Escalona

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escalona ye un lugar que perteneixe a o municipio de Puértolas, d'o cual en ye cabecera, con seu de l'ayuntamiento. A suya población ye de 106 habitants (2018) y ye o lugar mes gran d'o municipio.

Escalona
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe Puértolas
Partiu chudicial	Boltanya
Población  • Total	106 hab. (2018)
Altaria  • Meyana	610 m.
Distancia  • 7,5 km  • 10 km  • 128 km	enta Puértolas enta L'Aínsa enta Uesca
Codigo postal	22363
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Martín
Coordenadas
Escalona Escalona en Aragón

O lugar d'Escalona se troba en a desembocadura d'o río Bellós en a Cinca, 10 km ta o norte de l'Aínsa -dirección enta Bielsa y Francia- indo per a carretera A-138. Ye un nuclio turistico, abersato mes que mes a o comercio y a hostelería, pos se troba en un puesto estratechico d'entre os pasos ta as valles de Sobrarbe per o norte, y a valle de Vio, valle de Puértolas y valle d'Anyisclo per l'ueste.

Historia

Se'n conoixe a existencia dende 1219 (cal pensar que ixa cita fa referencia a «Escaloneta») t'adebant, con o primer recuento de población (conoixito) en l'anyo 1646, que teneba 2 casas (fuegos), pos a par d'alavez, yeran prou mes grans os lugars de Puértolas y Bestué y toz os que yeran en alto en a montanya pos yeran mes guardatos en caso que bi hese guerras. Tenió ayuntamiento propio dica 1845, que s'habió d'achuntar con A Espunya, y mes luego con Puértolas en 1873-1900.

A ilesia la contruyoron d'entre os anyos 1930 y 1935. Cuasi todas as construccions son modernas, pos dica o sieglo XX Escalona no heba estato un lugar guaire important en a redolada. Bi ha unatra ilesia que ye muito mes viella, pero ye tancada.

Fiestas

• 20 de chinero, Fiesta menor, fendo honor a Sant Sabastián, con fogueras y chentada popular.
• 18 de chinero, fogueras de Sant Antón, patrón d'os chiquez. Estes disfrazatos, rondan por as casas ta fer una lifara en bella casa d'o lugar.
• 8 d'aviento, Fiesta Mayor, con fama d'estar «a mes frida en Sobrarbe». Cal nombrar a «Ronda d'o hadico», dita asinas puesto que os chóvens "pican" por as casas.

Demografía

Evolución demografica

1646	1986	2001	2006
2 (f)	94	99	123

Dica o sieglo XVIII as poblacions de mesuraban con fuegos (f), ixo ye, as casas que bi hese en o lugar, no pas as personas.

• Datos: Q8777566
• Multimedia: Escalona (Huesca) / Q8777566