The Great Train Robbery (cinta de 1903)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre una cinta estausunidense de l'anyo 1903; ta atros usos, se veiga The Great Train Robbery.
| The Great Train Robbery | |
|---|---|
| Títol | The Great Train Robbery |
 Poster d'a cinta. | |
| Ficha tecnica | |
| Dirección | Edwin S. Porter |
| Producción | Edwin S. Porter |
| Guión adaptau | Edwin S. Porter Scott Marble |
| Basau en | The Great Train Robbery de Scott Marble (1896) |
| Fotografía | Edwin S. Porter J. Blair Smith |
| Montache | Edwin S. Porter |
| Actors | Justus D. Barnes Broncho Billy Anderson Walter Cameron Alfred C. Abadie |
| Datos y cifras | |
| País(es) | Estaus Unius |
| Anyo | 1903 |
| Debantadera |  1 d'aviento de 1903
|
| Chenero(s) | Cine mudo Cine de western |
| Durada | 12 min. |
| Idioma(s) | Cine mudo |
| Companyías | |
| Productora(s) | Edison Manufacturing Company |
| Distribución | Edison Manufacturing Company |
| Presupuesto | 150 dólars |
| Informacions en bases de datos especializadas: | |
       
| |
The Great Train Robbery (títol orichinal en anglés; en aragonés O gran robo d'o tren) ye una cinta estausunidense de cine mudo de cine de western de l'anyo 1903 dirichida por Edwin S. Porter seguntes un guión adaptau por él mesmo y por l'autor d'a obra teatral orichinal (The Great Train Robbery de Scott Marble (1896). O montache d'a cinta estió tamién obra d'o mesmo director, qui estió tamién o director de fotografía, con J. Blair Smith. En a cinta amanixen actors d'ixas envueltas, como Justus D. Barnes, Broncho Billy Anderson, Walter Cameron y Alfred C. Abadie, tenendo una duración de nomás que 12 minutos. Ye a primera cinta de tipo narrativo filmada en o cine estausunidense y no ye pas casual que se tracte d'un primitivo western, uno d'os cheneros cinematograficos mas caracteristicos d'o cine estausunidense.[1]
Encara que la cinta no destaca especialment, sí que tien importancia, en estar considerada como lo primer western d'a Historia d'o cine, a on quedan marcadas y fixadas bellunas d'as caracteristicas principals d'iste chenero cinematografico.[2][3][4][5] Antiparte, en ista cinta se facioron servir bellas tecnicas cinematograficas nuevas u muit poquet emplegadas dica l'inte, como un montache compuesto, lo rodache en exteriors en cuentas d'o rodache en un estudio de soniu u en un plató, y lo movimiento d'a camara.[6] ta representar completament las caracteristicas propias d'o cine de western nomás li faltaba que amostrar un protagonista d'a cinta.[1] Tamién estió una d'as primeras cintas en fer servir o cross-cutting, en amostrar dos escenas que se producen en forma simultania en o tiempo pero en dos localizacions diferents.[7]
En l'anyo 1990, a Biblioteca d'o Congreso d'Estaus Unius consideró que la cinta yera "cultural, historica y esteticament significativa" y la seleccionó ta incluyir-la en o National Film Registry.[8]
Estructura d'a cinta editar
Amás d'as secuencias d'a cinta, los distribuidors reciben un fragmento en un plano que amuestra a lo chefe d'os bandius en disparando directament a la camara. Iste fragmento ye pensau ta que los exhibidors d'a cinta lo empleguen en o principio u en o final d'a cinta, a la suya elección.[7] En estar la primera vegada que una escena asinas se veyeba en o cine, causaba un gran efecto en os espectadors, similar a l'efecto causau por a locomotora que abanza enta los espectadors en una famosa escena d'a cinta L'Arrivée d'un train en gare de La Ciotat (1896, Louis Lumière).[9]
Secuencia 1 editar
Nomás que una toma, con plano cheneral: Oficina d'o ferrocarril. Os ladrons asaltan a lo radiotelegrafista, a qui fuerzan a aturar un tren y a ordenar que un incheniero replene lo tender d'a locomotora de vapor con l'augua d'o deposito. Atan a lo radiotelegrafista, lo dixan en o suelo y se'n van.
Secuencia 2 editar
Nomás que una toma, con plano cheneral una mica encuadrau enta la dreita: Dezaga d'o deposito d'augua fan o tutón os ladrons, bi plega lo tren y los ladrons bi puyan.
Secuencia 3 editar
Nomás que una toma con plano cheneral: Interior d'un vagón. Un emplegau escuita lo rudio que fan os ladrons y preba d'impedir o robo pero los ladrons fan servir las suyas armas, disparan y l'emplegau caye feriu en lo suelo; preban d'ubrir la caixa fuertey, en no poder, li adbhiben un explosivo y marchan de l'encuadre d'a camara. La caixa d'ubre con a explosión y los ladrons se fan con o botín.
Secuencia 4 editar
Plano A editar
Lo tren se detiene y los ladrons ordenan a lo maquinista que desepare la maquina d'os vagons.
Plano B editar
Os pasachers baixan d'os vagons y se colocan dencima d'as vías d'o tren con as mans en alto, y los ladrons lis van robando un a un as suyas pertenencias. Un d'os viachers preba de fuyir pero los ladrons li disparan y caye feriu en o suelo.
Plano C editar
Los ladrons puyan en a maquina y la fan marchar, albandonando la escena d'o crimen.
Secuencia 5 editar
Plano A editar
Plano cheneral con chicota panoramica a la ezquierda: O tren s'atura, baixan los ladrons y caminan enta una selva amanada.
Plano B editar
Plano cheneral con chicota panoramica a la ezquierda: en dentrar-ie en a selva, trescruzan un regallo y plegan en o puesto a on bi tienen amagaus os suyos caballos.
Secuencia 6 editar
Plano A editar
Plano cheneral: en a oficina, lo telegrafista disperta y preba de dar l'alarma pero torna a cayer en o suelo. Aparixe una nina que preba de reanimar-lo y lo desliga.
Plano B editar
Plano cheneral: en un local se bi fa un baile d'estilo country; bi plega lo telegrafista y toz los bailarins pretan a correr.
Secuencia 7 editar
Nomás que una toma, plano cheneral: en un camín en bel meyo d'a selva los ladrons fuyen perseguius y s'intercambian disparos con os suyos perseguidors.
Secuencia 8 editar
Nomás que una toma, plano cheneral: os ladrons se reparten o botín d'o robo cuan i plegan os perseguidors, que lis disparan. en resultando muertos os ladrons.
Reparto[10] editar
| Actor | Papel | Notas |
|---|---|---|
| Alfred C. Abadie | Sheriff | No acreditau |
| Broncho Billy Anderson | Bandiu / Pasachero / Bailarín | No acreditau |
| George Barnes | ' | No acreditau |
| Justus D. Barnes | Bandiu qud dispara enta la camara | No acreditau |
| Walter Cameron | Sheriff | No acreditau |
| John Manus Dougherty Sr. | Cuatreno bandiu | No acreditau |
| Donald Gallaher | Ninón | No acreditau |
| Shadrack E. Graham | Nino | No acreditau |
| Frank Hanaway | Bandiu | No acreditau |
| Adam Charles Hayman | Bandiu | No acreditau |
| Morgan Jones | ' | No acreditau |
| Robert Milasch | Conductor d'o tren / bandiu | No acreditau |
| Marie Murray | Bailarina | No acreditau |
| Frederick T. Scott | Hombre | No acreditau |
| Mary Snow | Nina | No acreditau |
Se veiga tamién editar
Referencias editar
- ↑ 1,0 1,1 (es) Vincent Pinel: Los géneros cinematográficos. Géneros, escuelas, movimientos y corrientes en el cine, Ediciones Robinbook, S.L., Barcelona, 2007, ISBN 978-84-96924-45-1, p. 318.
- ↑ (en) Norman Keim: Our Movie Houses: A History of Film & Cinematic Innovation in Central New York. Syracuse University Press. p. 17. ISBN 0-815-60896-9.
- ↑ (en) L.G. Moses: Wild West Shows and the Images of American Indians, 1883-1933. , 1999, UNM Press. p. 225. ISBN 0-826-32089-9.
- ↑ (es) Quim Casas: Películas clave del western, Ediciones Robinbook, S.L., Barcelona, 2007, ISBN 978-84-96222-88-5, p.15.
- ↑ (es) Quim Casas: Películas clave del western, Ediciones Robinbook, S.L., Barcelona, 2007, ISBN 978-84-96222-88-5, p.35.
- ↑ (es) Emilio García Fernández (dir.): Historia Universal del Cine, vol. 1. Madrid, 1982, Editorial Planeta. p. 48-49. ISBN 84-7551-385-9.
- ↑ 7,0 7,1 (en) Tim Dirks: The Great Train Robbery en Filmsite.org.
- ↑ (en) U.S. National Film Registry Titles.
- ↑ (es) Quim Casas: Películas clave del western, Ediciones Robinbook, S.L., Barcelona, 2007, ISBN 978-84-96222-88-5, p.36.
- ↑ * (en) The Great Train Robbery en Internet Movie Database.
Vinclos externos editar
Se veigan as imáchens de Commons sobre The Great Train Robbery.- (en) The Great Train Robbery en YouTube.
- (en) The Great Train Robbery en Internet Movie Database.
- (en) The Great Train Robbery en TCM Movie Database.
- (en) The Great Train Robbery en AllMovie.
- (en) The Great Train Robbery en Rotten Tomatoes.
- (en) The Great Train Robbery en Filmsite.org.
- (es) / (en) The Great Train Robbery en FilmAffinity.
