The Shootist
The Shootist (títol orichinal en anglés, en aragonés O tirador, enguerada en Aragón con o títol en castellano d'El último pistolero, en aragonés O zaguer pistolero) ye una cinta de cine estausunidense de l'anyo 1976 de cine de western dramatico dirichida por Don Siegel seguntes un guión adaptau por Miles Hood Swarthout y Scott Hale (basau en a novela The Shootist, publicada por Glendon Swarthout en 1975, qui ye lo pai de Miles Hood Swarthout), con una banda sonora orichinal d'Elmer Bernstein, una dirección de fotografía de Bruce Surtees, una producción cinematografica de M.J. Frankovich y William Self ta las productoras Paramount Pictures, Dino De Laurentiis Company y Polyphony Digital, y con un elenco d'actors formau, entre d'atros, por John Wayne, Lauren Bacall, Ron Howard, James Stewart, Richard Boone, John Carradine, Scatman Crothers, Richard Lenz, Harry Morgan, Sheree North y Hugh O'Brian.
John Bernard "JB" Books ye un antigo "sheriff" con muitos anyos d'edat que tamién ha estau pistolero y que plega en chinero de l'anyo 1900 en a ciudat de Carson City en Nevada ta consultar con E.W. "Doc" Hostetler, un medico a qui conoix de fa cuantos anyos. Iste li confirma lo que un atro medico ya li ha dito: que ye malauto por un cáncer muit abanzau y que li quedan pocas semanas de vida. En a ciudat tamién i viven bels d'os suyos enemigos y lo "sheriff" d'o lugar li demana que marche ta evitar conflictos. Tamién li diz que marche la propietaria d'a casa de huespedes a on ye fendo estada, preocupada porque li ha mentiu en dar o nombre cuan se i presentó y por l'efecto que puet provocar en su fillo. Tanimientres o "sheriff" accepta que se quede cuan veye que l'enfrontinamiento con os enemigos de Books fará desaparixer a bels delincuents y la propietaria d'a casa de huespedes accepta en saber que ye malauto y que mirirá bien luego. D'atra man, poquet a poquet la muller y Boooks prencipian a confiar l'uno en l'atro, a la vegada que Books descubre que muitas personas nomás que tienen intrés en os diners.
The Shootist s'ambienta en a ciudat de Carson City en Nevada en l'anyo 1900 y las suyas escenas se filmoron en ixa mesma ciudat y en os Warner Brothers Burbank Studios en Burbank en California y en os Paramount Studios en Los Angeles, tamién en California.[2]
Ye una cinta que ha recibiu bels premios y nominacions, en destacando una nominación en a 49ena ediciónd'os Premios Oscar (Millor Disenyo de Producción), una noinación en a 30ena edición d'os Premios BAFTA (Millor Actriz) y una nominación en a 34ena edición d'os Premios Globos d'Oro (Millor Actor Segundario).
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de The Shootist en Internet Movie Database.
- ↑ (en) Localizacions de The Shootist en Internet Movie Database.
- ↑ (en) The Shootist en Internet Movie Database.
Vinclos externos
editar- (en) The Shootist en Internet Movie Database.
- (en) The Shootist en TCM Movie Database.
- (en) The Shootist en AllMovie.
- (en) The Shootist en Rotten Tomatoes.
- (es) The Shootist en FilmAffinity.
- (fr) The Shootist en Allociné.
- (en) The Shootist en Rotten Tomatoes.
- (en) The Shootist en Letterboxd.
- (en) The Shootist en Box Office Mojo.
- (en) The Shootist en Metacritic.
- (en) The Shootist en l'American Film Institute Catalog de l'American Film Institute.
Datos: Q1199406
