Abrir menú principal
O suenio, de Gustave Courbet, 1866.
H. S. Tuke, Calor d'o meyodía, 1902.

A homosexualidat ye l'atracción romantica, l'atracción sexual u a conducta sexual entre miembros d'o mesmo sexo u chenero. Como orientación sexual, a homosexualidat ye "un patrón duradero d'atraccions emocional, romantica e/u sexual" enta personas d'o mesmo sexo. "Tamién se refiere a lo sentito d'identidat d'una persona alazetato en tals atraccions, conductas relacionatas e pertenencia a una comunidat d'otris qui en fan partache de ditas atraccions"[1][2]

Chunto con a bisexualidat e la heterosexualidat, a homosexualidat ye una d'as tres categorías principals d'orientación sexual adintro d'o continuum heterosexualidat-homosexualidat. Os scientificos no sapen exactament o que determina la orientación sexual d'un individuo, pero creyen que ye causata per una interacción complexa d'influencias cheneticas, hormonals e medioambientals.[3][4][5] Favoreixen as teorías alazetatas en a biolochía[3], que sinyalan a los factors cheneticos, l'ambient intrauterino temprano; a entramos, u la inclusión de factors cheneticos e socials.[6][7] No ye garra preba substancial que suchiera que las experiencias d'a crianza u infancia temprana chuguen un paper quan se plega en a orientación sexual.[6] Mientres que bellas personas creyen que l'actividat homosexual ye antinatural,[8] a rechira scientifica ha amostrato que la homosexualidat ye una variación normal e natural en a sexualidat humana e no bi ye una fuent d'efectos psicolochicos negativos.[1][9] Bi'n ha de prebas insuficients que emparen l'uso d'intervencions psicolochicas ta cambiar a orientación sexual.[10]

Os termins més comuns ta la chent homosexual ye lesbiana ta mullers e gai ta varons, encara que tamién s'emplega iste zaguero ta referir-se cheneralment tanto a varons como mullers. O numero de personas que s'identifican como gai u lesbiana e la proporción de chent qui en tien d'experiencias sexuals con o mesmo sexo ye difícil d'estimar de traza fiable per os rechiradors per una variedat de razons, ya que muita chent gai e lesbiana no s'identifican ubiertament debito a la homofobia e la discriminación heterosexista.[11] A conducta homosexual tamién se ye documentata en a-saber-las especies animals no humanas.[12][13][14][15][16]

Muitos gais e lesbianas se troban embrecatos en relacions d'o mesmo sexo, encara que només que recientment se tienen formularios de censos e condicions politicas que han facilitato a suya visibilidat y enumeración.[17] Istas relacions son equivalents a las heterosexuals en os aspectos psicolochicos esencials.[2] As relacions e actos homosexuals se han admirato asinas como condemnato a traviés d'a historia escrita, pendendo d'a traza que prene e la cultura en a que ocurre.[18] Dende o cabo d'o sieglo XIX, bi ha habito un movimiento global enta un augmento de visibilidat, reconoiximiento e dreitos legals ta la chent gai, mesmo los dreitos de matrimonio e unions civils, adopción e crianza, treballo, servicio militar, igual acceso ta la sanidat e la introducción d'a lechislación antiacoso ta protecher a os menors gais.

Contenius

TerminolochíaEditar

Ye corrient que lo fablant desconoixca lo significato preciso d'os termins relativos a las diferents practicas, identidatz e orientacions sexuals (heterosexualidat, homosexualidat, bisexualidat, etc...), u bien per a manca d'información u bien per o exceso de prechudicios. Previament o mesmo fenomeno se denominó chus diferents termins, no totz ells positivos: sodomía, uranismo, pecato horrendo, crimen nefando, inversión.[19]

O termin aragonés homosexualidat ye a traducción d'a parola alemana Homosexualität, creata a partir d'o termin griego "ὁμός", que quier dicir "pareixito" e o latino "sexus", que quier dicir "sexo". Lo fizo servir per primera vegata l'escritor austro-hongaro Karl-Maria Kertbeny[20] en 1869 en un amplo informe ninviato ta lo ministro de Chusticia d'Alemanya con motivo d'a redacción d'o nuevo Codigo Penal ta la Federación d'o Norte d'Alemanya, aprebato en 1860, en meyo d'o debat sobre si caleba mantener o viello codigo prusiano, que en o suyo apartato 175 tipificaba como delicto u contacto sexual entre personas d'o mesmo sexo.[21] Richard Freiherr von Krafft-Ebing, en o libro Psychopathia Sexualis (1886), popularizó lo concepto. De ell derivan as traduccions a muitas atras luengas.[22]

A homosexualidat feminina se diz tamién lesbianismo (qualidat de lesbiana) u safismo, termin que provién d'o nombre d'a poetisa Safo de Lesbos, a qui os suyos poemas apasionatos dedicatos a las amigas d'ella li valión a reputación d'homosexual. Mes rarament, a lo lesbianismo se li diz tamién tribadismo, parola que probablement derive d'o verbo griego τρίβω, que significa "estregar". En a Grecia antiga una muller que penetraba meyant l'uso de bell aparello yera dita τρίβας.

 
A escala de Kinsey. Bi ha bisexualidat dende que en bi ha d'atracción per entramos sexos (1, 2, 3, 4, 5) e no solo dende que l'atracción per entramos sexos ye igual (3). A homosexualidat ye l'atracción unica y exclusiva enta presonas d'o mesmo sexo (6); a heterosexualidat ye l'atracción unica y exclusiva per as presonas de l'atro sexo.

A homosexualidat ye a ormino impropiament trafucata con a bisexualidat: se tracta allora d'un amagamiento d'a bisexualidat —quan se presuposa que una presona que n'ha de relacions aimorosas u sentimentals con una presona d'o mesmo sexo ye necesariament homosexual, per exemplo.

A bisexualidat ye estatisticament a-saber-lo mes freqüent que la homosexualidat. A profesora universitaria estatounitense Lisa Diamond declara a iste proposito que "ye a-saber-lo mes freqüent estar atrayito per bella presona d'o suyo propio sexo que estar exclusivament atrayito per bella presona d'o suyo propio sexo".[23]

Igualment, un estudio fechato en 1993 en Francia amostró que lo que s'ha dito patracament "homosexualidat" ye en quasi la totalidat de casos de bisexualidat. Entre las presonas a las que se lis preguntó si n'heban habito de relacions sexuals homosexuals, o 96,6% entre ells en declaroron tamién de relacions heterosexuals, o que ye constitutivo de bisexualidat.[24] En as enqüestas estatounitenses u danesas, se troba u numero tamién considerable (de 90 a 96%) de presonas en realidat bisexuals, encara que de traza abusiva son ditas homosexuals.[24]

De feito, o que habitualment se diz "homosexualidat" ye a mayor parti d'o tiempo bisexualidat.[25]

As enqüestas menatas per os equipes d'Alfred Kinsey arredol d'as anyadas 1950 (a partir de dos estudios estatisticos sobre o comportamiento sexual d'os estatounitenses effectuatos con qualques 5 300 hombres (en 1948) e de 8 000 mullers (en 1953) han constatato que la homosexualidat e la heterosexualidat no son pas dos orientacions sexuals e aimorosas exclusias sino que constituyen mes bien os polos d'un mesmo continuum d'a orientación sexual.

EstatisticasEditar

En as anyadas 1950, os informes Kinsey amostroron que o 46% d'os hombres enqüestatos han habita una "experiencia homosexual", sinse que isto qüestione necesariament lurs relacions heterosexuals".[26] Qualques rechiras mes recents indican que de dos a siet per cient d'os hombres e l'uno per cient d'as mullers se considerarban como homosexuals.[27]

En Canadá, l'1,1% d'a chent se declaran homosexuals.

En Espanya, en chunio de 2017, l'11% d'as presonas entre setze y decisiet anyos n'hubon de relacions homosexuals e a lo 25% d'a mesma edat li cuacarba haber-ne; o 17% d'as presonas entre deciueito y vinticinco anyos n'hubon de relacions homosexuals e a lo 21% d'a mesma edat li cuacarba haber-ne; en o grupo d'edat entre vintisiés e trenta-quatre, o 20% n'hubon e lo 13% li ferba goyo experimentar-ne una; e a la fin, o 17% d'os mayors de trenta-quatre anyos en tuvon e lo 9% mirarba d'haber-ne.[28]

Entre controversias e banalizaciónEditar

 
A bandera arco de Sant Chuan, simbolo d'o movimiento LGBT.

L'aparición regular d'a homosexualidat aintro lo debat d'as sociedatz occidentals suscita la controversia. Os debatz politicos con la enchaquia de modificar-ne de lechislacions son a ormino apasionatas mesmo si iste no ye pas o caso (como en Portuga en 2010[29]). O voto a leis que permiten l'igualdat de totas as parellas debant o matrimonio se fizo con una chicota mayoría en Archentina (aprés quince horas de debatz acaloratos[30]), en o Estato de Nueva York y en o de Washington en 2012. O dreito de veto se fa servir a vegatas per a presona encargata de promulgar a lei (Nueva Jersey[31] en 2012). As negociacions con as Ilesias son corrients en os Estatos Unitos con o voto d'as exempcions relichiosas ta que las Ilesias no sigan pas en a obligación d'acomodar parellas d'o mesmo sexo. En os Estatos Unitos qualques estatos han modificata lur constitución ta definir o matrimonio como estando lo d'un hombre e una muller. En Francia, os debatz han dato puesto a intercambios a veces violentos (contiparación con a zoofilia[32] u la pedofilia[33]). L'antigo chefe de la Ilesia Catolica, Benedet XVI, alvirtió: "o matrimonio homosexual menaza lo futuro d'a humanidat".[34]

En a-saber-los países, sobretot occidentals e d'Asia Sud-oriental, a homosexualidat se ha per una traza "banal" de sexualidat que no son pas obchecto d'estigmatización particular, d'aón o reconoiximiento oficial a la posibilidat de matrimonio homosexual. Manimenos, mesmo en os países que acceptan istas unions, os sondeyos reflectan qualque desalcuerdo social sobre a validez d'ista institución.[35]

Beluns emparan[36] que a homosexualidat corresponderba a una tendencia natural en o ser humán, mesmo heterosexual, d'estar atrayito per individuos d'o mesmo sexo. A expresión d'ista atracción estarba un factor important d'o equilibrio d'o comportamiento sexual. Subrayan os comportamientos homosexuals observatos (igual que os comportamientos heterosexuals) en bells ninos e adolescents, considerando que constituirban per naturaleza una etapa alazetal d'a diferenciación sexual e d'a surtida d'o sentimiento de pertenencia a o sexo feminín u masculín.

Amés, mesmo en os países aon a homosexualidat se banaliza relativament, totz os homosexuals no viven pas necesariament bien lur homosexualidat e lurs proximos no l'acceptan pas necesariament.[37]

 
Panorama d'a Ciudat Gai (en francés Village gai) de Montreal, un d'os vicos gais mes amplos d'o mundo (dos kilometros de largaria).

Controversia relichiosaEditar

Como a sexualidat heterosexual difuera d'o matrimonio, a homosexual ye refusata per a mayor parti d'as instancias relichiosas, mesmo si existe una fuerte disparidat d'opinión en os fidels.

Relichions abrahamicasEditar

As relichions abrahamicas refusan categoricament as relacions sexuals homoeroticas, muito asobén a traviés d'a sodomía. Asinas, en o Antigo Testamento: en Levitico 18,22: "Tu no chacerás pas con un hombre como tu chaces con una muller, car ye una abominación". O Nuevo Testamento reitera a condemna: en Romans 1,26-27: "Dios los ha abandonatos a pasions infames; car as mullers entre ellas ham cambeato l'uso natural per unatro que ye contra natura. Igualment os hombres, deixando l'uso natural d'a muller, se son abrazatos en lur furnada os uns con os otris, cometendo-ne, hombre con hombre, de cosas infames, e recibindo en ells a recompensa que se debeba a lur ixarrota". L'islam tradicional, sunnita u xiita, condemna igualment a la homosexualidat per meyo d'a xaría. As condemnas son variables d'una relichión a unatra e tienden a ablandir-se en o cristianismo.

Asinas, en a Ilesia Catolica, l'accento se mete en l'acullida e benevolencia enta as presonas homosexuals entre que mantién una vieda e una condemna d'as relacions sexuals. O Papa Francisco així declaró en 2013: "Si una presona ye gai e mira a o Sinyor con buena voluntat, quí soi yo ta chuzgar-la (...) Nusatros debemos estar chirmans."[38]

O protestantismo, en a suya gran parti, deixa a os creyents como os unicos chudeces de lur fe e d'a traza d'aplicar-la. A homosexualidat adintro de l'anglicanismo, per exemplo, sembla d'arredrar-se-ne d'o refús de l'acto homosexual sustito d'o cristianismo e mes dillá, d'o chudaísmo, con a bendición d'o matrimonio homosexual; ista acceptación, magueras, no ye pas unanime adintro d'a ilesia. O primato anglicán Peter Akinola dició asinas: "Yo no puedo replecar pas cómo un hombre sentato poderba deseyar una relación sexual con unatro hombre. Mesmo adintro d'o reino animal, d'os cans, vacas, lions, no se'n siente charrar tal cosa",[39]] o que ye contrario a la observación.

O punto de vista mormón sobre a homosexualidat no ye muito arredrato d'o d'a Ilesia Catolica Romana que clama a la "castidat".

En Francia, asociacions confesionals arredol d'as qüestions LGBT existen como David et Jonathan ta os cristians, Beit Haverim ta os chodigos e Homosexuels musulmans de France ta os musulmans. Istas no son, manimenos, reconoixitas per as instancias relichiosas.

BudismoEditar

O budismo prescribe o control d'os sentitos. A homosexualidat no ye, doncas, censurata como tal, a "conducta sexual etica" ye l'ascetismo e l'ideal mes elevato d'o budismo ye l'absencia completa de tota actividat sexual.

O budismo ha chenerament una actitut de respecto enta as diferents culturas e relichions, o que mena ta bella diversidat de posicions budistas d'una cultura a unatra y esplanica que se'n pueda trobar d'autors budistas que condemnan a homosexualidat. En una entrevista, o quatorzeno Dalai Lama, Tenzin Gyatso declaró que a homosexualidat "formaba parti d'o que, nusatros os budistas, clamamos "mala conducta sexual".[40] Mes recientment, ha declarato: "Como lo cristianismo, o budismo recomienda d'evitar as relacions sexuals con bella presona d'o mesmo sexo. Pero, dende un punto de vista social, ista no significa garra problema ta presonas sinse una fe particular, dende que as relacions son protechitas".[41]

MarketingEditar

A parella homosexual ye esdevenita un obchectivo especifico d'o marketing en os países occidentals: o comportamiento publico de bells gais ha inspirata la publicidat. En ella, o marketing ha integrato bell numero de clichés gais.

Asinas, bells operadors turisticos se son especializatos en o "torismo gai"; marcas de ropa, de deterchents u de voturas amuestran parellas gais en lurs campanyas publicitarias. En as anyadas 1990, son apareixitas entre os especialistas d'o marketing comunitario expresions como DINK (double income, no kids) —dople ingreso, garra nino— u encara pink dollar ta charrar d'o comercio enfocato en os gais, lesbianas, bisexuals e transexuals.[42][43]

DiscriminacionsEditar

As relacions sexuals e as relacions aimorosas entre hombres se condemnaba con pena de muerte en sies países en 2017: Afganistán, Arabia Saudí, Brunei, Irán, Mauritania, Nicheria, Sudán, Somalia, Somalilandia e Yemen. Istas lechislacions s'aplican de traza efectiva. También se condemnan con castigos fisicos, asinas como penas de garchola en mes de ventisiet países en o mundo.

A homosexualidat ye ilegal en mes de cient países en o mundo e os homosexuals s'exposan a enantos sistematicos.

Seguntes l'Asociación Internacional de Lesbianas, Gais, Bisexuals, Transexuals e Intersexuals, en 2016 73 países condemnaban a homosexualidat e tretze estatos u partis d'estato preveyeban a pena de muerte.[44]

En os países occidentals, os homosexuals pateixen una discriminación, dita a ormino homofobia, a vegatas muito fuerte, tanto que una d'as causas de suicidio en os chovens gais e lesbianas de 15 a 34 anyos ye o sufrimiento sentito a causa de lur exclusión debito a la homofobia de lur sociedat.[45] Un choven homosexual n'haberba entre quatre e siet vegatas mes de risque d'atentar contra la suya vida que un choven heterosexual, zifra que augmenta dica o 40% entre as mesachas chovens. Entre os adolescents que realizoron una tentativa de suicidio, un quarto (25%) ye homosexual.[46]

A homofobia constituye un comportamiento u un pensamiento contimparable a nocions tals como lo racismo, o sexismo u l'antisemitismo, constituyindo una discriminación u una traza de violencia alazetata sobre a pertinencia a un grupo. As agresions homofobas pueden estar verbals, psicolochicas u fisicas: insultos, brutalidat, acoso, violacions, asasinatos (en os Estatos Unitos, a tortura heba enducito a muerte de Matthew Shepard en 1998 en Wyoming).

En o vocabulario d'istos doniestos, son a sobén misochins u homofobos.

O refuse d'a homosexualidat u d'a homosexualidat per qualques sociedatz vien d'un desconoiximiento d'ista tematica. Per exemplo, qualques presonas e qualques sociedatz mantienen l'amalgama entre homosexualidat, pederastia e a pedofilia.

Os comportamientos homofobos e transfobos, a sobén asociatos, esplanican l'amanamiento entre bells militants homosexuals e transexuals, encara que a identidat de chenero no heba garra relación con a oriención afectiva e sexual.

En os países arabesEditar

L'Alcorán describe os actos homosexuals como grieus baixezas, condemnatas moralment e social en lur practica publica u en a cismia ta lur practica. Consiguientment, en numerosos países que aplican a xaría, a sodomía ye un crimen que puet castigar-se con a pena de muerte (a mes habitual a lapidación).

Asinas, en Arabia Saudí, tot acto de sodomía comeso per un no musulmán con un musulmán ye mereixedor de lapidación.[47][48]

Omán constituye una excepción en a Peninsula Arabica, estando l'unico gran país d'a rechión que no aplica garra pena legal contra a homosexualidat. O que s'atribuye a o soldán Qabus ibn Said, qui "no fa cosa como os suyos homologos d'os países d'o Golfo. Esvurciato, sin de ninos, quasi ubiertament gai, deixa a o suyo pueblo a libertat de culto e no reprime soque muito poco l'adulterio e a homosexualidat, encara que agún sigan consideratos oficialment delictos".[49][50]

En CubaEditar

En Cuba, o gubierno castrista implementó dende 1965 as Unidades Militares para el Aumento de la Producción (UMAP)[51] u "Unidatz Militars ta l'Augmento d'a Producción"[52], oficialment ta remplazar o servicio militar ta qui yeran exemptos de levar-ne d'armas, incluyitos os obchectors de conciencia e os homosexuals.[53] De feito, haberban acullitos a totz qui no se comportaban pas como quereba o rechimen, entre ells, os homosexuals.[54] Rapedament conoixitos per lurs tractamientos inhumans, istos establimientos se zarroron deciueito anyadas dimpuesas; a indignación d'o mundo artistico empentoron a Fidel Castro a zarrar presonalment istos establimientos en 1967, estimando que no cumpliban pas os obchectivos revolucionarios, pero atros menos duros prenioron lur puesto.[54][55] Durando una entrevista en 2010, Fidel Castro se disculpó d'istas persecucions, considerando-se responsable, pero invocando l'actualidat cheopolitica d'a epoca ta esplanicar a suya absencia d'acción sobre iste tema.[56]

Cuba forma parti d'os 66 estatos que han sinyata la resolución d'a ONU ta la despenalización universal d'a homosexualidat.

Adoptato lo 23 de chulio de 2018, o prochecto de constitución cubana de 20118 ubre a vía ta una posible legalización d'o matrimonio homosexual a traviés d'o emplego de termins neutros ta fer mención d'o matrimonio enguís d'os de marito e muller.[57]

En FranciaEditar

As normas churidicas en vigor viedan en Francia tota discrimiinación en función d'orientación sexual. L'informe sobre homofobia en a interpresa realizato per HALDE e publicato en 2008[58] revela que o 12% d'os homosexuals interrogatos estiman haber-se quedato a o menos una vegata difuera de chuego en bella promoción interna e un 4,5% estar menos remuneratos con puesto e qualificación iguals. Seguntes unatro sondeyo,[59] o 17% d'os asalariatos d'o sector privato (resoecto a l'8% en o sector publico) consideran que estar homosexual ye mes bien un incovenient ta evolucionar en una interpresa (respecto a la función publica).

A principal dificultat ta valguar, en Francia, l'amplaria d'una eventual discriminación salarial en función d'a orientación sexual ye l'absencia de fuents estatitiscas fiables que permitan d'identificar de traza precisa as poblacions homosexuals gai e lesbiana e lurs principals caracterisiticas individuals y economicas: edat, puesto de residencia, salario, sector d'actividat, qualificacions etc...

A tamas d'iste vueito estatistico, un articlo recent con toto ha proposata una primera valguación de diferencia de salario entre treballadors e treballadoras homosexuals y heterosexuals a partir d'una muestra d'asalariatos homosexuals composata per miembros de parellas d'o mesmo sexo identificatos gracias a las diferents edicions d'a Enqüesta d'Emplego (en francés Enquête Emploi) de l'INSEE, parando cuenta d'excluir-bi as diferents trazas de cohabitación que o suyo orichen no ye pas ligato a la orientación sexual: cohabitación estudiantil, economica, de migración, zaga d'a viduez, etc... Se tracta huei en día de l'unico estudeo disposable en o tocant a la discriminación alazetata en a orientación sexual en Francia.[60][61]

A contimparación de salarios d'os treballadors homosexuals en o respective a los d'os asalariatos heterosexuals qui en fan partache d'as mesmas caracteristicas ta las variables presas per l'estudeo amuestra que os hombres homosexuals permenan en Francia una penalización, tant en o sector privato, -6,2%, como en o sector publico, -5,5%.

Ta dar una idea d'a suya magnitut, ista diferencia ye superior a la discriminación salarial entre hombres e mullers (valguata huei en Francia arredol d'o -5,4%), "o que subraya l'amplaria d'a discriminación que afectan a os homosexuals masculins" seguntes l'estudeo de Thierry Laurent et Ferhat Mihoubi. As lesbiana espleitan manimenos una prima moderata: un 1,5% en o sector privato y entre un 0 e un 1,5% en o sector publico.

Perén seguntes a mesma enqüesta, a discriminación permenata per os asalariatos gais no se caracteriza probablement pas per un menor salario a igual puesto (o que estarba susceptible de recursos legals), pero mes bien per un perfil de carrera profesional en retirada, resultato de transicions en a interpresa, en promedio, menos favorables (menor freqüencia u amplaria de promocions). Feble en primeras d'a carrera, a discriminación s'expresa sindembargo mes tardi, a partir de l'inte que a orientación sexual de l'asalariato bi ye progresivament revelata en a interpresa.

A la fin, os dos rechiradors han amostrato que, en o sector privato, a esavantalla permenata per os homosexuals masculins ye mes elevata ta os treballadors qualificatos que ta os no qualificatos y —en entramos sectors— ta os mayors que ta os chovens. A discriminación ye igualment mes feble en París que en a resta de Francia.

As razons que esplanican as diferencias de remuneración en función a la orientación sexual son de muitos ordens.[60]

Una primera razón torna a sortir no pas d'una discriminación sino de "desigualdatz compensatorias". En efecto, as mullers heterosexuals, anticipando una actividat mes domestica dispuesas d'o matrimonio, rebaixan lur inversión profesional mientres que per contra, una vez casatos, deberán compensar l'actividat domestica de lur muller, o que n'ha de conseqüencias en as diferencias de salario entre hombres e mullers. Os homosexuals, sin d'estar embolicatos per as mesmas obligacions, no adoptan pas istas estratechias de traza que as mullers homosexuals invierten mes en capital humán que as mullers heterosexuals, mientres que os hombres homosexuals invierten menos que os hombres heterosexuals, o que mena ta preveyer-ne de diferecias favorables ta las lesbianas y esfavorables ta os gais.

Una segunda razón consiste en a discriminación, que se puet dividir en dos menas: a preferencia per a discriminación e a "discriminación estatistica". A primera designa una diferencia de comportamiento contra os homosexuals simplament per lur orientación sexual. Os hombres en permenan mes que as mullers. A segunda designa la discriminación que resulta de a opinión que se fa l'emplegador sobre a productividat d'una colla. Os gais, qui s'afectan mes a ormino de sida que a resta d'a población e qui dende allora son relacionatos con sobrecostes, permenan ista discriminación, mientres que as lesbianas, asimilatas a la mullers cerenyas e sin de fillos, se'n benefician.

En IndiaEditar

Aprés un chudicio d'o 2 de chulio de 2009 d'o Tribunal Superior de Delhi, dende aquell día, a homosexualidat no ye mes un crimen si s'aplica (en relacions sexuals y en os sentimientos) quan entramas presonas son adultas y en consienten, anulando l'antiga lechislación "Articlo 377 d'o Codigo Penal" adempriviato d'a colonización britanica.

L'11 d'aviento de 2013, o Tribunal Supremo d'a India declaró as relacions homosexuals ileglas e no contrarias a os dreitos alazetals. Asinas de feito, a restauración d'a sección 377 d'o Codigo Penal indio criminaliza de nuevo a homosexualidat.[62]

En IránEditar

En Irán, a lei condemna durament os actos homosexuals; qui se bi entregan s'exposan a la flachelación e mesmo a la pena de muerte, en caso de tres recidivas.[63]

En IsraelEditar

 
Desfile de l'Argüello de Tel Aviv en 2012.

Israel poseye una lechislación reservando lo matrimonio como relichioso només. Manimenos, os matrimonios entre dos presonas d'o mesmo sexo contrayitos en l'estranchero se i reconoixen.

En aviento de 2012, o tribunal de chusticia familiar de Ramat Gan dio lo primer esvucio legal a un matrimonio entre hombres.[64] Existe igualment un reconoiximiento d'o concubinato ta totas as parellas.

A lechislación israelí condemna antimés de traza severa un crimen que n'embreque d'homofobia.

En a sociedat las presonas homosexuals son mal adempriviatas per l'ambito relichioso, mientres en os ambitos laicos u liberals acceptan cheneralment a homosexualidat.

Totz os anyos ha puesto un desfile de l'Argüello en Tel-Aviv-Jaffa e lo gubierno n'ha un punto de vista progresista, que i favoreix a participación e diriche a chornata (seguridat, actividatz, etc...). Atros desfile de l'Argüello s'organizan tamién en atras ciudatz israelíes.

Existen centros homosexuals en as mayors ciudatz e collas de trobatas s'organizan asinas como servicios d'aduya e una linia telefonica. Existe igualment un movimiento chuvenil homosexual, popular entre os menors de 22 anyadas.

Manimenos, seguntes o periodista antiisraelí Jean Stern, Israel favoreix a la comunidat homosexual a traviés d'o lavato rosa.[65][66]

En NicheriaEditar

En Nicheria, a sodomía se pena con a pena de muerte mesmo si ista lei s'aplica rarament.[67] En 2014 fue promulgata per o president Goodluck Jonathan una lei que pena a 10 anyadas de garchola a las presonas qui vocíen publicament una relación homosexual e a 14 anyadas de garchola a aquells que s'acomoden con una presona d'o mesmo sexo, encara que a homosesexualidat ya se reprime severament en Nicheria. Ista lei fue votata per unanimidat per os parlamentarios nicherians en 2013.[68]

En SenegalEditar

En Senegal, os actos homosexuals se penan con cinco anyadas de garchola e una pinyora d'entre 100 000 dica 1 500 000 francos CFA, seguntes o Codigo Penal senegalés.[69]

En SuizaEditar

En Suiza, como en muitos atros países europeus, a penar d'estar a parella rechistrata, as parellas homosexuals con fillos no pueden fer partache d'a patria potestat. Ista, como a filiación, no ye reconoixita soque ta o prochenitor biolochico. O conchuche qui exerce un rol parental e asume as obligacions legals no espleita garra dreito e remane "prochenitor no estatuario".[70]

En EspanyaEditar

En Espanya bi ha habito un cambeo en a percepción social d'a homosexualidat (sinse partache per parti d'os ciudadans, a mayoría de qui perteneixen a la dreita), orientando-se-ne enta politicas mes tolerants. Manimenos, ista realidat ye mes acceptata en as grans ciudatz (Madrit, Barcelona, Valencia, Sevilla, Malaga, Santa Cruz de Tenerife, Las Palmas de Gran Canaria, Cadiz...) que en os chicotz lugars de l'interior, de mentalidat mes conservadera.

A penar de tot, o refús social e o familiar continan marguinando a lo colectivo LGTB e creando un sentimiento d'inseguridat e inferioridat entre os chovens (beluns de qui plegan a suicidar-se);[71] en chunio de 2010, o Front d'Alliberament Gai de Catalunya criticaba las conductas homofobicas, asegurando que bi ha habito un augmento significativo d'entimaduras per agresions e discriminación.[72]

Una contrimuestra d'a liberal sociedat espanyola ye que a-saber-los homosexuals han reconoixita publicament lur orientación sexual en fer lur salida de l'almario. Entre ells se troban presonaches famosos como Boris Izaguirre, Jesús Vázquez u Pedro Zerolo; u mesmo altos funcionarios, como o chudez Fernando Grande-Marlaska.

Existen publicacions orientatas a lo publico gai, como l'antiga revista Zero e se difunden per televisión series "gais" como Queer as Folk, Will & Grace, Buffy the Vampire Slayer, The L Word u Hospital Central. Tamién ye important l'aparición de peliculas que en tractan de temas LGTB (temas gais, lesbianismo, bisexualidat e transexualidat) per a normalización e la visualización, asinas como per a creación de nuevos modelos que aduyen a crebar con os estereotipos: Eloïse, Imagine Me & You, Transamerica, Boys Don't Cry, Shortbus, Fucking Åmål, Cachorro, Plata quemada, Pourquoi pas moi?, etc...

En AragónEditar

En Aragón, o 75% d'os alumnos homosexuals, lesbianas, bisexuals u transexuals se sienten discriminatos en o instituto e han medrana a o refús, mientres un 18% d'os alumnos permenan u han permenata bella mena de violencia, como insultos, empentons u diciendas, seguntes l'informe d'acoso escolar per LGTBIfobia realizato per a asociación Somos LGTB+. [73]

Mes recientment, un choven zaragozán, Israel C.N. ha entimatas menazas homofobas dimpuesas de que o pais d'ell haigan recibito dos cartas de vicins dicindo-lis, entre atras perlas, que "en prenesen de midas" ta que a homosexualidat de lur fillo no en causase de problemas en a comunidat. Isto succedió dimpués d'estar pasato Israel per o Programa La vida que nos ha tocado de Aragón Televisión, a on charró de l'acoso que pateix quan sale ta la carrera; insultos, comentarios agros u agresions fisicas.[74]

Manimenos, Aragón aprebó lo 19 d'abril de 2018 a suya primera Lei rechional de protección e no discriminación d'homosexuals, bisexuals e transexuals, que fa un apueste per abanzar en a normalización social d'a diversidat sexual e, asinas, prevenir comportamientos de refús u discriminatorios, con pinyoras de dica 45 000 euros.[75]

Tamién existen en Zaragoza asociacions que luitan per os dreitos d'as presonas LGTBI u en fan d'actividats ta iste colectivo como Towanda, Magenta, Somos LGTB + Aragón, Stonewall Aragón u Elaios Club Deportivo LGTB.[76]

Declaración de Mont-reyal sobre los dreitos humans d'as presonas LGBTEditar

 
Martina Navrátilová e Mark Tewksbury leyen a Declaración de Mont-reyal durando a ubridura d'os Outgames o 29 de chulio de 2006 en l'Estadio Olimpico de Mont-reyal.

Os participants d'a Conferencia Internacional sobre los dreitos humans d'as presonas LGBT de Mont-reyal, que habió puesto en o contexto d'os primers World Outgames, redactoron e dimpuesas fizoron publicos, o 29 de chulio de 2006, a Declaración de Mont-reyal sobre los dreitos humans d'as presonas LGBT. Se difundión chunto con a Organización d'as Nacions Unitas (ONU) e gubiernos nacionals ta mobilizar luz emparo en o respective a os dreitos d'as presonas LGBT.

A Declaración de Mont-reyal[77] fa un balance d'os dreitos d'as presonas LGBT en o mundo en cheneral y en o mundo de l'esporte en particular. Entima o dople discurso d'a ONU, que no aplica pas prou a los homosexuals a Declaración Universal d'os Dreitos Humans. A-saber-los dreitos alazetals, comprendendo-bi o dreito a la vida, son chafutiatos e muitos países miembros d'a ONU, a on a homosexualidat se criminaliza.

A Declaración de Mont-reyal interpela igualment a os gubiernos d'o mundo e a bellas grans relichions. A os primers perque no guarencia pas a os homosexuals o dreito de acomodar-se entre ells e a las segundas perque no aplican pas lurs principios de tolerancia enta os homosexuals. Ista visión, sindembargo, ye qüestionable, car se demanda a la relichions ancestrals d'espernir as viedas absolutas. Ista intolerancia e os tabús arredol d'ista qüestión noce, seguntes a Declaración de Mont-reyal, a luita contra o sida.

Mes de 1 500 delegatos ha esnavesato lo globo ta participar en ista conferencia e i discutir en os diferents tallers e plenarias, a on a-saber-los expertos internacionals han presa a parola, como l'honorable Louise Arbour, alto comisario ta os dreitos de l'hombre d'a ONU e Martina Navrátilová, a chugadora de tenis de fama internacional.[78]

HistoriaEditar

En l'AntigüedatEditar

 
Aquiles envendando a Patroclo, con os chenitals amostratos, (ciliz con figuras royas d'a pintura de Sosias, circa 500 a. C., en l'Staatliche Museen, Berlín).

Qualques sociedatz precristianas en feban veyer alto u baixo de tolerancia u acceptación en o tocant a las practicas homoeroticas. Ta muitas d'ellas, istas practicas yeran, sin dembargo, a-saber-lo codificatas socialment e tot esbarre d'istas normas se veyeba mal, mesmo considerato como delictivo. Per exemplo, en bellas ciudatz de l'Antiga Grecia, a pederastia se practicaba en o contexto d'a educación d'os adolescents masculins, pero de traza cheneralment muito codificata. Asinas, en Atenas, l'erasta, companyero adulto, debeba estar activo en a relación sexual e l'eromeno, l'adolescent, pasivo; per contra, la relación se consideraba immoral. Per atra parti, a homosexualidat exclusiva yera bellacosa rara e no excluyeba pas absolutament as relacions con mullers ni a procreación.

Se revela igualment que a-saber-las sociedatz antigas, como Grecia e Chapón, animoron a creación de lazos homosexuals en bells cuerpos de l'exercito entre os combatients experimentatos e lur disciplo. Se pensaba allora que dos hombres inamoratos luitarban con mes determinación e con una moral mes gran. O Batallón Sagrato de Tebas constituye un exemplo clasico de fuerza militar alazetata en ista creyencia.[79]

Un d'os mes celebres exemplos antigos d'homosexualidat "guerrera" ye sin garra dandaleo Aquiles, heroi d'a Iliada d'Homero: a suya relación con o suyo primo y escudero Patroclo, ambigua en o texto homerico, fue considerata per os griegos (en particular per Esquilo e Platón) e dispuesas per os romans de l'Antigüedat como modelo d'aimor entre hombres,[80] como a carranya d'Aquiles con que Aquiles reprenió lo combate a la muerte d'o suyo tierno amigo. Bi ha que remarcar que se tractaba d'una relación entre hombres d'a mesma edat, bien diferent d'a pederastia ritual. Ista historia mitica sirvió mes tardi ta chustificar a relación entre Aleixandre lo Gran e o suyo aimant Hefestión.[81]

Homosexualidat en a Edat Meya en Europa: d'a indiferencia a o puritanismoEditar

 
A tierna relación entre Ricardo Corazón de Lión e Felipe II Augusto de Francia se considera per numerosos historiadors como que en releva d'homosexualidat.
 
Execución d'o caballero de Hohenberg e d'o suyo escudero debant as murallas de Zurich (1482).

Sobre o fondo d'os pueblos chermanicos —as leis de l'Alta Edat Meya no fan garra referencia a la homosexualidat—, a sociedat cristiana d'a Edat Meya en mantién de relacions ambiguas a la homosexualidat, quan o modo de vida (monastico u caballeresco) forniba un terrén a sobén muito propicio a las amistanzas carnals.[82]

Si a doxa reprén en teoría os actos homosexuals (principalment per os cleigos qui haigan pronunciato los votos de castidat) dende lo principio d'a Ilesia, en os feitos dita condemnación no hubo soque poqueta d'aplicación concreta.[83] Bellas personalidatz politicas como Carlos Magno, l'arcebispe de Canterbury u o papa León IX son conscients d'os costumbres lichers vichents en a-saber-los monesterios, pero refusan excluyir a os culpables d'a Ilesia[82] u aplicar penas en absencia de circumstancias empiyorants (violación, asasinato, pedofilia...). Numerosos altos dignatarios d'a Ilesia pudon menar grans carreras eclesiasticas sinse forniguilla e os soberans como Ricardo Corazón de Lión[84] no miroron pas de disimular lur inclinación.[85] Igualment, a literatura monastica conoixió numerosos movimientos literarios muitos impregnatos de referencias homoeroticas (principalment en Baudri de Bourgueil, Marbode de Rennes u Aelred de Rievaulx) sinse que as autoridatz eclesiasticas se'n alticamasen.[83]

En o sieglo XI, a noción de sodomía fue instituyita en o dreito canonico per Pierre Damien, pero se tracta d'un concepto complexo que engloba de traza cheneral totz os comportamientos sexuals que no miren pas de procrear (doncas tamién a masturbación u a felación: ye encara o sentito d'a parola anglesa sodomy). O sexo d'os beneficiarios, per atro costato, no se precisó pas e a linia de falla se situaba mes entre l'aimor carnal sensu lato e l'aimor intelectual que entre una sexualidat "natural" e unatra "contra natura" (nocions mes bien tardanas).[83]

Ye en o sieglo XIII quan un cambeo de politica prenió puesto en a Ilesia,[86], dimpuesas entre os soberans, en o marco d'a luita contra l'augmento d'as herechías: os dormitorios d'os monesterios adoptoron regles de vichilancia mes estrictos e as penas escomencipioron a aplicar-se a os culpables de sodomía, indo como castigo enta la chera, pero lo numero de condemnas efectivas continoron muito poquetas.[86] Enta 1260, o tractato anonimo Livres de jostice et de plet diciba asinas "Quan se sospeite a sodomía d'un hombre, ell debe ficar-se en garchola. As presonas d'Ilesia deben fer a Inquisición sobre ell e preguntar-li-ne d'a fe. E si se li condemna, o rei debe dar-li muerte. [...] Qui ye sodomita prebato debe tresbatir os collons e, si en fa una segunda vez, debe tresbatir o miembro; e si en fa la tercera vez, debe estar cremato. [...] Muller qui en fa debe cada vegada tresbatir un miembro e, a tercera vegada, debe estar cremata. E totz lurs biens son ta o rei."[87] A sodomía se diciba en francés a ormino a o cabo d'a Edat Meya con o nombre de bougrerie. Dito termín ye derivato de boulgre, que significa bulgaro, feito servir en ista epoca ta designar a os bogomils (Bulgaria yera un centro important d'ista herechía),[88] y existe doncas una ambigüedat en os textos entre a condemnación d'a herechía e a d'a sodomía. Que a moral bogomila siga en realidat ascetica no dentra pas en consideración ta esplanicar l'emplego d'o termín: totz os cataros no l'aplicaban pas e només que os perfectos no yeran en teoría pas depravatos.

En paralelo, l'aimor carnal en o sino d'a parella heterosexual escomencipia a valurar-se en a mesma epoca como una metafora d'a relación que une a Chesús e a suya Ilesia (que son as empecipiaduras d'a sacralización d'o matrimonio) en una mistica carnalista muito innovadera en relación con os periodos precedents.[83]

Ista politica represiva creixió en os sieglos XIV e XV[86] e l'acusación de sodomía devino un arma politica eficaz ta debilitar-ne de personalidatz publicas.[83] A tortura, de cabo ta quan, s'inflicheba a os culpables d'actos homosexuals u de sodomía (que se diciba allora "delicto d'a puncha d'a esquena" u simplament "delicto d'a puncha").

Epoca clasicistaEditar

A o cabo d'a Edat Meya, una suavización d'a represión se produció progresivament.[89] Numerosos presonaches historicos, artistas, militars, relichiosos, monarcas, prencipe e duques en Francia y en o estranchero encaran fuoron acusatos d'estar homosexuals, erroniament u encertata, pero iste unico motivo no daba quasi mai puesto a condemnacions,[90] sobre tot perque istos individuos yeran mayoritariament acomodatos con mullers que en produceban de descendencia. Iste fue per exemplo en Francia o caso d'o rei Henrique III, sobratament sospeitoso (e ubiertament acusato per os protestants puritans) de conceder-ne a os suyos numerosos mignons de favors no unicament politicos.[89]

Maguer que en o sieglo XVI l'acusación de sodomía podeba encara puntualment constituyir un motivo de presión politica (qui obligó a l'erudista humanista Marc Antoine Muret a exiliar-se-ne), a empecipiadura d'o sieglo XVII e l'admiración per os herois antigos con aimors masculins celebratos en a literatura clasica, ubre a vía a un clima de tolerancia u d'admiración en o tocant a las relacions sentimentals entre hombres.[91] A-saber-los grans artistas como Jean-Baptiste Lully u Savinien de Cyrano de Bergerac n'expresoron asinas d'aimors virils sinse forniguilla.[92]

 
Monsieur (aquí con vestito), con o suyo chirmán Loís XIV.

L'exemplo mes celebre fue sinse dandaleo Felipe I de Orléans (1640-1701),[90] "Monsieur, chirmán d'o Rei" (Loís XIV) e marito de "Madame" (Henrieta d'Anglaterra, dimpuesas Isabel Carlota de Bavera), de qui hubo respectivament quatre e tres fillos.[93] Iste en efecto yera estato educato d'una traza feminina de buen implaz per a suya mai e o Cardenal Mazarín, experimentato per a Fronda, sinse dandaleo con l'obchectivo d'evitar tota veleidat a o tron per a suya parti.[91] Fue asinas vestito de filla durando a mayor parti d'a suya infancia (y encara a sobén en a edat adulta) e invitato a mantener-ne de relacions sentimentals con atros mesaches chovens,[94] e alzó ista inclinación tota la vida d'ell, a la vista de tota la cort.[91]

O Duque de Saint-Simon lo describe asinas en a suyas Mémoires:

"Yera un chicot hombre panchudo, puyato en chanclas tant que os zapatos d'ell yeran altos, perén engalanato como una muller, plen d'aniellos, de monyiqueras e de pedrerías per totz os cabos, con una luenga peluca tota ixamplata entadebant, negra y empolvata e cintas per totz os cabos a on en podeba meter, plen de mena de perfumes y en totas cosas a limpieza mesma..."[93]

Un d'os suyos principals mignons fue o futuro abat François-Timoléon de Choisy,[91] qui dixó a consonant as Mémoires de l'abbé de Choisy habillé en femme,[94] a on describe asinas a suya relación con Monsieur:

Nos vestibanos de mesacha totas as vegadas que o chicot Monsieur veniba a casa y ell i veniba a o menos dos u tres vegadas a la semana. Yo heba as orellas foradatas, de diamants, de pecas falsas e totas as atras afeccions que un se i fa muito facilment e que un se'n desfá muito dificilment. Monsieur, qui aimaba tot ixo, me daba siempre cient esprisions. Dende que ell plegaba, acompanyato per as sobrinas d'o cardenal Mazarín e qualques fillas d'a Reina, l'ateclabanos, li febanos a tufa [...]. Li sacabanos o chipón ta meter-li-ne de gabetos de muller e de sayas... [...] Ell se'n meteba de nueit de pendients e de pecas e s'alufraba en os mirallos, afalagato per os suyos aimants.[94]

Monsieur en freqüentó a-saber-los d'atros favoritos como lo marqués de Châtillon, o Conte de Guiche e sobre tot o caballero Philippe de Lorraine, en a cort d'o Rei-Sol aon no mancaban pas grans presonaches "a o gusto italián" (o prencipe de Condé; os duques de Vendôme, de Villars e de Gramont; o prencipe Euchenio de Savoya; os mariscals de Turenne e d'Huxelles, o cardenal de Bouillon.[91] Ye probable que Loís XIV heba ell mesmo favoreixita ista situación en o suyo chirmán e bells atros seigneurs per razons estratechicas,[91] como antes d'ell Chulio Mazarín e Richelieu.[90]

A homosexualidat no sembla asinas pas un tema tabú en o sieglo XVII e o numero de presonaches no semblan pas amagar-se-ne, ya sigan d'o pueblo ya d'a Cort: as pena preveyitas ta o crimen de sodomía no s'aplican en realidat treito quan s'agravan per violación, prostitución u reniego[90] e a Ilesia contaba con masiatos influyents prelatos devotando-se ta gosar a condemnar-los.[91] As referencias a "o gusto italián" rebuten asinas regularment os escritos de memorialistas e sobre tot as cartas de numerosos epistolografos. Ye particularment enarcant o caso d'Isabel Carlota de Bavera, qui declara a la suya prima en o tocant a l'"aimor d'os hombres" d'o marito d'ella:

Totz os herois yeran asinas: Hercules, Teseu, Aleixandre, Cesar, totz yeran asinas e heban lurs favoritos... [...] Qui, creyendo en as Santas Escrituras, no son pas menos tacatos d'iste vicio, se feguran que iste no yera un pecato treito quan o mundo no yera pas poblato. Ells se'n amagan mientres pueden ta no ofender a o vulgo, pero entre chent de buena condición en charramos ubiertament. Estiman que ye una chentileza e no cal dicir que dimpuesas de Sodoma e Gomorra o nuestro Sinyor Dios no ha castigato mes a dengún per iste motivo..."[91]

A IlustraciónEditar

En o Sieglo d'a Ilustración, Montesquieu e dimpuesas Voltaire e Cesare Beccaria se son interrogatos sobre a severidat d'a pena, pero no parixen pas haber-li refusato bell caracter anormal a la homosexualidat.[95] Voltaire, habitualment apostol d'a tolerancia, se bi oposó furament e qualificó a la homosexualidat d'"atentato infame contra la naturaleza", d'"abominación fastiosa" e de "baixeza".[96] En Anglaterra, Jeremy Bentham en o suyo Ensayo sobre a pederastia, que aparixerá a titol postumo, sigue una argumentación utilitarista y esfiende una despenalización d'a pederastia, como Beccaria.[95]

En 1750, l'afer Diot-Lenoir vido a zaguera pena capital executata contra homosexuals en Francia: Bruno Lenoir, presos en flagant delicto de sodomía fuoron estrangullatos e crematos publicament en a plaza de Grève, en París.[97] Iste afer fizo sindembargo un figura d'excepción; car, en o tocant a istos feitos, a mayoría d'os enantos per sodomía en a epoca s'apocaba con una simpla ixauguada e os enantos que desembocaban en condemnación yera extrematament rarizos e cheneralment lo feba per circumstancias agravants (como en l'afer Deschauffours en 1725).[97]

A pena de muerte por sodomía se remplazó per treballos forzatos en Pensilvania en 1786 y en Austria en 1787.

En 1791, Francia ye o primer país que despenalizó completament a homosexualidat, en no mantener pas Asambleya nacional lechislativa o "crimen de sodomía" en o Codigo Penal:[97]

"O Codigo Penal de 1791, en efecto, s'esvurcia de l'Antigo Rechimen e d'os "crimens imachinarios" entimatos per o ponent Louis-Michel Lepeletier de Saint-Fargeau. Se porga doncas de crimens chuzgatos per as pasatas oficialidatz como lo sacrilechio, o reniego, a sodomía, a bestialidat, o suicidio e l'incesto". -Anne-Marie Sohn, Compte-rendu de Fabienne Giuliani, Les liaisons interdites. Histoire de l’inceste au XIXe siècle[98]

O ponent d'a lei, Louis-Michel Lepeletier de Saint-Fargeau, afirmó en efecto que o Codigo Penal no ha meso difuera d'a lei soque os "verdaders crimens" e no pas os "delictos falsos, creatos per a superstición, o feudalismo, a fiscalidat e o despotismo".[99] L'absencia de mención d'a sodomía, considerata dica allora como un crimen, u de tot atro termin que designe as relacions homosexuals funda asinas a despenalización d'a homosexualidat en Francia.

Sieglo XIXEditar

 
Lord Alfred Douglas, «Bosie» d'embotada, e Oscar Wilde.

Ista despenalización en o Codigo Penal de 1791 influyó directament u indirectament (per o suyo sucesor, o Codigo Penal de 1810) a numerosos países vicins, notablement a os Países Baixos, Belchica, Espanya e Italia, e numerosos estatos alemans antes d'a unificación de 1871. A Bavera independent, dende 1813 chus a influencia d'o Codigo Penal francés, heba adoptato lo modelo churidico francés de no criminalización d'a homosexualidat en l'ambito privato.[100] O Gran Ducato de Baden e Wurtemberg lo fizon aprés 1815, o Reino de Hannover e o Ducato de Brunswick aprés 1820, entre que os países alemans d'o Norte yeran represivos (o Prusia, o Reino de Saxonia e as ciudatz estatos d'Hamburgo e Bremen) e criminalizoron os actos homosexuals entre hombres, mesmo per actos en l'ambito privato. L'estatuto de l'Imperio Austriaco yera unico en Europa central, car penalizaba os actos homosexuals en l'ambito privato, no solo entre hombres, sino también entre mullers.

A decada de 1860 ye marcata per as numerosas trobatas de churistas alemans qui paran o proceso d'unificación alemana harmonizando os regles d'o dreito d'os diferents estatos en o sino d'un nuevo codigo penal unico.[100] Churistas (qui fan ells mesmos clamatas a os medicos), como Karl Heinrich Ulrichs, u escritors, como l'hongaro Karl-Maria Kertbeny (qui inventó en ista enchaquia as parolas alemanas homosexuell e Homosexualität), prebaban d'oposar-se a l'extensión d'os regles represivos de Prusia contra os homosexuals masculins.[100] Pero, durando a unificación alemana, en 1871, o gubierno d'o canciller Otto von Bismarck trigó de tornar a prener una viella lei prusiana que databa de 1794.[101], que condemnaba os "actos sexuals contra natura" (widernatürliche Unzucht), ye dicir, en a churisprudencia, o coito anal practicato entre dos hombres e imposó a suya extensión a tot Imperio chus a forma de paragrafo 175 d'o nuevo Codigo Penal alemán.

En Anglaterra, a pena de muerte per ista razón no s'aplicó mes a partir de 1836. Manimenos, en 1861, una lei condemna la sodomia d'una pena de diez anyadas de garchola, commutata en 1885 a dos anyadas de treballos aforzatos: o celebre escritor Oscar Wilde bi fue condemnato en 1895.[102]

Durando lo sieglo XIX, os temas homosexuals van a floreixer progresivament en a literatura romantica e sobre tot postromantica, estando lo presonache homosexual mes celebre Vautrin sinse dandaleo, presonache clau de numerosas novelas d'o ciclo de La Comédie humaine de Balzac. En a segunda metat d'o sieglo, cada vegada mes escritors (sigan dandis u no) no amagoron lurs preferencias sexuals, como Oscar Wilde u Paul Verlaine, conoixito per o suyo romanz negro con o choven Arthur Rimbaud, qui será citato como circumstancia agravant durando lo proceso en Belchica en 1873 per tentativa d'asasinato contra lo suyo choven aimant.

As relacions entre hombres en o sieglo XIX se relacionan con un imachinario exotico, notablement oriental. Ye asinas que Gustave Flaubert en fa mención en Salammbô: "Yera formato per estranios aimors -unions obscenas tan serias como los matrimonios, a on o mes cerenyo esfendeba a lo mes choven... e o mesache devenito mercenario bosaba ista dedicación a traviés de mil cudiatos delicatos e de complacencias d'esposa..." Flaubert aproveitó igualment d'a suya estacha en Orient Meyo entre 1849 e 1850 ta experimentar istos placers exoticos, como ell li recenta en a suya correspondencia con l'amigo d'ell Louis Bouilhet:

Aquí ye bien levato. S'admite a suya sodomía, se'n charra en a mesa de l'anfitrión. Ye en os banyos a on se practica. Se mantién o banyo ta ell mesmo (5 F. incluyitos os esfregadors e a pipa) e fica lo suyo mesache en una d'as cambras. Totz os mesaches d'os banyos son bardaches, son ordinariament mesaches prou chentils...[...] Tu me preguntas si he prebato o que se fa en os banyos. Sí, con un choven cerenyo marcato per a picueta qui heba un enorme turbant que me ha feito arreguir-me. Yo lo tornarba a fer."[103]

Si as relacions homosexuals masculinas son estatas favoritas perén per os ambients espullatos de mullers (como as garcholas), as colonias pioneras en constituoron a sobén un terrén particularment fertil. Per exemplo, en 1879, un articlo d'o periodico Le Temps indica que a homosexualidat allora yera a-saber-lo esparrita en Nueva Caledonia.[104]

"Con un poquet de treballo e de actitut, os deportatos de buena voluntat s'hesen puesto procurar en Nueva Caledonia bel bienestar, bi devenir per lur parti propietarios de tierras e de mullers. Pero haberban puesto crear-bi una familia? Nusatros no gosamos afirmar-lo, car as mullers i mancan. O que se sape bien en o Ministerio d'a Marina; o desembolique de Nueva Caledonia, a moral sobre tot, muito mes que nos ye posible de indicar-bi, exichen que se menen en masa sobre Numea tot o personal feminín d'as nuestras garcholas. L'ixufre e lo fuego que estricalloron Sodoma e Gomorra tasament adubirban ta purificar a Nueva Caledonia d'as suyas macaduras. Os hombres chustos, qui, enantamos a dicir, se troban en Numea en un numero mes gran que en as dos ciudatz maldatas, no nos desdirán pas".

Ye o cabo d'o sieglo XIX que veyió l'aparición d'o termin "homosexual" (surtito de l'alemán), como a problematización d'a idea de "sexualidat". Encara que os discursos s'aplican dica allora només que a las practicas (notablement a la sodomía), una nueva mena de discurso va a fer naixer a imachen de l'"homosexual", a on o concepto d'orientación sexual (fruito d'o vivito per o individuo u d'a suya chenetica seguntes os autors) pren una dimensión existencial e psicolochica, dica sobredeterminar tota la personalidat de l'individuo e ye cheneralment considerata como exclusiva (estando a bisexualidat poco considerata). Iste analís ye desembolicato notablement per Michel Foucault en a suya Histoire de la sexualité (1976-84):

"L'homosexual d'o sieglo XIX ye devenito un presonache: un pasato, una historia e una infancia, un caracter, una traza de vida; una morfolochía tamién, con una anatomía indiscreta e talment una fisiolochía misteriosa. Cosa d'o que ye en total no se'n eslampa a la suya sexualidat. Per totas partis en ell, ella ye present [...] Ella li ye consubstancial, menos como un pecato d'habito que como una naturaleza singular. No cal ixuplidar que a categoría psicolochica, psiquiatrica, medica d'a homosexualidat se ye constituita dende o día quan se ye caracterizata [...] menos per una mena de relacions sexuals que per bella qualidat d'a sensibilidat sexual, bella traza d'intervenir en ell mesmo lo masculín e lo feminín. A homosexualidat ye apareixita como una d'as figuras d'a sexualidat entre que ella ye rebaixata d'a practica d'a sodomía sobre una mena d'androchinia interior, un hermafroditismo de l'alma. O sodomita ye un relapso, l'homosexual ye ya una especie."[105]

Sieglo XXEditar

A primera parti d'o sieg XX sigue a tendencia d'o precedent enta una acceptación socila cada vegada mes gran d'a homosexualidat, que se troba progresivament teorizato en iste periodo. Ista delera remane manimenos considerato como un trastorno mental, atribuito siga a una malautía nerviosa (per a psiquiatría) siga a la historia individual, per o psicoanalís naixent chus a pluma de Sigmund Freud.

Louis-Ferdinand Céline declaró sobre o tema d'a homosexualidat en 1960 "Se sape que bi ha un 20% de pederastas en una población. Bi ha vente per cient de machistratos qui son pederastas, vente per cient de policías, vente per cient de botiguers qui son pederastas posibles... Diremos "posibles"... Allora, antis de Proust, pederasta, yera ya distinguir-se de traza rariza, no ye pas... No yera pas bien visto... Pero allora Proust, per o suyo estilo, o suyo chenio literario dezaga, ha feito as cosas posibles ta que as mais haigan puesto estraficar a pederastia en lur familia, en suma, no ya pas... Se diz: "yo soi pederasta, como Proust, yo... Como Monsieur Gide..." Han feito a-saber-lo per a pederastia restituyindo-la... en oficializando-la, en suma."[106]

Sindembargo, en o periodo d'entreguerras, a homosexualidat ye vista como una amalvezadura en a burguesía conservadera y, encara que no se castigue per a lei, ha puesto constituyir un obstaclo important ta las carreras profesionals en qualques ambitos: ye per exemplo como esplanicamos o ninvío d'os mariscal Hubert Lyautey a Marruecos.[107]

Alemanya NaziEditar

 
Grafico de condemna per homosexualidat en Alemanya seguntes l'articlo 175. Cal parar cuenta d'a tuca entre 1933 e 1945.
 
O trianglo rosa, sinyal d'os prisioners homosexuals en os campos de concentración.

En un libel ideolochico, a ideolochía nazi dende o principio mantuvo relacions ambiguas con a homosexualidat. En os primers intes d'o Partito Nacionalsocialista d'os Treballadors Alemans (NSDAP), o culto a la virilidat, a la polideza plastica de l'hombre nuevo heba un toque de machismo e d'homoerostismo,[108] o que a vegadas ha feito dicir a qualques analistas como Scott Lively (autor d'o libro controvertito The Pink Swastika) que lo NSDAP en primeras estarba estato ni mes ni menos que una "organización homosexual". Ista tesi maguer se ye qüestionata per os historiadors especializatos e o libro se ye qualificato de "frau".[109] As SA, a exemplo de lur dirichent Ernst Röhm, ubiertament homosexual, como a-saber-los dirichents carismaticos como Hans Blüher, yeran asanz favorables a una homosexualidat a l'antiga, vista como una critica pagana d'a moral burguesa.[110] Sindembargo, chus a empenta d'oficials aristocratas e reaccionarios qui iban a constituyir as SS, as SA u Seccions d'Enrestida fuoron acotolatas con a Nueit d'os cutiellos largos (que Röhm bi fue asasinato) e, a l'anyada siguient, en 1935, o rechimen encaró a lechislación contra os homosexuals (modificación d'o § 175 d'o Codigo penal alemán) e a homosexualidat ye ridiculizata per numerosas grans figuras nazis como Heinrich Himmler. Manimenos cal remerar que, en ixa epoca, a condemnación penal d'a homosexualidat, asinas como a suya clasificación entre as malautías mentals, se consideraban como bellacosa evident en numerosos países. A penalización d'a homosexualidat, en ella mesma, no yera pas doncas especifica ta l'Alemanya Nazi. A lo costato italián, sembla que o fascismo mussolinián yera estato globalment mes hostil a la homosexualidat dende o principio, a penar d'a presencia tamién allí d'una exaltación d'o cuerpo de l'hombre choven sobre un ideal parcialment surtito de l'Antigüedat.[111]

En tiempo d'o Reich, un gran numero d'homosexuals (entre 5 000 et 10 000)[112] fuoron deportatos enta campos de concentración, que alredor d'o 53% en fuoron asasinatos. Os prisioners masculins deportatos per homosexualidat yeran sinyalatos con un trianglo rosa, d'una grandaria superior a os atros trianglos clasificatorios, o que heba a sobén per efecto, antimás d'as condicions de vida muito duras en os campos, de librar-los a la hostilidat d'atros deportatos. Ye per isto que o trianglo rosa ye huei emplegato como un simbolo d'identidat gai, remero d'a crueleza d'as persecucions pasatas.[113]

Encara que o Paragrafo 175 d'o codigo penal alemán no lis pertocaba, bellas mullers homosexuals fuoron igualment engalzatas. Sinse motivo oficial, istos casos remanioron mal conoixitos e os exemplos rechistratos son a-saber-los raros: no se conoixe pas denguna ta qui o lesbianismo estase explicitament invocato como unico motivo de deportación. Os casos de deportación fuoron mes bien motivatos per una clasificación en qualidat que "asocials" que en qualidat que deliqüents sexuals definitas. A clasificación en os campos de concentración no comportaba de feito pas garra trianglo de color especifica ta estigmatizar només que a las lesbianas: en efecto, yeran sinyalatas per un trianglo negro, sinyal de lur pertenencia ta un grupo de presonas "socialment inadaptatas". Entre as presonas, se trobaban esqueferatos de larga duración, dondiadors, marguinals, alcoholicos, toxicomanos e bells malaudos mentals, pero tamién prostitutas u encara mullers que feban servir-ne d'anticonceptivos.

Garra prochecto especifico d'acotoladura contimparable a la Solución Final no se ye elaborato ta fer disparixer a os homosexuals como se fizo con os chodigos, chitans e atras etnias consideratas como inferiors. Manimenos, qualques oradors nazis la prendeban contra ells, en termins muito poco equivocos en o tocant a la necesidat de lur acotoladura, o que no podeba estar pas sinse efecto sobre lur tractamiento que se lis reservó en os campos de concentración, con o solo motivo de que yeran homosexuals. Fuoron asinas victimas de tractamientos chuzgatos particularment cruels.[114]

 
Molimento situato en Amsterdam en homenache ta las presonas LGBT itatas de tierra.

Pasoron a-saber-las decadas aprés a fin d'a Segunda Guerra Mundial antis de que as accions d'o rechimen hitlerián sobre os homosexuals estasen obchecto de qualque intrés e només que bellas commemoracions oficials han habito puesto dende allora, entre que l'Homomonument en Amsterdam e un prochecto de molimento en Berlín.

Garra estudio historico de fundo no ye estato publicato dica huei sobre o numero d'homosexuals tant itatos de tierra como asasinatos entre 1933 e 1945. Os treballos sobre l'alazet d'as condemnacions "legals" en suchieren bellas 10 000 victimas:

"Menos de diez pervivients homosexuals qui n'haigan dato preba se conoixen dica huei. Franck Rector dio una panoramica cheneral d'estatisticas. Estimando de 10 000 a un millón de victimas, trigó manimenos o numero de 500 000. Ta ell, si as estimacions de Himmler sobre o numero total d'homosexuals masculins en Alemanya yera de dos millons, procede a un calculo seguntes una simpla estatistica. O 25% d'os homosexuals d'Alemanya, Holanda e Francia ye doncas, seguntes ell, una estatistica valida. Heinz Heger, a meyatos d'as anyadas 70 d'o pasato sieglo, estimaba o numero de victimas en 50 000. Os suyos datos s'alazetan en una estimación d'as condemnacions legals. No se para doncas cuenta d'as victimas sinse proceso. Unatra estimación vien d'a Ilesia d'a Confesión d'Augsburgo d'Austria. Ista estimación ye de 220 000. Sindembargo, os metodos de calculo d'ista estimación se son a-saber-lo criticatos per atros historiadors. Richard Plant, seguntes ell mesmo, estima que, dende 1933 a 1944, «entre 50 000 a 63 000, que 4 000 en yeran menors e 6 lesbianas,»(!) morioron per os maltractos d'os campos nazis. A la fin, as obras chenerals sobre os engalzamientos nazis —mientres discuten d'o tractamiento d'os homosexuals— estiman en lur mayoría o numero de victimas homosexuals en 10 000. Iste numero s'alazeta en una replega d'as condemnacions oficials d'o rechimen nazi chus o paragrafo 175."[115]

En Francia, a situación fuo dispar. En os territorios annexos (Alsacia e Mosela) integratos en o Reich e doncas chusmesos a l'articlo 175 d'o Codigo Penal alemán, os homosexuals fuoron itos d'a tierra enta Alemanya. Pero tamién, en a zona ocupata,[116] como en la Francia de Vichy, os homosexuals fuoron alticamatos, pero homosexuals celebres, como Jean Cocteau, pudon continar con lurs vidas mundanas en París; de feito, iste zaguero publicó a suya relación con Jean Marais, o que fizo blincar l'incident con o periodista Alain Laubreaux. O cabaret de Suzy Solidor, que a suya homosexualidat yera de notoriedat publica, yera freqüentato per soldatos alemans. Qualcuns colabororon con l'ocupant, como Abel Bonnard, Ministro d'Educación Nacional d'o gubierno de Pierre Laval, a qui li encasquetoron a embotada de "Gestapette"; Jacques Benoist-Méchin, tamién miembro d'o gubierno de Vichy; Roger Peyrefitte; u Bernard Faÿ. Marcel Bucard, dirichent d'un partito ultracolaboracionista, se sospeita d'estar-lo estato.[117] Manimenos, en 1942, o rechimen de Vichy introdució[118] en o Codigo Penal una discriminación, crebando a tradición francesa d'igualdat entre homosexuals y heterosexuals: o paragrafo 1 de l'articlo 334 d'o Codigo Penal se modificó ta fer delicto l'acto d´haber-ne de relacions homosexuals con un menor (menos de 21 anyos), en cuenta d'os 13 anyos ta los heterosexuals. As ordenanzas[119][120] d'o gubierno provisional d'a Republica Francesa en 1945, en puyar a edat de consentimiento a os 15 anyos només que en as relacions heterosexuals, confirman ista disposición, en esplazar solo en un nuevo paragrafo 3 de l'articlo 331[121] e remanioron dica 1982, quan a lei Raymond Forni d'o 4 d'agosto de 1982.[122], presentata per Gisèle Halimi e repuntata per Robert Badinter, circumdució ista discriminación.

Os engalzamientos nazis en o tocant a os homosexuals se desembolicoron en un contexto d'encaramiento cheneral de rechimens totalitarios e autoritarios sobre os "esbarres morals". Asinas, en 1934, Josef Stalin fizo adoptar-ne de disposicions penals que preveyeban l'engarcholamiento e a itada de tierra d'os homosexuals. Seguntes datos incompletos, de l'orden de 300 000 a 400 000 presonas fuoron condemnatas per istas disposicions (que no estarban circumducitas només que a la fin d'os anyos 80 d'o sieglo pasato).

Evolución d'as mentalidatz dende 1945Editar

Visión d'o psicoanalís e d'a psiquiatríaEditar

A concepción psicoanalitica irba en contra d'as teorías psiquiatricas d'a epoca. Seguntes o psicoanalista Sigmund Freud, que a suyas teorías datan entre os anyos de 1900 e 1930, a homosexualidat ye una "variación d'a función sexual": ye una malbadura (en o sentito psicolochico d'o termín e no moral) d'o modelo de maduración psiquica que ye o complexo d'Edipo.[123] Ta ell, sindembargo, no cal haber-ne de vergüenya e un homosexual goyoso no n'amenista pas de "tractamiento", només que un homosexual "infeliz" en puet amenistar d'o psicoanalís, ta analisar a permenadura que pueda sentir en cheneral, d'a mesma traza que se ferba con un heterosexual.[124] En una carta de 1919 escrita ta la mai d'una choven pacient, Freud esplanica: "a homosexualidat no ye pas ventacha pero tampoc no ye bella cosa que se'n deba haber vergüenya, no ye pas una amalvezadura ni una degradación e tampoc no se puet clasificar-la entre as malautías". En 1920, Freud escribió antimás un articlo, Sobre a psicochenesi d'un caso d'homosexualidat feminina: d'alcuerdo con Ines Rieder, iste analís de Sidonie Csillag estarba l'unico caso estudiato per Freud sobre o tema d'a homosexualidat feminina.[125] Seguntes Jean Allouch, Jacques Lacan s'inspirarba en iste analís de Sidonie Csillag per Freud en o respeutive a o paso a l'acto.[126]

En 1973, per razons politicas e dezaga d'importants premiduras de roldes homofilos,[127][128] l'Asociación Estatounitense de Psiquiatría (en anglés American Psychiatric Association u APA) proposó de substituyir o diagnostico d'homosexualidat per o d'"estremolecida d'a orientación sexual" en o manual de clasificación de malautías mentals, Manual Diagnostico y Estatistico de Transtornos Mentals (en anglés Diagnostic and Statistical Manual of Mental Disorders u DSM). En a presa de posición inicial[129] d'o suyo Consello d'Administración, l'Asociación precisa:

Considerando que a homosexualidat per se no embreca garra discapacidat en chudicio, estabilidat, confitanza u capacidatz socials u vocacionals chenerals, doncas se resuelve que l'Asociación Estatounitense de Psiquiatría esperneix tota discriminación publica e privata contra os homosexuals en arias como l'emplego, a vivienda, l'aloix publico e autorizacions; e declara que garra mayor plepa de preba no se posa sobre os homosexuals que a imposata sobre qualsiquier atra presona. —Asociación Estatounitense de Psiquiatría, Position Statement on Homosexuality and Civil Right, p. 497

S'hubo un referendum sobre ista qüestión con psiquiatras miembros que levó dica o 58%. O mesmo cambio acayeció muito mes tardi en a Clasificación Internacional de Malautías, a clasificación d'a Organización Mundial d'a Salut, a on a homosexualidat no se retiró pas que en a suya versión CIM-10, adoptata o 17 de mayo de 1990.[130] China fizo lo mesmo o 20 d'abril de 2001.[131]

A situación ye huei menos polemica que en a epoca. Garra organización psiquiatrica u psicolochica important d'Occident no considera pas la homosexualidat como una malautía ni como subchecta a intervención como tal. A o contrario, tota prebatina de cambio d'orientación sexual ye huei a sobén entimata cerenyament como perigloso, innecesario u ineficaz.[132][133][134] Seguntes Jacques Balthazart, qui s'empara principalment en Biologie de l'homosexualité sobre os estudios que levan sobre a homosexualidat animal e masculina, ista u bien ye innata, u bien apareix muito luego en a vida e ye immutable (encara que a repleca d'a suya orientación sexual pueda evolucionar a lo largo d'a vida), pero dengún factor biolochico no abonda pas encara per ell mesmo ta dar una esplanicadura e o debat entre factors psicosocials obtenitos e factors biolochicos innatos no ye pas estraliato.[135][136]Olivier Lemeire e Andreas De Block, «Philosophy and the Biology of Male Homosexuality» (en anglés), Philosophy Compass, Wiley, vol. 10, nº 7,‎ juillet 2015, p. 479-488 (ISSN 1747-9991, DOI 10.1111/phc3.12233).

Punto de vista d'a Ilesia Catolica RomanaEditar

Con l'aggiornamento deseyato per o papa Chuan XXIII, a Ilesia Latina reformuló o suyo machisterio a la luz d'a constitución Lumen Gentium.

O primer documento d'a Congregación ta la Doctrina d'a Fe (en latín Congregatio pro Doctrina Fidei) datato en 1975[137] traza una muga platera entre o que se diz "tendencias homosexuals" e "practicas homosexuals activas". As tendencias se reconoixen como un elemento intrinseco d'a presona e independient d'a suya voluntat. Seguntes isto no pueden estar condemnatos. En a mesura que o ministerio presbiteral u episcopal clama ta una abstención sexual absoluta, no bi'n ha pas de privación ta ordenar a una presona homosexual.

Un segundo documento de 1986 ye publicato per a Congregación ta la Doctrina d'a Fe chus traza de carta ta os bispes catolicos e firmato per o suyo prefecto, allora o cardenal Ratzinger, con mención d'aprebación explicita d'o papa Chuan-Pavlo II.[138]

Iste texto ye platerament un retacule en relación a lo de 1975, puesque diz: "a delera particular d'a presona homosexual constituye una tendencia, alto u baixo, cerenya, enta un comportamiento intrinsecament malo dende o punto de vista moral". S'admite doncas que a tendencia homosexual ye independient d'a tama d'a presona. A fin d'o documento en da d'instruccions asanz precisas en o tocant a lo niego de dentrada en locals que pertocan a la Ilesia ta os roldes de requesta de dreitos ta los homosexuals.

SidaEditar

A lo cabo d'os anyos 70 d'o sieglo pasato, medicos de Nueva York e de San Francisco paran cuenta de que lurs pacients homosexuals en permenan d'astenia, de perduga de peso e a vegadas mesmo de trazas raras e atipicas de mal d'alcance (como lo sarcoma de Kaposi). A existencia d'un problema sanitario se comprebó en chulio de 1981 entre que os Centros ta lo Control e a Prevención de Malautías (en anglés Centers for Disease Control and Prevention u CDC) d'Atlanta troban una freqüencia anormalment alta de sarcomas de Kaposi e l'aparición d'un nuevo virus como causa d'o que se conoixerá como sindrome d'immunodeficiencia adquiesta u sida s'ementa dende 1982.

Una vez identificato lo virus d'immunodeficiencia humana (VIH) responsable d'o sida en 1983 e as manieras d'acomananza escubillatas, s'organizoron campanyas de sensibilización e d'información. Pero en primeras de l'astro, o sida remanió asociato en os esmos a la homosexualidat debito a o gran numero de presonas afectatas en l'ambient libertín gai. A-saber-las celebridatz gai s'enconoron en os anyos 80 d'o sieglo pasato e se'n amortoron rapedament, como Patrick Cowley (1982), Klaus Nomi (1983), Michel Foucault (1984), Rock Hudson (1985), Keith Haring (1990) u encara Freddie Mercury (1991). Ye asinas que a prensa escomencipió a designar o sindrome con a esprisión "cancer gai",

NotasEditar

  1. 1,0 1,1 "Sexual orientation, homosexuality and bisexuality" (en anglés). American Psychological Association. Archivato de l'orichinal o 8 d'agosto de 2013. Consultato lo 10 d'agosto de 2013.
  2. 2,0 2,1 "Caso No. S147999 d'o Tribunal Supremo d'o Estato de California In re procedimientos de coordinación d'o Consello Chudicial casos de matrimonio No. 4365(...) – APA California Amicus Brief — As Filed" (PDF) (en anglés). p. 30. Consultato lo 21 d'aviento de 2010.
  3. 3,0 3,1 Frankowski BL; American Academy of Pediatrics Committee on Adolescence (chunio de 2004). "Sexual orientation and adolescents". Pediatrics. 113 (6): 1827–32. doi:10.1542/peds.113.6.1827. PMID 15173519.
  4. Mary Ann Lamanna; Agnes Riedmann; Susan D Stewart (2014). Marriages, Families, and Relationships: Making Choices in a Diverse Society (en anglés). Cengage Learning. p. 82. ISBN 1305176898. Consultato l'11 de febrero de 2016. "A razón per a qual bells individuos desembolican una identidat sexual gai no se ye definitivament establita- ni encara replecamos o desembolique d'a heterosexualidat. The American Psychological Association (APA) prene a posición de que una variedat de factors impacta en a sexualidat d'una persona. A literatura més recient de l'APA diz que la orientación sexual no ye una elección que se pueda cambiar de buen implaz e que la orientación sexual ye muito probablement o resultato d'una complexa interacción de factors medioambientals, cognitivos e biolochicos (...) ye formata en una edat temprana (...) [e as prebas suchieren que] factors biolochicos, mesmo cheneticos u hormonals innatos chuga un paper significativo en a sexualidat d'una persona(American Psychological Association 2010).
  5. Gloria Kersey-Matusiak (2012). Delivering Culturally Competent Nursing Care (en anglés). Springer Publishing Company. p. 169. ISBN 0826193811. Consultato lo 10 de febrero de 2016. "A mayoría d'organizacions sanitarias e de salut mental no veyen a orientación sexual como una 'elección'"
  6. 6,0 6,1 "Submission to the Church of England's Listening Exercise on Human Sexuality" (en anglés). The Royal College of Psychiatrists. Consultato lo 13 de chunio de 2013.
  7. Långström, N.; Rahman, Q.; Carlström, E.; Lichtenstein, P. (2008). "Genetic and Environmental Effects on Same-sex Sexual Behavior: A Population Study of Twins in Sweden". Archives of Sexual Behavior (en anglés). 39 (1): 75–80. doi:10.1007/s10508-008-9386-1. PMID 18536986.
  8. Robinson, B. A. (2010). "Divergent beliefs about the nature of homosexuality". Religious Tolerance.org. Consultato lo 12 de setiembre de 2011.
  9. ""Therapies" to change sexual orientation lack medical justification and threaten health" (en anglés). Organización Panamericana d'a Salut. Archivato de l'orichinal o 23 de mayo de 2012. Consultato lo 26 de mayo de 2012. Archivato aquí .
  10. American Psychological Association: Resolution on Appropriate Affirmative Responses to Sexual Orientation Distress and Change Efforts (en anglés).
  11. LeVay, Simon (1996). Queer Science: The Use and Abuse of Research into Homosexuality (en anglés). Cambridge: The MIT Press ISBN 0-262-12199-9.
  12. "Same-sex Behavior Seen In Nearly All Animals, Review Finds" (en anglés). ScienceDaily.
  13. 1,500 animal species practice homosexuality. The Medical News (en anglés), d'o 23 d'octubre de 2006. Archivato lo 10 de febrero de 2011 en Wayback Machine.
  14. Sommer, Volker & Paul L. Vasey (2006), Homosexual Behaviour in Animals, An Evolutionary Perspective (en anglés). Cambridge University Press, Cambridge. ISBN 0-521-86446-1
  15. (Bagemihl 1999).
  16. Harrold, Max (16 de febrero de 1999). "Biological Exuberance: Animal Homosexuality and Natural Diversity" (en anglés). The Advocate, reimpreso en Highbeam Encyclopedia. Consultato lo 10 de setiembre de 2007.
  17. *Census statistics show quarter of California same-sex couples raising kids (en anglés) *Region Saw Increase In Same-Sex Households (en anglés) *Census 2010: One Quarter of Gay Couples Raising Children (en anglés) *Minnesota Sees 50% Rise in Number of Gay Couples (en anglés). Archivato lo 17 de chulio de 2011 en Wayback Machine. *Census:Dutchess, Ulster Gay Households Increase (en anglés) *Same Sex Couples' Numbers Soar In N.Y, 2010 Census Finds (en anglés) *87% Increase in Same-Sex Nevada Households Since 2000 (en anglés) *2010 Census indicates increase among same-sex homeowners in Oklahoma (en anglés) *Spike In Number of City's Same-Sex Couples (en anglés). Archivato lo 27 de chulio de 2011 en Wayback Machine.
  18. Sexual Orientation (en anglés). Archivato lo 26 de chulio de 2011 en Wayback Machine. American Psychiatric Association.
  19. CHAO REGO, X. (1999). A condición homosexual (en gallego). Galaxia. Vigo. ISBN 84-8288-268-6.
  20. FERAY. J.C. (1990). Homosexual studies and politics in the 19th century: Karl Maria Kertbeny. Journal of Homosexuality, 19. ISBN.(en anglés)
  21. MELO, A. (2005). El amor de los muchachos. Ediciones LEA. ISBN 987-21776-5-1.(en castellán)
  22. University of Waterloo (ed.). "Etymology of Homosexuality" (Shtml). Consultato lo 14/06/2010.(en anglés)
  23. «It's far more common to be someone who is a little bit attracted to the same sex than someone who is exclusively attracted to the same sex», (en anglés) en Exploring the Umbrella: Bisexuality and Fluidity, The Advocate, 11 febrero de 2014 (leyer en linia).
  24. 24,0 24,1 Antoine Messiah & Emmanuelle Mouret-Fourme, «Homosexualité, bisexualité : Éléments de socio-biographie sexuelle» (en francés), Population, vol. 48,‎ 1993, p. 1357 (DOI 10.2307/1534181, leyer en linia)
  25. Kamasutra : Bisexuality (en anglés).
  26. Alfred Kinsey's 1948 and 1953 Studies (en anglés), Instituto Kinsey.
  27. Drew Westen, Catherine Garitte, Psychologie : Pensée, cerveau et culture (en francés), p. 553.
  28. Porcentaje de españoles que han tenido experiencias homosexuales a junio de 2017, por grupos de edad (en espanyol).
  29. «Le Portugal autorise le mariage des gays et des lesbiennes» (en francés), en tetu.com.
  30. «C'est voté, l'Argentine autorise le mariage et l'adoption pour les couples homos» (en francés), en tetu.com.
  31. «États-Unis : les députés du New Jersey votent en faveur du mariage pour tous», en tetu.com
  32. «Propos homophobes : Brigittes Bareges s'explique, les réactions affluent», en tetu.com.
  33. «Pour Vanneste, la distinction entre pédophilie et homosexualité est hypocrite», en tetu.com.
  34. «Pour le pape, le mariage gay menace l'humanité» (en francés), en europe1.fr, a 9 de chinero de 2012.
  35. Sondage pour Métro le 28 janvier 2008 (en francés). Articlo en GayClic.
  36. «Homosexualité et évolution» en sur-la-toile.com.
  37. «A Enqüesta Presse Gay 2004 d'o Instituto de Vichilacia Sanitaria» (en francés) [PDF], 2004 (en Francia) revela que o 34% d'os homosexuals interrogatos no han charrato pas de lur homosexualitat a lur pai, que o 10% alto u baixo d'os prochenitors d'os homosexuals interrogatos refusan a homosexualitat de lur fillo. Ista enqüesta indica tamién que os homosexuals masculins n'haberban cinco vegatas mes de risques que un heterosexual de cometer una tentativa de suicidio, risques encara mes importants en os mes chovens. (veyer pachinas 59 e 64).
  38. Jean-Marie Guénois, ««Lobby gay», Vatican, place de la femme dans l'Église: ce que dit le pape François» (en francés), en Le Figaro, o 29 de chullio de 2013.
  39. [https://www.theatlantic.com/magazine/archive/2003/11/defender-of-the-faith/302820/ « I cannot think of how a man in his senses would be having a sexual relationship with another man. Even in the world of animals, dogs, cows, lions, we don't hear of such things. ».
  40. « Dalaï Lama : non à la mode bouddhiste » (en francés), Tibet.info, o 31 d'aviento de 2000 (consultato o 26 d'octubre de 2007).
  41. « Homosexualité et Religions - Buddhachannel : le portail du bouddhisme, de la santé et du bien-être dans le monde » (en francés), en buddchannel.tv.
  42. « Marketing gay : la fin d'un mirage ? » (en francés), en strategies.fr, o 26 de febrero de 2004 (consultato lo 7 de marzo 2012).
  43. « L'homosexuel : caricature facile pour publicitaire peu inspiré » (en francés), en e-marketing.fr, l'1 de noviembre de 2008 (consultato lo 7 de marzo de 2012).
  44. « Sexual orientation laws in the world - Overview » (en anglés), en ilga.org, chunio de 2016 (consultato o 2 mayo de 2017).
  45. Homosexualité et suicide, d'Éric Verdier e Jean-Marie Firdion, H&O éditions, París, 2003.
  46. « Adolescents homosexuels : la révélation » (en francés), reportache difundito en a emisión francesa Envoyé Spécial, o 6 de chinero de 2011.]
  47. Anne Chemin, « Mobilisation mondiale contre la pénalisation de l'homosexualité » (en francés), en Le Monde, o 16 mayo de 2009 (consultato lo 5 de chunio 2009).
  48. Daniel Ottosson, State-sponsored Homophobia, International Lesbian, Gay, Bisexual, Trans and Intersex Association (en anglés) (ILGA) , mayo de 2008 ([ttps://web.archive.org/web/20130730140144/http://ilga.org/historic/Statehomophobia/ILGA_State_Sponsored_Homophobia_2008.pdf leyer en linia] [PDF]), p. 33.
  49. Marie Marvier, « Le sultan veut son souterrain » (en frnacés), en France-Soir, o 27 d'abril de 2011
  50. Gilles Fumey, «Le sexe contre la mondialisation» (en francés), geographica.net, o 13 de chinero de 2013.
  51. Sandhya Rajendra Shukla, Sandhya Shukla, Heidi Tinsman, Imagining our Americas: toward a transnational frame (en anglés), Duke University Press, 2007, 413 p. (ISBN 0822339617, leyer en linia, p. 264.
  52. Françoise Moulin-Civil, Sylvie Bouffartigue, Jean Lamore, Lydie Royer, Cuba 1959-2006: Révolution dans la culture, Culture dans la Révolution (en francés), L'Harmattan, 2008, 280 p. (ISBN 2296067700, leyer en linia , p. 187.
  53. Entrevista de Mariela Castro ta o periodico archentín Clarin, noviembre de 2007.
  54. 54,0 54,1 Julie Marie Bunck, Fidel Castro and the quest for a revolutionary culture in Cuba (en anglés), Penn State Press, 1994, 237 p. (ISBN 0271010878, leyer en linia, p. 135.
  55. Jon Hillson, La politique sexuelle de Reinaldo Arenas (en francés) (PDF), en vdedaj.club.fr, 2001.
  56. Jean-Michel Caroit, Ressuscité, Fidel Castro fait son mea culpa sur la persécution des homosexuels (en francés), [Le Monde], no 20407,‎ 3 de setiembre de 2010, p. 7.
  57. Cuba : le Parlement adopte le projet de nouvelle Constitution - France 24 (en francés), en France 24 (consultato lo 23 chulio de 2018)
  58. Homophobie dans l'entreprise (PDF en francés), en halde.fr, marzo 2008.
  59. Sondeyo de l'Instituto CSA no 0900383, Percepción d'as discrimincions en o treballo: veyita cruzata entre asalariatos d'o sector privato e achents d'a función publica, realizato en marzo de 2009 (en francés).
  60. 60,0 60,1 Thierry Laurent & Ferhat Mihoubi, Moins égaux que les autres ? Orientation sexuelle et discrimination salariale en France, 2010.
  61. Thierry Laurent et Ferhat Mihoubi, Orientation sexuelle et écart de salaire sur le marché du travail français : une identification indirecte], Économie et statistique, nrs 464-465-466,‎ 2013, p. 97-134 (consultato lo 16 de marzo de 2015).
  62. En Inde, la justice maintient une loi vieille de 153 ans pénalisant l'homosexualité (en francés), en lemonde.fr, 11 d'aviento de 2013 (consultato lo 15 chunio de 2015).
  63. [Islamic Penal Code of Iran] (en anglés), en Iran Human Rights Documentation Center, 28 de noviembre de 1991 (consultato lo 27 d'octubre de 2007), p. 5-6.
  64. Ministry grants citizenship to gay spouse of immigrant - Anglo File (en anglés), sur Haaretz.com, 2 de setiembre de 2011 (consultato lo 29 d'aviento de 2015).
  65. Sarah Schulman, Opinion | ‘Pinkwashing’ and Israel’s Use of Gays as a Messaging Tool (en anglés), The New York Times,‎ 22 de noviembre de 2011 (ISSN 0362-4331, consultato lo 21 de noviembre de 2017).
  66. Jean Stern entrevistato por Mathias Chaillot, [Comment Israël a utilisé le "pink washing" pour attirer les gays et changer son image] (en francés), neonmag.fr, 26 d'octubre de 2017.
  67. Nigeria : les patrons d'un club homo jugés (en francés), Libération,‎ 15 de chinero de 2014.
  68. AFP, Le président nigérian promulgue une loi condamnant l'homosexualité (en francés), Libération,‎ 13 de chinero de 2014.
  69. Elh Saidou Nourou Dia, SÉNÉGAL • Il faut dépénaliser l'homosexualité! (en francés), Wal Fadjri, apareixito en o Courrier international d'o 12-02-2008.
  70. Ansermet, C., Ben Hounet, Y., Gaberel, P. E., Modak, M. (2014). Le « parent non statutaire » face aux cadres institutionnels suisses : entre espoirs et angoisses (en francés). En J. Courduries & A. Fine (Dir.), Homosexualité et parenté (p. 189-203). París: Armand Colin.
  71. El rechazo familiar multiplica por ocho el riesgo de suicidio en homosexuales y transexuales, en FELGTB (en castellán)
  72. Crecen un 7% las denuncias por conductas homofóbicas en Cataluña, según FAGC (en castellán), noticia en l'ABC.
  73. El 75% de los alumnos homosexuales se sienten discriminados en el instituto (en castellán). En o Heraldo de Aragón o 17/05/2017.
  74. [ttps://www.elespanol.com/social/20180612/curen-mariconismo-denuncian-homofobia-vecindario-zaragoza/314469821_0.html "Que le curen el mariconismo": denuncian homofobia en un vecindario de Zaragoza] (en castellán). En El Español o 6 d'aviento de 2018.
  75. Aprobada por unanimidad la primera Ley aragonesa de Identidad Sexual (en castellán). En l''ABC, lo 19 d'abril de 2018.
  76. zgzgay.blogspot (en castellán).
  77. Articlo (en anglés) en a2mediagroup.com.
  78. More Light Montreal: International Conference on LGBT Human Rights, and the First World Outgames (en anglés), en More Light Presbyterians.
  79. Gay Warriors (en anglés), per Burg, B. R., et al.; Nueva York: New York University Press, 2002. (ISBN 0-8147-9886-1).
  80. Xénophon 2014 (en francés), p. 118.
  81. Élien, Histoires variées, XII, 7 (en francés).
  82. 82,0 82,1 Jean Verdon,Au Moyen Age, être homosexuel n'est pas tabou, en culture-et-debats.over-blog.com..
  83. 83,0 83,1 83,2 83,3 83,4 Damien Boquet, [archive.wikiwix.com/cache/?url=https%3A%2F%2Fhal.archives-ouvertes.fr%2Ffile%2Findex%2Fdocid%2F421841%2Ffilename%2FSentiment_amoureux_et_homosexualite_au_XIIe_siecle_BOQUET.pdf Sentiment amoureux et homosexualité au XIIe siècle : entre dilemme et malédiction, Vivre dans la différence hier et aujourd’hui , actes du colloque de Nîmes 24-25 novembre 2006,‎ 2007 (en francés), p. 37-50.
  84. Jean Flori, Richard Cœur de Lion : le roi chevalier, Payot, col. Biographies, (en francés) 1999, 598 p. (ISBN 2-228-89272-6).
  85. William Burgwinkle, Sodomy, Masculinity and Law in Medieval Literature : France and England, 1050-1230 (en anglés), Cambridge University Press, 2004 (ISBN 978-0-511-21143-0), p. 76-85.
  86. 86,0 86,1 86,2 Les homosexuels au Moyen-Âge, en thucydide.over-blog.net.
  87. Leis promulgatas o 26 d'octubre de 1260 en Orléans. Fuent: Patrick Garaud, Contribution à l'analyse de l'homosexualité à l'île de la Réunion: Thèse de doctorat en sociologie (en francés), Universidat d'A Reunión, 2004, 232 p.
  88. Articlo Bougre, esse, subst., Trésor de la langue française (en francés).
  89. 89,0 89,1 Philippe Contamine, [Pouvoir et vie de cour dans la France du XVe siècle: les mignons], en Comptes-rendus des séances de l'Académie des Inscriptions et Belles-Lettres, Volumen 138, Numero 2, 1994, p. 541-554.
  90. 90,0 90,1 90,2 90,3 Didier Godard, L'homosexualité à la cour de France, en http://suite101.fr, 7 d'octubre de 2007.
  91. 91,0 91,1 91,2 91,3 91,4 91,5 91,6 91,7 Bernard Hasquenoph, A Versailles, le frère très gay de Louis XIV, en LouvrePourTous.fr, 6 de chinero de 2009.
  92. Robert Aldrich, Garry Wotherspoon, Who's who in gay and lesbian history: from antiquity to World War II (en anglés), Routledge, 2003, 528 pachinas, p. 61.
  93. 93,0 93,1 Monsieur (en francés), en http://courduroisoleil.chez.com.
  94. 94,0 94,1 94,2 Abat François-Timoléon de Choisy, Mémoires de l'abbé de Choisy habillé en femme. Existen edicions modernas, commo a d'a Petite Bibliothèque Ombres (1998).
  95. 95,0 95,1 Michel Porret, L'humanisme pénal de Cesare Beccaria, en LePoint.fr, 20 de febrero de 2013.
  96. La face cachée de Voltaire, en LePoint.fr, 2 d'agosto de 2012.
  97. 97,0 97,1 97,2 Ian Brossat, «Affaire Diot-Lenoir : briser le silence, 250 ans plus tard» (en francés), en o puesto L'Humanité, 10 de chinero de 2014.
  98. Anne-Marie Sohn, «Fabienne Giuliani, Les liaisons interdites. Histoire de l’inceste au XIXe siècle» (en francés), Revue d'histoire moderne et contemporaine, vol. 4, nos 62-4,‎ 2015, p. 180-182.
  99. Régis Révenin, Homosexualité et prostitution masculines à Paris: 1870-1918, París, L’Harmattan, 2005 (ISBN 978-2-7475-8639-9).
  100. 100,0 100,1 100,2 Robert Beachy, Gay Berlin : Birthplace of a Modern Identity, Knopf, 2014 (ISBN 978-0-307-27210-2).
  101. Florence Tamagne, « La déportation des homosexuels durant la Seconde Guerre mondiale » (en francés), Revue d'éthique et de théologie morale, no 239,‎ febrero 2006, p. 77-104 (ISSN 1266-0078).
  102. Isaure de Saint Pierre, Bosie and Wilde, éditions du Rocher, 2005.
  103. Michel Larivière, « Gustave FLAUBERT : Il y a des jeunes gens de 18 ans magnifiques... » (en francés), en GaysCélèbres, 2010 (consultato lo 14 de noviembre de 2013).
  104. [Courrier de Nouvelle-Calédonie] (en francés), Le Temps, 17 de chulio de 1879, p. 2, 2ª columna.
  105. Michel Foucault, Histoire de la sexualité (en francés), Gallimard, 1976.
  106. «Ils ont dit de Proust (ou de son oeuvre)» (en francés), en proustien.over-blog.com.
  107. Par Douglas Porch, The March to the Marne: The French Army 1871-1914 (en anglés), ed. Cambridge University Press, 2003, p. 153.
  108. Florence Tamagne, Mauvais Genre ? Une histoire des représentations de l'homosexualité (en francés), París, EdLM, 2001.
  109. http://www.qrd.org/qrd/religion/anti/annotated.pink.swastika
  110. Sébastien St-Onge, «Nazi et gai? – Une persceptive historique», (en francés) en alterheros.com, 19 d'octubre de 2003.
  111. Suliane Favennec, «Retour sur l'histoire oubliée des homosexuels sous l'Italie fasciste» (en francés), en lepoint.fr, 10 de febrero de 2010.
  112. Régis Schlagdenhauffen, Triangle rose: La persécution nazie des homosexuels et sa mémoire (en francés), Autrement, 2011 (ISBN 9782746720459).
  113. «La persécution des homosexuels sous le troisième Reich» (en francés), en United States Holocaust Memorial Museum (consultato lo 17 de chunio de 2010).
  114. Les homophiles dans les camps d'Hitler de Bert Micha (B.M. Die Runde).
  115. Lloyd Eden Keays, La persécution de groupes minoritaires sous le régime nazi (en francés), Universidá Laval, 1996, p. 6, 15-16.
  116. [https://www.cnews.fr/people/2012-02-17/une-soixantaine-de-francais-deportes-vraisemblablement-pour-homosexualite-666 «Une soixantaine de Français déportés «vraisemblablement» pour homosexualité», (en francés), en www.directmatin.fr, o 17 de febrero de 2012 (consultato lo 14 d'aviento de 2015).
  117. BUISSON Patrick, « 1940-1945 Années érotiques » Tomo I, Albin Michel, 2008, p. 281-282 (en francés): Se lo conoixerba como «A gran Marcela».
  118. «Loi Darlan» (en francés), lei d'o 6 d'agosto de 1942, nº 744).
  119. Ordenanza nº 45-190 d'o 8 de febrero de 1945 (en francés).
  120. Ordenanza nº 45-1456 d'o 2 de chulio de 1945 (en francés).
  121. Feito paragrafo 2 de l'articlo 331 per a lei nº 80-1041 d'o 23 d'aviento de 1980.
  122. Lei nº 82-683 d'o 4 d'agosto de 1982, que abolió lo paragafo 2 de l'articlo 331 d'o Codigo Penal.
  123. Sigmund Freud, Trois essais sur la théorie de la sexualité (en francés), Gallimard, 1905, 190 pachinas.
  124. Sigmund Freud, Correspondance (en francés), París, Gallimard, 1979, 461-462 p..
  125. Rieder, Ines, 1954- ..., Gindele, Thomas. e Impr. Transfaire), Sidonie Csillag : homosexuelle chez Freud, lesbienne dans le siècle (en francés), Éd. EPEL, 2003 (ISBN 2908855763 e 9782908855760, OCLC 469593135)
  126. «Wikiwix's cache» (en francés), en archive.wikiwix.com (consultato lo 25 de noviembre de 2018).
  127. Beltrami É.; Couture, N. & Boulet, R., « Capitol 23, Homosexualités » (en francés), en Psychiatrie clinique, approche bio-psycho-sociale,‎ 1988, p. 654-678 (ISBN 2-89105-294-3).
  128. Malick Briki, Psychiatrie et homosexualité (en francés), Presses Universitaire de Franche-Comté, 2009, 232 p. (ISBN 978-2-84867-251-9).
  129. «Position Statement on Homosexuality and Civil Rights» (en anglés) (consultato lo 4 de chinero de 2017).
  130. «Mettre fin à la discrimination contre les hommes et les femmes homosexuels» (en francés, anglés, alemán e ruso), en OMS, o 17 de mayo de 2011.
  131. Pierre Hurteau, Homosexualités masculines et religions du monde (en francés), L'Harmattan, 2010.
  132. APA, «Report of the American Psychological Association Task Force on Appropriate Therapeutic Responses to Sexual Orientation» (en anglés), Asociación Estatounitense de Psiquiatría,‎ 2009, p. 130.
  133. «La plupart des psychologues contre...» (en francés), en heterhomo.org.
  134. «Aucune thérapie ne «soigne» l'homosexualité» (en francés), en www.charlatans.info, 10 d'agosto de 2009 (consultato lo 21 de noviembre de 2015).
  135. Jacques Balthazart, Biologie de l'homosexualité : on naît homosexuel, on ne choisit pas de l'être (en francés), Editions Mardaga, 2010, 299 p. (ISBN 9782804700379 et 2804700372).
  136. Peter Hegarty e Danny Wedding, «Can Biology Make You Gay (Friendly)?» (en anglés), PsycCRITIQUES, Portico, vol. 57, nº 38,‎ 2012 (ISSN 1554-0138, DOI 10.1037/a0030073).
  137. «Persona Humana - Déclaration sur certaines questions d’éthique sexuelle» (en francés), en www.vatican.va, o 29 d'aviento de 1975 (consultato lo 9 d'aviento de 2015).
  138. «Lettre aux évêques de l'église catholique sur la pastorale à l'égard des personnes homosexuelles» (en francés), en www.vatican.va, l'1 d'octubre de 1986 (consultato lo 22 d'aviento de 2015).