Beguiellas d'el Cuervo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Beguiellas d'el Cuervo (Veguillas de la Sierra oficialment en castellano) ye un municipio de la provincia de Teruel, situau en la comarca de la Comunidat de Teruel. La suya población ye de 20 habitants (2018), en una superficie de 13,49 km² y una densidat d'1,68 hab/km².

Beguiellas d'el Cuervo Veguillas de la Sierra
Municipio d'Aragón
Anvista de Beguiellas d'el Cuervo
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	13,49 km²
Población  • Total	20 hab. (2013)
Altaria  • Meyana	1270 m.
Distancia  • 55 km	enta Teruel
Alcalde	Ildefonso Gómez Jiménez
Codigo postal	44134
Parroquial  • Diocesi  • Arcipestrau  • Parroquia	Teruel y Albarracín Albarracín Santísma Trinidat
Coordenadas	40° 9’14’’N 1°24’21’’U
Beguiellas d'el Cuervo Beguiellas d'el Cuervo en Aragón

Toponimia

Lo toponimo Beguiellas ye una forma diminutiva de bega ("ribera") con lo sufixo -iella. No se'n conoixe mencions en aragonés medieval por haber teniu poca importancia como simple barrio u pedanía de Lo Cuervo en la baixa Edat Meya. Muit cerca d'esta localidat pero en Castiella bi heba en lo sieglo XV una localidat conoixida como Las Veguiellas a on que se trobaba lo Castiello de las Veguiellas pa controlar la muga con Aragón.

D'acuerdo con Antonio Ubieto Arteta las diferents denominacions d'este antigo barrio de Lo Cuervo han estau Las Veguillas en fuents de 1510 y de 1781-1782, Veguillas del Cuervo en 1834 (por haber perteneixiu a esta localidat), Veguillas dende 1857 dica 1910, y dende 1920 Veguillas de la Sierra. Se conoixe la denominación Veguillas del Cuervo en atras fuents correspondients a atros anyos. En 1618 Sebastián de Utienes enumeraba las ermitas de Lo Cuervo y feba mención de la masada llamada la Veguilla del Cuerbo. L'apelativo de la Sierra obedeixe a la necesitat de diferenciar esta localidat d'atras Veguillas que bi ha en Espanya, por eixemplo Las Veguillas en la provincia de Salamanca, y encara que la suya introducción ye tardana se troba en la tradición toponimica aragonesa (Almonecir de la Sierra, Camarena de la Sierra, Miravet de la Sierra, Villarroya de la Sierra y Viver de la Sierra, en lo Sistema Iberico u los suyos semontanos).

Como microtoponimos intresants tenemos Castiblanques, El lomatón (con infixo -at-), Los Calarizos, Umbría del Saz, Solana del Tollo, Fuente del Saz y Las Nogueras.

Cheografía

Ye situau a lo sud de la Sierra de Chabalón.

Mugas

Lo suyo termin municipal muga con Alobras, Lo Cuervo, Castiel Fabib y Salvacanyet.

Demografía

Evolución demografica

1992 1994 1996 1997 1998 1999 2000 2001 2002 - - - - 27 27 28 28 27

2003 2004 2005 2006 2007 2008 2009 2010 2011 27 24 23 25 28 29 27 28 25

2012 2013 2014 2015 2016 2017 2018 2019 2020 20 22 23 22 19 19 20 19 21

2021 2022 2023 2024 2025 2026 2027 2028 - 21 21 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Historia

Beguiellas d'el Cuervo yera un corro de masadas que dica lo sieglo XVIII perteneixeban a Lo Cuervo, por lo que yeran en lo Cuartillejo del Cuervo y en lo Condau de Fuents. Bi heba una ilesia dedicada a la Santisma Trinidat y lo retor de Lo Cuervo pasaba a decir misa a Beguiellas por depender-ne eclesiasticament.

En lo sieglo XVIII Beguiellas consiguió tener parroquia propia y s'independizar-se de Lo Cuervo. Encara en 1782-1782 s'escribiba Censos de las iglesias de Cuervo y Veguillas. Estió de lo Partiu chudicial d'Albarracín dica 1965, cuan s'incorporó a lo Partiu chudicial de Teruel.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	Ildefonso Gómez Giménez	UCD
1983–1987
1987–1991
1991–1995
1995–1999
1999–2003	Sergio Giménez Gómez	PSOE
2003–2007	Sergio Giménez Gómez	PSOE
2007–2011	Ildefonso Gómez Giménez	PAR
2011–2015	Ildefonso Gómez Giménez	PAR
2015–2019
2019–2023
2023–2027	Amalio Murciano Soriano	PP

Puestos d'intrés

• Ilesia d'a Santisma Trinidat.
• Ermita de Sant Marco.

Fiestas

• Tercer domingo de setiembre.

Vinclos externos

• [1]

• Datos: Q1650911
• Multimedia: Veguillas de la Sierra / Q1650911