Badaín

Badaín ye un lugar aragonés d'o municipio de Tella-Sin, en a provincia de Uesca y comarca de Sobrarbe. A suya población ye de 8 habitants (2009).

Badaín
Lugar d'Aragón
Badaín, con o Castiel Mayor de fundo.
Entidat  • País  • Provincia  • Comarca  • Municipio	Lugar  Aragón  Uesca Sobrarbe Tella-Sin
Población  • Total	8 hab. (2009)
Altaria  • Meyana	730 m.
Distancia  • 137 km  • 21 km  • 1 km	enta Uesca enta l'Aínsa enta La Infortunada
Codigo postal	22364
Patrons	Natividat de Santa María
Parroquial  • Diocesi  • Arciprestato	Bp. de Balbastro-Monzón Sobrarbe
Ríos	Irués y Cinca
Coordenadas	42°32’33’’N 0°11’37’’E
Badaín Badaín en Aragón

Badaín ye una aldeya historica de Sin, con dependencia d'ixaltra localidat decumentable dende la Edat Meya, anque distant d'ella bella chornada de camín á peu. Se troba en alto d'un cerro chicot, en as garras d'a Penya Lierga, en cosirando la confluencia d'o río Irués en a man izquierda d'o río Cinca. Badaín fisicament fa parte d'a val d'a Cinca, y no el forma si que una carrera que remata en a pleta d'a ilesia.

Debaixo de Badaín existen dos puents. Lo un, peatonal, enfila en dirección sud cara ta La Espunya, travesando lo río Irués, y fa parte d'o camín historico que comunicaba las dos localidatz por as garras d'a Penya Montanyesa. L'altro, transitable con vehiclos, trescruza la Cinca en mitat de La Infortunada. La Infortunada se troba tansament á 200 metros de Badaín (a pista asfaltada que i puya fa un poquet más de vuelta), á menor altaria, directament en as faixas inmediatas á la glera d'a Cinca, en a man cuentra de Badaín.

Historicament, en Badaín i heba habido un convento de monchas que seguiban a regla de Sant Benedet, posiblement como celula filial d'el que i heba en Sin, cosa que explicaría la relación de dependencia de Badaín con un altro lugar que ye tan luent. A envistable ilesia parroquial d'a localidat pareix que se troba relacionada con ixe pasato monacal, y habría feito parte d'as dependencias de lo dito cenobio. A ilesia de Nuestra Sinyora de Badaín ye un templo orichinal d'o sieglo XII, emparentato en a suya estructura principal con Sant Chuan d'o Toledo d'A Nata y reformulato dimpués con addicions como la torre (d'o sieglo XVI) tan robusta y con artificios defensivos. En l'actualidat, a ilesia de Badaín cuenta con un albergue que opcupa parcialment o edificio.

Demografía

Evolución demografica

1992 1994 1996 1997 1998 1999 2000 2001 2002 - - - - - - 12 8 11

2003 2004 2005 2006 2007 2008 2009 2010 2011 13 12 12 9 9 9 8 - -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Toponimia

Bells autors, como Antonio Beltrán Martínez, han quiesto relacionar o nombre de «Badaín» con una hipotetica etimolochía vasca, en basando-se en a terminación «-ain» que ye tan freqüent en Navarra. Belaltros, como Chesús Vázquez Obrador, descartan ixa posibilidat en iste y bells altros casos (como lo vecín Escuaín) perque l'accentuación no coincide con la d'os toponimos navarros, que rematan en «-áin» mientres que es aragoneses lo fan en «-aín». D'alcuerdo con Vázquez Obrador, a terminación aragonesa expresa un sufixo -gin amagato, que no tienen os toponimos navarros que son de radiz antropica.

Imáchens

• 

  Plaza de Badaín.

• 

  Ilesia.

• 

  Balconera de fustes en Badaín.

Fiestas

• 8 de setiembre, Fiesta Mayor, fendo las honras á la Natividat de Nuestra Sinyora.

Se veiga tamién

• Hombre de Mataire.
• Hombre cerrudo.

Vinclos externos

• Se veigan as imáchens de Commons sobre Badaín.