Cine estausunidense

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O cine estausunidense ye aquell que globalment ha modelau más profundament o cine en o transcurso d'o suyo primer sieglo d'existencia, tanto por os contenius y as tecnicas que ha desembolicau como por l'aspecto economico y cultural. O suyo corazón ye en Hollywood, un barrio d'a ciudat estausunidense de Los Angeles a on se producen a mayor parti d'os programas audiovisuals d'o país, tamién os televisivos.

O cartel de Hollywood en Hollywood, Los Ángeles, California, a sobén considerau como un simbolo d'a industria cinematografica estausunidense.

A critica estausunidense Pauline Kael resumió en 1968 o estilo d'as cintas hollywoodienses con una formula que se'n ha feito famosa: Kiss Kiss Bang Bang. Por lapidaria y breu que siga, a formula traduce a importancia de l'acción que caracteriza ista producción, metendo en un epigrafe a importancia d'o dominio tecnico que ha caracterizau iste cine: o guión, a scenificación, as imachens, o montache, a musica, o soniu y os efectos especials.

Manimenos o cine estausunidense ye igualment una industria poderosa y muit estructurada, en a que o financiamiento y o marketing son en os primers rangos d'os criterios de decisión. O sector d'a diversión audiovisual ye en primer puesto d'os ingresos d'a economía d'os Estaus Unius en l'exterior. As cintas producidas en os Estaus Unius son, por eixemplo en Europa, as que suposan a mayor parti d'as dentradas en salas (62,5% d'as dentradas en 2001). O cine de Hollywood ye considerau como o primer vector de difusión d'a cultura estausunidense en l'exterior (chunto con as series de televisión).

O cinema d'os Estaus Unius ha teniu un fundo efecto sobre o cine de tot o mundo dende primerías d'o sieglo XX. A suya historia ye a vegadas deseparada en quatre grans periodos: a era d'o cinema muto, o cine clasico de Hollywood, o nuevo Hollywood y a epoca contemporania (dimpués de 1980). Dende a decada de 1920, a industria cinematografica estausunidense ha replegau más diners cada anyo que la de qualsiquier atro país.

Se veiga tamién

• Premio Oscar
• Cine comercial

Vinclos externos

• (en) Historia d'a fotografía aeria de Hollywood
• (en) Exposición de fotografías de cine en Florida, presentau por os Archivos d'o Estau de Florida
• (en) Rottentomatoes.com - Una gran colección de resenyas de cintas y vistes previas de centenars de creticos