewis, Madeleine Stowe y Jodhi May).

Una caracteristica d'0 moderno western que puede clamar-se western revisionista, una atra vegada adaptando-se a la realidat circumdant, ye la presencia en papels protagonistas d'as mullers, en un chenero que dica l'inte yera esencialment protagonizau por varons. En son eixemplos The Quick and the Dead (1995, Sam Raimi, con Sharon Stone, Gene Hackman y Russell Crowe), Bad Girls (1994, Jonathan Kaplan, con Madeleine Stowe, Mary Stuart Masterson, Drew Barrymore y Andie MacDowell) u Bandidas (2006, Joachim Rønning y Espen Sandberg, con Salma Hayek y Penélope Cruz). Un atro western revisionista ye Posse (1993, Mario Van Peebles, con Stephen Baldwin, Richard Gant y Richard Jordan), que reivindica la presencia d'os afroamericanos en o Viello Ueste en un contexto de popularidat d'o black film. Tamién s'amuestra la homosexualidat en una cinta como Brokeback Mountain (2005, Ang Lee, con Heath Ledger y Jake Gyllenhaal). Mesmo Michael Cimino plega a amostrar que en realidat os modernos Estaus Unius s'han contruyiu no nomás que exterminando a la población india, so que amás atorgando a los terratenients poders de vida y muerte, introdicindo asinas o concepto marxista de luita de clases (Heaven's Gate, 1980, con Kris Kristofferson, Christopher Walken, John Hurt, Sam Waterston, Brad Dourif y Isabelle Huppert).

Cintas destacadas d'o chenero

Ta más detalles, veyer l'articlo Cintas destacadas de cine de westernveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A selección de cintas d'ista lista s'ha feito a partir de bellas listas u recopilacions en libros y atras publicacions de criticos cinematograficos, en adhibindo-ie bellas astras cintas significativas y en as que se i puet trobar bella caracteristisca intresant respective de l'argumento, de l'elenco d'a cinta u d'os premios u exito de publico d'ixa cinta.

Anyos 1890

Anyo	Títol	Director	Notas
1894	Buffalo Bill	William Kennedy Dickson	Curtometrache (1 min.)
'	'

Anyos 1900

Anyo	Títol	Director	Notas
1903	The Great Train Robbery	Edwin S. Porter	Considerau lo primer western d'a historia
'	'

Anyos 1910

Anyo	Títol	Director	Notas
1912	Custer's Last Fight	Francis Ford
	The Invaders	Francis Ford, Thomas H. Ince
	The Massacre	D. W. Griffith
1914	The Squaw Man	Cecil B. DeMille, Oscar C. Apfel
1916	Hell's Hinges	Charles Swickard
1917	Straight Shooting	John Ford
'	'

Anyos 1920

Anyo	Títol	Director	Notas
1923	The Covered Wagon	James Cruze
1924	The Iron Horse	John Ford
1925	Tumbleweeds	King Baggot, William S. Hart
1926	The General	Clyde Bruckman, Buster Keaton
	3 Bad Men	John Ford
1928	In Old Arizona	Irving Cummings, Raoul Walsh
'	'

Anyos 1930

Anyo	Títol	Director	Notas
1930	Billy the Kid	King Vidor
	The Big Trail	Raoul Walsh, Louis R. Loeffler
1931	Cimarron	Wesley Ruggles
1936	The Plainsman	Cecil B. DeMille
1939	Destry Rides Again	George Marshall
	Dodge City	Michael Curtiz
	Jesse James	Henry King
	Stagecoach	John Ford	2 Premios Oscar (Actor Segundario y Banda Sonora Orichinal) y 5 nominacions (Cinta, Director, Fotografía, Montache y Disenyo de Producción)
	Union Pacific	Cecil B. DeMille
'	'

Anyos 1940

Anyo	Títol	Director	Notas
1940	Northwest Passage	King Vidor
	The Westerner	William Wyler
1941	They Died with Their Boots On	Raoul Walsh
	Western Union	Fritz Lang
1943	The Ox-Bow Incident	William A. Wellman
	The Outlaw	Howard Hughes
1944	Buffalo Bill	William A. Wellman
1946	Duel in the Sun	King Vidor
	My Darling Clementine	John Ford
	The Overlanders	Harry Watt
1947	Pursued	Raoul Walsh
	Unconquered	Cecil B. DeMille
1948	Fort Apache	John Ford	2 Premios d'o Festival Internacional de Cine de Locarno
	Red River	Howard Hawks
	Silver River	Raoul Walsh
	Yellow Sky	William A. Wellman
	3 Godfathers	John Ford
1949	Colorado Territory	Raoul Walsh
	She Wore a Yellow Ribbon	John Ford	1 Oscar (Millor Fotografía en Color)
'	'

Anyos 1950

Anyo	Títol	Director	Notas
1950	Broken Arrow	Delmer Daves
	Colt .45	Edwin L. Marin
	Rio Grande	John Ford
	The Gunfighter	Henry King
	Wagon Master	John Ford
	Winchester '73	Anthony Mann
1951	Distant Drums	Raoul Walsh	Primer emplego en o cine d'o chilo de Wilhelm
	Westward the Women	William A. Wellman
1952	Bend of the River	Anthony Mann
	High Noon	Fred Zinnemann	4 Premios Oscar (Actor, Montache, Banda Sonora Orichinal y Canción Orichinal) y 3 nominacions (Cinta, Director y Guión Adaptau)
	Rancho Notorious	Fritz Lang
	The Big Sky	Howard Hawks
1953	The Naked Spur	Anthony Mann
	Shane	George Stevens
	The Man from the Alamo	Budd Boetticher
1954	Apache	Robert Aldrich
	Garden of Evil	Henry Hathaway
	Johnny Guitar	Nicholas Ray
	River of No Return	Otto Preminger
	Silver Lode	Allan Dwan
	The Far Country	Anthony Mann
	Track of the Cat	William A. Wellman
	Vera Cruz	Robert Aldrich
1955	Man Without a Star	King Vidor
	Run for Cover	Nicholas Ray
	Silver Lode	Allan Dwan
	The Man from Laramie	Anthony Mann
	The Tall Men	Raoul Walsh
	Wichita	Jacques Tourneur
1956	Great Day in the Morning	Jacques Tourneur
	Jubal	Delmer Daves
	Seven Men from Now	Budd Boetticher
	The Last Hunt	Richard Brooks
	The Searchers	John Ford
1957	Forty Guns	Samuel Fuller
	Gunfight at the O.K. Corral	John Sturges
	Run of the Arrow	Samuel Fuller
	The True Story of Jesse James	Nicholas Ray
	The Tall T	Budd Boetticher
	3:10 to Yuma	Delmer Daves
1958	Man of the West	Anthony Mann
	Terror in a Texas Town	Joseph Lewis
	The Big Country	William Wyler
	The Law and Jake Wade	John Sturges
	The Left Handed Gun	Arthur Penn
1959	Last Train from Gun Hill	John Sturges
	No Name on the Bullet	Jack Arnold
	Ride Lonesome	Budd Boetticher
	Rio Bravo	Howard Hawks
	The Hanging Tree	Delmer Daves
	The Horse Soldiers	John Ford
	These Thousand Hills	Richard Fleischer
	Warlock	Edward Dmytryk
'	'

Anyos 1960

Anyo	Títol	Director	Notas
1960	Comanche Station	Budd Boetticher
	Flaming Star	Don Siegel
	Heller in Pink Tights	George Cukor
	The Alamo	John Wayne
	The Magnificent Seven	John Sturges
	The Unforgiven	John Huston
1961	One-Eyed Jacks	Marlon Brando
	Two Rode Together	John Ford
1962	How the West Was Won	Henry Hathaway, John Ford, George Marshall
	Ride the High Country	Sam Peckinpah
	The Man Who Shot Liberty Valance	John Ford
1963	Brandy	José Luis Borau, Mario Caiano
1964	Cheyenne Autumn	John Ford
	Major Dundee	Sam Peckinpah
	Per un pugno di dollari	Sergio Leone
	Rio Conchos	Gordon Douglas
1965	Per qualche dollaro in più	Sergio Leone
1966	A Big Hand for the Little Lady	Fielder Cook
	El Dorado	Howard Hawks
	Il buono, il brutto, il cattivo	Sergio Leone
	Ride in the Whirlwind	Monte Hellman
	The Professionals	Richard Brooks
	The Shooting	Monte Hellman
1968	C'era una volta il West	Sergio Leone
	The Stalking Moon	Robert Mulligan
	5 Card Stud	Henry Hathaway
1969	Butch Cassidy and the Sundance Kid	George Roy Hill
	Tell Them Willie Boy Is Here	Abraham Polonsky
	The Wild Bunch	Sam Peckinpah
	True Grit	Henry Hathaway
'	'

Anyos 1970

Anyo	Títol	Director	Notas
1970	Little Big Man	Arthur Penn
	Soldier Blue	Ralph Nelson
	The Cheyenne Social Club	Gene Kelly
	There Was a Crooked Man...	Joseph L. Mankiewicz
1971	Wild Rovers	Blake Edwards
1972	Jeremiah Johnson	Sydney Pollack
	The Life and Times of Judge Roy Bean	John Huston
1973	High Plains Drifter	Clint Eastwood
	Pat Garrett and Billy the Kid	Sam Peckinpah
1976	The Missouri Breaks	Arthur Penn
	The Outlaw Josey Wales	Clint Eastwood
	The Shootist	Don Siegel
'	'

Anyos 1980

Anyo	Títol	Director	Notas
1980	Heaven's Gate	Michael Cimino
	The Long Riders	Walter Hill
1985	Pale Rider	Clint Eastwood
	Silverado	Lawrence Kasdan
1988	Young Guns	Christopher Cain
'	'

Anyos 1990

Anyo	Títol	Director	Notas
1990	Dances with Wolves	Kevin Costner
1992	Far and Away	Ron Howard
	The Last of the Mohicans	Michael Mann
	Unforgiven	Clint Eastwood
1993	Posse	Mario Van Peebles
1994	Bad Girls	Jonathan Kaplan
	Wyatt Earp	Lawrence Kasdan
1995	Dead Man	Jim Jarmusch
'	'

Anyos 2000

Anyo	Títol	Director	Notas
2003	Open Range	Kevin Costner
	The Missing	Ron Howard
2005	Brokeback Mountain	Ang Lee
	The Three Burials of Melquiades Estrada	Tommy Lee Jones
2006	Bandidas	Joachim Rønning, Espen Sandberg
'	'

Vinclos externos

• Se veigan as imáchens de Commons sobre o cine de western.

• Datos: Q21590660
• Multimedia: Westerns / Q21590660