Cubla ye un municipio aragonés de la provincia de Teruel, situau en la comarca de la Comunidat de Teruel.

Cubla
Municipio d'Aragón
Escudo d'armas
Ilesia de l'Asumpción de Cubla.
Ilesia de l'Asumpción de Cubla.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Teruel (province).svg Teruel
Comunidat de Teruel
Superficie 48,6 km²
Población
 • Total
 • Densidat

60 hab. (2013)
1,23 hab/km²
Altaria
 • Meyana

1.088 m.
Distancia
 • 17 km

enta Teruel
Alcalde Ángeles Gómez Navarro
Codigo postal 44191
Coordenadas
Cubla ubicada en Aragón
Cubla
Cubla
Cubla en Aragón

La suya población yera de 60 habitants, en una superficie de 48,6 km², con una densidat de población de 1,23 hab/km².

ToponimiaEditar

Lo toponimo Cubla se remonta a lo latín CUPULA,[1] como Alcublas en Valencia. Tampoco se puet descartar una relación con l'arabe Alquibla porque atros autors relacionan Alcublas con l'"alquibla".

CheografíaEditar

La localidat de Cubla ye situada a 1.088 metros d'altaria dencima de lo livel d'a mar a piet de la Sierra de Camarena (que fa parte de lo Chabalambre). Se situa a una distancia de 17 km de Teruel, la capital de la suya comarca y provincia, y queda a lo sud de lo barranco del Horcajo u arroyo de La Canyada, afluent de Guadalaviar que baixa enta lo nordeste dende un sector de la sierra de Camarena cerca de Fuentecilla (1586 m).

CheodesiaEditar

Bi ha un vértiz cheodesico dito Fuentecilla a una altaria de 1.586 metros sobre lo livel d'a mar[2], en la sierra de Camarena.

MugasEditar

Lo suyo termin municipal muga con los termins municipals de La Puebla de Valverde, Camarena de la Sierra, Valacroch, Cascant, un cantón de lo termin de Villel, con Bellestar y con Teruel.

Villel, Bellestar Teruel (Aldeyuela) La Puebla de Valverde
Cascant   La Puebla de Valverde
Cascant Valacroch, Camarena de la Sierra La Puebla de Valverde

DemografíaEditar

Evolución demografica
2003 2004 2005 2006 2007 2008 2009 2010 2011
- - - - - - - - -

2012 2013 2014 2015 2016 2017 2018 2019 2020
- - - - 52 - 54 - -

2021 2022 2023 2024 2025 2026 2027 2028 -
52 - - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

HistoriaEditar

Adintro de la comunidat d'aldeyas de Teruel, Cubla feba part de la Sexma d'el Campo de Cella por lo menos dende 1309.[3] Manimenos, no presenta continuidat territorial con lo nuclio d'esta sexma y se suposa que perteneixió enantes a la Sexma d'el Campo de Sarrión como atras aldeyas sudorientals dica que la creyación de la Sexma d'el Campo de Visiedo con aldeyas de la Sexma d'el Campo de Cella obligó a reorganizar las sexmas fendo pasar por compensación quatro aldeyas de la redolada de la sierra de Camarena (Aldeyuela, Camarena, Castralbo y Cubla), dende la Sexma de Sarrión a la de Cella.[4]

En 1488 y 1495 feguraba en la sobrecollida de Mont Albán. En 1646 yera una localidat de la vereda de Mont Albán. Entre 1711 y 1833 yera en lo correchimiento de Teruel. Teneba la categoría d'aldeya por lo menos dica 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel.[5]

AdministraciónEditar

Reparto de concellersEditar

Eleccions municipals
Partiu 1979 1983 1987 1991 1995 1999 2003 2007 2011
Partido Popular 2
Partido Aragonés 1
Total 3

AlcaldesEditar

Lista d'alcaldes
Lechislatura Nombre Partiu politico
19791983 Demetrio Ballestero Blasco UCD
19831987
19871991
19911995
19951999
19992003 Santiago Esteban Esteban Partido Aragonés
20032007
20072011
20112015 Ángeles Gómez Navarro Partido Popular
20152019
20192023 Santiago Esteban Esteban Partido Aragonés

ReferenciasEditar

  1. (es) Agustín Ventura Conejero: Toponimia de la provincia de Teruel. Revista Teruel, nº 48, 1972. p. 240.
  2. (es) Fuella de lo vértiz cheodesico
  3. (es) Antonio Ubieto Arteta: Historia de Aragón Divisiones Administrativas, Anubar, 1983, pp 160-161.
  4. (es) Antonio Gargallo Moya: Los orígenes de la Comunidad de Teruel. Instituto de Estudios Turolenses, 1984. pp 38-39.
  5. (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 442-443.

BibliografíaEditar

Vinclos externosEditar