Cortz de Monzón-Tamarit de Litera-Fraga (1383-1384)

Cortz de Monzón-Tamarit-Fraga 1383-1384
Monzón, Tamarit de Litera y Fraga
Información cheneral
Puesto	Castiello de Monzón Ilesia de Sant Per de Fraga
Ciudat	Monzón Tamarit de Litera Fraga
Monarca	Pero IV d'Aragón
Principals temas
- Donativo pa la guerra en Cerdenya
Cortz Chenerals
Anteriors	Posteriors
Monzón 1376	Monzón 1388-1389
Cortz d'o Reino d'Aragón
Anteriors	Posteriors
Zaragoza 1381	Monzón 1388-1389
Cortz Catalanas
Anteriors	Posteriors
Barcelona 1379	Monzón 1388-1389
Cortz d'o Reino de Valencia
Anteriors	Posteriors
Monzón 1376	Monzón 1388-1389
Mapa
Situación en Aragón

As Cortz de Monzón-Tamarit de Litera-Fraga de 1383-1384 estioron unas Cortz Chenerals d'Aragón que fuoron convocadas por Pero IV d'Aragón, estando en Alzira, o día 2 de chulio de 1382, pa celebrar-se o 30 de setiembre en Monzón u en Gandesa, seguntes a voluntat reyal. Quan o rei se decidió por Gandesa, os aragonesos s'oponioron, y o 24 d'abril de 1383, dende Tortosa, torna a convocar Cortz en Monzón pa o 15 de mayo, y posposadas quantas vegadas, fuoron inauguradas solemnement o 12 de chunio en a sala mayor d'o castiello de Monzón, con a proposición a o parlamento d'o rei. O 20 de febrero de 1384 as Cortz, por un brot de peste, prencipiaban as sesions en Tamarit de Litera; y por o mesmo motivo, se mueven ta Fraga, a on prencipian as sesions o 28 de mayo, y rematan o 4 de chulio de 1384, zaguera sesión conoixida, prolargando-se posteriorment pero sin tornar-se a convocar nunca más.

Istas Cortz las convoca o rei pa aconseguir d'os representants d'os suyos estaus un donativo que le permita mantener o esfuerzo belico en a isla de Cerdenya; os representants estamentals compareixen con un important agreviamiento, una acusación de lesa machestat contra quantos consellers d'o rei y de l'infant Chuan, y a inculpación de quantos oficials reyals por corrupción.

En istas Cortz, os representants d'os distintos territoris compareixen conchuntament en a mayor parti d'as sesions. Y en as negociacions más importants, a concesión d'o donativo y as denuncias d'as Corts contra os consellers y oficials reyals, encara que se nombran representants de cadagún d'os brazos de cada territorio, a negociación tamién se fa de forma conchunta.

Cortz d'Aragón

En a zaguera convocatoria d'as Cortz, o 24 d'abril de 1383, se requiere a presencia de 19 miembros d'o brazo eclesiastico (o rechent de l'arcebispe de Zaragoza, por estar en seu vacant, os bispes de Uesca, Tarazona, y Segorb-Albarrazín, os comendadors de Mont Albán y Alcanyiz, o castellano d'Amposta, os abatz de Rueda, Mont Aragón, Sant Veturián, Piedra, Sant Chuan d'a Penya, Veruela y Fuents Claras, o prior de Santa Cristina, y os priors y capítols d'as seus de Zaragoza, Segorb-Albarrazín, Tarazona y Uesca); 15 miembros de l'alta nobleza; 23 d'a chicota nobleza; y representants de 24 ciudatz, villas y comunidatz d'aldeyas reyals (as ciudatz de Zaragoza, Tarazona, Balbastro, Uesca, Albarrazín, Teruel, Daroca, Chaca y Calatayú, as villas d'Uncastiello, Taust, Sos, Almudévar, Exeya, Sadaba, Zuera, Mont Albán, Alcanyiz, L'Aínsa, Monzón y Tamarit de Litera, y as comunidatz d'aldeyas de Calatayú, Daroca y Teruel).

En istas Cortz no s'apreba dengún fuero ni dengún acto de Cort.

Vinclos externos

• (es) Actas d'as Cortz de Monzón-Tamarit de Litera-Fraga de 1383-1384

Predecesor: Cortz de Monzón (1376)	Cortz Chenerals d'Aragón Cortz de Monzón-Tamarit-Fraga (1383-1384)	Succesor: Cortz de Monzón (1388-1389)
Predecesor: Cortz de Zaragoza (1381)	Cortz d'o Reino d'Aragón Cortz de Monzón-Tamarit-Fraga (1383-1384)	Succesor: Cortz de Monzón (1388-1389)
Predecesor: Cortz de Barcelona (1379)	Cortz Catalanas Cortz de Monzón-Tamarit-Fraga (1383-1384)	Succesor: Cortz de Monzón (1388-1389)
Predecesor: Cortz de Monzón (1376)	Cortz d'o Reino de Valencia Cortz de Monzón-Tamarit-Fraga (1383-1384)	Succesor: Cortz de Monzón (1388-1389)