Abrir menú principal

Miravet de la Sierra

Miravet de la Sierra (Miravete de la Sierra en castellán) ye un municipio d'a provincia de Teruel, situato en a comarca d'o Mayestrato. A suya población yera de 38 habitants (2010), en una superficie de 36,5 km².

Miravet de la Sierra
Municipio d'Aragón
El Guadalope en Miravete de la Sierra (cropped).jpg
O río Guadalop
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Mayestrato
Superficie 36,5 km²
Población
 • Total

28 hab. (2016)
Altaria 1212 m.
Distancia
 • 67 km

enta Teruel
Codigo postal 44159
Ríos Guadalop
Coordenatas 40°34’33’’N 0°41’42’’U
Miravet de la Sierra en Aragón
Miravet de la Sierra
Miravet de la Sierra
Situación de Miravet de la Sierra en Aragón

CheografíaEditar

 
Miravet de la Sierra

Ye situa a piet d'a sierra de la Lastra, chunto a lo curso alto d'o río Guadalop.

MugasEditar

O suyo termin municipal muga con Villarroya de los Pinars, con Exorcas, con un cantón d'o termin d'Aguilar d'Alfambra, con Camariellas y con Aliaga.

HistoriaEditar

Bi ha chacimientos d'a I Edat de Fierro y de cultura iberica. Perteneixió a lo Bispe de Zaragoza, a diferencia d'atros lugars d'a redolada que estioron d'os templers u espitalers. A versión más antiga d'os fueros d'Aragón, de fins d'o sieglo XIII provién de Miravet. Parix estar que i habió una despoblación important, como diz un texto de 20 d'agosto de 1311 escrito en Zaragoza, quan Exemeno de Luna, bispe de Zaragoza, rebaixa en 100 sueldos a peita que anyalment pagaba o lugar:

Sepan todos que, como nos don Exemeno, por la gracia de Dieus vispe de Çaragoça, perssonalment fuessemos en la villa nostra de Miravet et los omnes de aquel rogar mostrassen a nos como, por guerras et por los annos fuertes que en el tiempo passado eran seydos, el dito logar era muyto menoscabado et despoblado et, si quiere por aquello et por la grant peyta que avyan, las gentes et los estagantes de alli se eran ydos et por miedo et temor de la grant peyta algunos alli no querian venir a poblar, por esto los ditos omnes del dito logar soplicaron a nos que les baxassemos de aquella peyta que el dito logar et el concellyo dalli fazian et fer devyan. Ond nos, regebida la dita suplicaçion, queriendo que el dito rogar no se menoscabe ni se despoble mas que los habitantes et habitadores de allí finquen et ayan voluntat de fincar et los suyos et otros allí viengan poblar et poblen, et nos venido en la çiudat de Çaragoça, queriendo dar remedio a las sobreditas cosas, de conssentimiento et otorgamiento et voluntat del honrrado don Alaman de Naya, prior de la sied de Çaragoça, et del capitol de aquella misma sied, vista una carta ho privilegio del honrrado don Pedro, por la divinas gracia vispe de Çaragoça, antecesor nostro, en la qual el concellyo del dito logar de Miravet yes obligado dar por peyta cada un anno perpetualment a todos tiempos al vispe de Çaragoça çinchiçientos solidos de dineros jaqueses, la qual carta fizo don Johan de Fuentes, notario publico de Çaragoça, que fue, uueyto días exida del mes de janero era Míllesima CCC.ª XVII.ª, de çierta sciençia et bien certifficado de todo nuestro dreyto, baxamos, relajamos et soltamos al dito concellyo de Miravet cada un anno perpetualment gient solidos dineros jaqueses de los ditos çinchiçientos solidos que ellos avyan a dar por peyta cadanno segunt que en la dita carta se contiene, assi que el dito concellyo ni los suyos presentes ni avenideros nunca en algun tiempo a nos ni a nuestros successores paguen ni sian tenidos de pagar de los ditos çinchiçientos solidos sino quatrozientos solidos dineros jaqueses cadanno et los ditos çient solidos por nos absueltos et relajados perpetualment en cada un anno por nos ni por nuestros successores no se demanden ni se les puedan demandar en algun tiempo.
Et nos ditos prior et capital esto otorgarnos, conssentimos et loarnos et avemos por firme et valedero a todos tiempos.
Testimonias son desto: don Belenguer de Roda, vicario de Alcala de Sixena ius Pina, et don Bernabeu de Remolinos, clerigo missacantano en Çaragoça.
Feyto fue esto en la çiudat de Çaragoça, dia jueves dotze dias exíent el mes de agosto era millesima CCC.ª XJ.ª nona.
Sig(signo)no de mi Johan de Magalion, notario publico de Çaragoça, qui de mandamiento de] predito senyor vispe et del dito prior et capital esto escrevye et a todo present fue.

En Miravet de la Sierra s'ha puesto conservar un archivo municipal con textos en aragonés medieval dende 1279 dica por lo menos 1499.[1]

ToponimiaEditar

O nombre ye d'orichen arabe, a partir de Morabit, palabra relacionata tamién con os Almorabetz, y que significa hombre relichioso musulmán. En os textos medievals yera Miravet y encara en o sieglo XVIII se podeba veyer escrito asinas como diz Agustín Ventura Conejero:

Este aditamiento es muy posterior, pues todavía en un mapa de Aragón del S XVIII hemos visto escrito Miravet, Fortanet, Oliet, etc.

Se castellanizó ta Miravete, prenendo l'apelativo de la Sierra pa esferenciar-lo d'o Miravet que bi ha en a Ribera d'Ebro.

AdministraciónEditar

Reparto de concellersEditar

Eleccions municipals
Partito 1979 1983 1987 1991 1995 1999 2003 2007 2011
Partido Popular 1
Total 1

MolimentosEditar

 
A ilesia de Nuestra Sinyora d'as Nieus de Miravet de la Sierra.

FiestasEditar

A mitat agosto, en honor a Sant Cristofo y Sant Roque.

Vinclos externosEditar

ReferenciasEditar

  1. Antonio Gargallo Moya: Documentos del Archivo Municipal de Miravete de la Sierra. (1279-1499) Revista Teruel Nº 68, chuliol-aviento de 1982, pp 47-124
  2. (es) Texto en o BOA d'a declaración d'a ilesia de Nuestra Sinyora d'as Nieus de Miravet de la Sierra como Bien d'Intrés Cultural.

BibliografíaEditar