Torre la Cárcel

Este articlo tracta sobre Torre la Cárcel. Pa altros emplegos de la parola torre se veiga Torre (desambigación).

Torre la Cárcel (Torrelacárcel oficialment y en castellano) ye un municipio de la provincia de Teruel, situato en la comarca de la Comunidat de Teruel. La suya población yera de 248 habitants (2004), en una superficie de 35,41 km² con una densidat de 7,00 hab./km²

Torre la Cárcel
Municipio d'Aragón
Torre la Cárcel.
Entidat  • País  • Provincia  • Comarca	Municipio  Aragón  Teruel Comunidat de Teruel
Superficie	35,41 km²
Población  • Total	140 hab. (2013)
Altaria  • Meyana	979 m.
Distancia  • 35 km	enta Teruel
Alcalde	Pascual Soriano Hernandez
Codigo postal	44382
Coordenadas	40°36’50’’N 1°18’ 6’’U
Torre la Cárcel Torre la Cárcel en Aragón
Web oficial

Cheografía

Ye situato en la fuesa de Xiloca, que fa parte de la depresión de Calatayú-Teruel.

Toponimia

Lo toponimo Torre la Cárcel ye transparent en aragonés, estando la parola "cárcel" lo cheosinonimo occidental de "garchola".

Ya trobamos referencias a este lugar en textos escritos en latín medieval, belunas con lo toponimo latinizau por estar un toponimo transparent, belatras en aragonés.

En 1212 baixo Remón de Castrocol lo bispato de Zaragoza, lo concello de Teruel y lo capítol eclesiastico de Teruel facioron una concordia sobre las decimas d'uns quantos lugars de Teruel y mencionaban esta localidat como Turre de carcere latinizando lo toponimo:

Eodem modo ecclesie sancti Michaelis et sancti Johannis recipiant in perpetuum omnia jura de Mechita, Villar cremado, canyadavellida, Aldea Sancti Ximenez, Val de cebro, las parras, Sum del Porto, Canada Garsie Luppiz, pobo, Turre de carcere, Covas del rocin, Turrem tallatam, Martin, et de Menta. (14 d'abril de 1212)

En 1293 facioron baixo Hugo de Mataplana tornoron a fer concordia, y mencionaban esta localidat torrelacarcel:

Celha villarcremado, santa Eulalia, torremocha, galliel, buenya, el aguaton, alava, torrelacarcel, villardargent, quatentur.(10 de chinero de 1293)

En las Cronicas de los Chudeces de Teruel s'escribe Tore la Carzel referindo-se a 1382:

Fue Judez Pero Sanchez Gamir. Henforcó Don Fortunyo de Sesé justicia de Teruel a Feran Martinez en Tore la Carzel.

Historia

La primera mención a Torre la Cárcel ye en lo documento de donación de Cingla a lo Monesterio de Mont Aragón por part d'Alifonso I lo batallero en aviento de 1128:

Et adhuc dono et concedo et confirmo Deo et supradicte ecclesie Fortunioque abbati et successoribus suis et omni conuentui turrem de Carcere que est prope de Signa cum omnibus suis terminis heremis et populatis ab integro et cum omnibus suis pascuis et aquis, siluis et garricis ad propriam hereditatem per secula cuncta

La reconquiesta aragonesa s'aturó por bell tiempo en Torre la Cárcel y Cingla, tornando dimpués a abanzar con Alifonso II.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Izquierda Unida									1
Total									5

Alcaldes

Lista d'alcaldes

Lechislatura	Nombre	Partito politico
1979–1983	Pelegrín Gómez Hernández	Independient
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Pascual Soriano Hernández	PSOE
2015–2019
2019–2023

Presonaches

Un visorrei de Perú yera naixito d'este lugar y encara i ye la suya casa.