Turbera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre as turberas que son formacions edaficas de turba con augua, ta la turbera que ye viento con nieu se veiga turbera (meteorolochía).

Una turbera ye una zona humida caracterizata por l'acumulación progresiva de turba, un suelo caracterizato por o suyo gran contenito de materia organica, poco descompuesto u ni res, d'orichen vechetal. Ye un ecosistema particular y fráchil on as caracteristicas en fan un pozo de carbonio, pus bi ha mes sistesi de materia organica que de degradación.

Turberas d'Anayet

Turbera protechita d'o estanyo de Machais, comuna de La Bresse (Bosgos, Francia)

En a definición y a clasificación d'as turberas bi ha polemica. Seguntes un punto de vista prou estendillato entre os especialistas europeus y americanos as turberas no son només que as formacions d'esfagnos, tamién as formacions de hierbas d'o chenero Carex y as formacions d'algas carofitas u de briofitas que aporten a saber-lo de materia organica a lo suelo, y que se descompone gradualment en escaseza d'oxichén convertindo-se en un sedimento organico dito turba.

Bi ha turberas ombrotroficas, ditas bog en anglés que son alimentatas només que por l'augua atmosferica.

Bi ha turberas minerotroficas, ditas fen en anglés que son alimentatas sobretot por l'augua sotorrana. A mineralización de l'augua en as turberas tipo fen ye mayor que en as ombrotroficas, y bi influye o tipo de roca d'a cuenca.

As turberas de tipo fen se pueden orichinar de tres trazas:

• Lagunas en proceso de colmatación y dimpués invaditas por una vechetación de Carex u Sphagnum.
• Cuencas por on corren ríos y rigachuelos.
• Costeras de montanya on bi ha prou humidat pa que i haiga Sphagnum.

Turberas en a Peninsula Iberica

A zona d'a Peninsula Iberica on bi ha mes turberas son os Pireneus, con una buena representación en a Cordillera Cantabrica, destacando en Sierra Segundera. En l'Alto Aragón en dicen "paúls. Tamién bi ha turberas en o Sistema Central, Sistema Iberico y Sierra Nevada, pero con una representación local.

En o Sistema Iberico teruelano destacan as turberas de Oriuela, ditas localment Tremedales porque o suelo tremola cuan se pisa. Son turberas que se desembolican en lobulos de solifluxión de suelos desembolicatos sobre losetas y cuarcitas d'edat valentiniense.. L'acumulación de tormos cuarciticos y bardo en as versants por procesos periglacials creyó replans en lobulos de chelifluxión que retienen l'augua y permiten a formación de turberas. Os cabaixos d'as versants presentan ríos de piedras periglacials, ditos berrocales en a redolada, de dica 2,6 km de largura y 250 m d'amplura. A parola Tremedal se documenta en as traduccions heredianas como "Historias contra los Paganos":

E algunos actores dizen que aquesti Nilo, alli a do sale, ha tremedales, e que naxe de fuentes; e de continent se cierra e se mete diuso de las arenas, e assi se va diuso d'ellas por un breve espacio, e apres, el sale fuera e mana en un muit gran lago e amplo;

Bibliografía

• Jorge Abad, José Luis Burrel: Los humedales en Aragón. CAI00.
• Juan José Aldasoro et al.: Las últimas turberas cantábricas. Revista Quercus. Cuaderno 129. Noviembre de 1996.

• Datos: Q1681353
• Multimedia: Bogs / Q1681353