Biescas
- Iste articlo ye sobre a villa tensina de Biescas. Ta o lugar ribagorzano se veiga Biescras de Bardaixí.
Biescas ye una villa d'a provincia de Uesca situata a 875m dencima d'o ran d'o mar en a Tierra de Biescas en o Pireneu aragonés. A villa ye dividita por o río Galligo en dos barrios: Sant Per y O Salvador que a la suya vegata se divide en A Penya y lo Barrio Baixo. En cada un d'os dos barrios b'ha una ilesia que leva o nombre d'o barrio conservando a d'O Salvador un abside romanico. A población ye de bells 1.535 habitants (2014).
| Biescas | |||
| Municipio d'Aragón | |||
| |||
.jpg) Vista de Biescas. | |||
| Entidat • País • Provincia • Comarca |
Municipio Aragón.svg){kind=small} UescaAlto Galligo | ||
| Superficie | 189,1 km² | ||
| Población • Total • Densidat |
1584 hab. (2013) 8,38 hab/km² | ||
| Altaria • Meyana |
875 m. | ||
| Distancia • 72 km • 16 km |
enta Uesca enta Samianigo | ||
| Alcalde | Luis Sebastian Estaun Garcia | ||
| Codigo postal | 22630 | ||
| Chentilicio | biesquense / pelaire | ||
| Fiestas | 14-18 d'agosto | ||
| Patrons | Sant Roque y Santa Helena | ||
| Parroquial • Diocesi |
Chaca | ||
| Ríos | Galligo | ||
| Coordenadas | |||
| Web oficial | |||
Historicament as prencipals actividatz d'a villa yeran l'agricultura y a ganadería, anque hue s'ha convertito en un important centro turistico como a gran parti d'as localidatz d'a val de Tena.
Localidatz d'o municipioEditar
Hue fan parte d'o municipio de Biescas muitas localidatz que d'antes más tenioron o suyo propio concello. O municipio de Biescas ye dividito en quatre partes a on se troban os lugars y lugarons que lo forman:
- A Tierra de Biescas, s'estendilla a o sud d'a villa y fan parte d'esta os lugars d'Orós Alto, Orós Baixo, Oliván, Escuer Alto, Escuer Baixo y Biescas.
- O Sobremont se troba sobre la Tierra de Biescas, en a compleganza d'o barranco d'Arás, formato por Aso de Sobremont, Betés de Sobremont y Yosa de Sobremont.
- A Val de Tena, a lo norte d'a villa de Biescas y dimpués de pasar o congosto de Santa Helena, a on se troban Búbal, Piedrafita de Tena, Polituara y Saqués.
- A Val de Gavín, en a parte oriental d'o municipio, mugando con o vecín municipio de Yesero por o puerto de Cotefablo, a on se troba Gavín.
Tamién fan parte d'o municipio as localidatz d'Ainielle (en o Sobrepuerto), Barbenuta, Bergusa, Casbas, Espierre, Susín y Xabierre-Cuarnas este zaguer en Sarrablo.
D'antes más o termin municipal yera dividito en dica seis concellos diferents:
- Gavín.
- Piedrafita (Búbal y Saqués).
- Oliván (Susín, Orós Baixo, Orós Alto y Casbas).
- Escuer.
- Aso de Sobremont (Yosa y Betés de Sobremont).
- Barbenuta (Espierre, Ainielle y Bergusa).
HistoriaEditar
B'ha restas d'a ocupación humana en os territorios de l'actual municipio de Biescas dende os tiempos prehistoricos como puet veyer-se en o dolmen de Santa Helena con materials d'a Edat d'o Bronze u a posible actividat humana arredol de l'ibón de Piedrafita.
En os tiempos d'os romans ya se sabe que i pasaba a calzata romana que'n puyaba dende Sabiniacum dica o balniario de Pandicosa. Más tarde mientres o periodo musulmán Biescas pendeba d'a ciudat de Wasqa.
Con a reconquiesta cristiana, entre os anyos 918 y 920, o territorio estió repoblato y lo conte Sancho Galíndez II establió lo monesterio de Sant Andreu d'o Cercito en l'anyo 950, construito por grupos de mozarabes que i plegoron dende Uesca.
Bi habioron numerosas envasions mientres o sieglo XVI en a val por parti de biarneses luterans, dirichitos por Antonio Pérez, secretario d'o rei Felipe I que heba fuyito ta Biarn, y refirmatos por Henrique IV de Francia. O 9 de febrero de 1592, dimpués d'o incendio d'a villa por os exercitos franceses, escayeció una batalla en Senegüé, en a Tierra de Biescas, en a quala os invasors estioron redotatos por tropas i plegatas dende Chaca. Dende allora o puesto d'a batalla se diz barranco d'os Luterans.
En a Guerra Civil a villa practicament fue destruita igual que atros lugars d'a redolada como Orós u Gavín.
NombreEditar
O toponimo Biescas significa probablement dos lugars, formato por o prefixo latín "bi-" y o sustantivo d'orichen prerromán "eska-oska" que significa lugar. Historicament os dos barrios d'a villa, A Penya y O Salvador, han estato deseparatos uno de l'atro por o río y os habitants d'un canto y de l'atro heban de pagar un impuesto ta cruzar o Galligo por o solo puent que existiba.
MolimentosEditar
.jpg)
- Ilesia de Sant Per, se troba en o barrio d'o mesmo nombre y se fació dencima d'una atra ilesia más antiga d'a que nomás i queda hue o muro septentrional. A suya cripta ye de l'anyo 1570. Ye la ilesia parroquial d'o barrio.[1]
- Ilesia d'o Salvador, orichinalment romanica d'o sieglo XII se destruyó en a Guerra Civil y hue nomás s'alza a suya cabecera. Ye situata en o barrio d'A Penya, estando-ne la suya ilesia parroquial.[1]
- Museu d'A Torraza, construita en 1580 A Torraza yera o palacio-fuerte d'o infanzón Chuan d'Acín, hue amuestra en o museu l'actividat militar d'a epoca.
- Caseta d'os Carboners, ye situata aintro d'a val de l'Asieso en metat d'a selva a bells 1.070 metros d'altaria. D'antis más la feban servir os carboners que treballaban en a val.
- Ermita y dolmen de Santa Helena, se troban os dos en a dentrata a la val de Lasieso.
Feria d'AgüerroEditar
Totas as anyatas se celebra en Biescas a metat d'octubre a Feria d'Agüerro. Actualment ye un d'os actos que más turistas trayen ta Biescas chunto con as fiestas. En a edición de l'anyo 2008 a feria tenió un presupuesto de 92.000€, estando o prencipal evento d'a localidat[2]
Tradicionalment yera una feria ganadera, pero actualment se realizan antimás de presents de bistiar, benda de produtos artesanals, esposicions de micolochía y actuacions musicals. Se divide en dos partes prencipalment, o pavellón d'a zona esportiba "Fernando Escartín Coti" a on se troban os puestos de produtos artesanals y os varanatos con o ganau que se troban chunto a o "Parque d'a Conchada". En o tradicional preset de bistiar destacan as razas montanyesas de uellas (como a churra tensina tipica d'a val, a rasa aragonesa, l'ansotana, a xisqueta, a lacha, a navarra, a castillonaise, l'aure-campan, a baregeoise, l'aranesa, a ripollesa u a rouge de Rousillon), caballos y mulas (como a mula u o macho pirenenco), crapas y bacas.
Entre os alimentos artesanals que se venden en a feria destacan cada vegata más en os zaguers anyos o paté y más que más o queso. En a edición de 2008 os vesitants mercoron más de 5 toneladas de queso.[3] En a feria se dan premios a os millors espositors de quesos, plegatos de totas as vals vecinas, prencipalment de l'Aragón, Roncal y d'as vals occitanas y tamién de Catalunya y País Basco. A feria fa parti d'o Rete de Ferias de Queso d'Espanya chunto con atras ferias aragonesas, catalanas, bascas, navarras y francesas.
DemografíaEditar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
AdministraciónEditar
Reparto de concellersEditar
| Partito | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 |
| Partido Aragonés | - | - | - | - | 3 | 3 | 4 | 4 | 3 | 5 | 4 |
| Partido de los Socialistas de Aragón | 5 | 4 | 5 | 4 | 3 | 3 | 2 | 3 | 3 | 3 | 3 |
| Partido Popular | - | 5 | - | 1 | 2 | 1 | 2 | 0 | 2 | 1 | 1 |
| Chunta Aragonesista | - | - | - | - | - | 1 | 0 | 1 | 0 | - | 1 |
| Izquierda Unida | - | - | - | 1 | 1 | 1 | 1 | 1 | 1 | - | - |
| Independients | - | - | 4[5] | - | - | - | - | - | - | - | - |
| Unión de Centro Democrático | 4 | - | - | - | - | - | - | - | - | - | - |
| Total | 9 | 9 | 9 | 9 | 9 | 9 | 9 | 9 | 9 | 9 | 9 |
AlcaldesEditar
| Lechislatura | Nombre | Partito politico |
|---|---|---|
| 1979-1983 | José Gracia Nerín | Partido de los Socialistas de Aragón |
| 1983-1987 | José María Bara Ibort | |
| 1987–1991 | Agustín Ramón Lacasa | Partido de los Socialistas de Aragón |
| 1991–1995 | Angel Allué Maza | Partido de los Socialistas de Aragón |
| 1995–1999 | Luís Sebastián Estaún García | Partido Aragonés |
| 1999–2003 | Mariano Fañanás Blanc | Partido de los Socialistas de Aragón |
| 2003–2007 | Luís Sebastián Estaún García | Partido Aragonés |
| 2007–2011 | Luís Sebastián Estaún García | Partido Aragonés |
| 2011–2015 | Luís Sebastián Estaún García | Partido Aragonés |
| 2015-2019 | Luís Sebastián Estaún García | Partido Aragonés |
| 2019-2023 | Luís Sebastián Estaún García | Partido Aragonés |
DitosEditar
Existiban a-saber-los ditos sobre los biesquenses entre los foranos que gosaban clamar-los "pelaires" (por l'antigo oficio de pelaire que yera prou estendillato en a villa) y tamién "perifollers" u "bueis de pata blanca", aquí s'amuestran dos ditos populars:
- Si vas ta Biescas,
- chugarás y aprenderás
- pero nunca ganarás
- La pelairina de Biescas
- se ha dehau de decir
- que con manzanas pudridas
- nos harían fuir
FiestasEditar
- De lo 14 a o 18 d'agosto, fiestas patronals en honor a Sant Roque y Santa Helena
- O 13 de chunio, en honor a Sant Antón de Padua se realiza una romería a l'ermita de Santa Helena.
- O tercer cabo de semana d'octubre, se fa a tradicional feria ganadera hue Feria d'Agüerro.
EsporteEditar
Presonalidatz naixitas de BiescasEditar
Categoría principal: Naixitos de Biescas.
Localidatz achirmanatasEditar
Vinclos externosEditar
Se veigan as imachens de Commons sobre Biescas.- (an) Biescas
- (es) Pachina oficial
- (es) Biescas en Os Zerrigueltaires
ReferenciasEditar
- ↑ 1,0 1,1 (es) Parroquias del Arciprestazgo de Biescas en o sitio web d'a Diocesi de Chaca.
- ↑ (es) Noticia d'a Feria en Aragón TV
- ↑ (es) Queso en a feria de Biescas
- ↑ Archivo electoral
- ↑ Grupo Independiente Biescas (GIMB)
| Municipios d'a comarca de l'Alto Galligo | |
|---|---|
| Biescas | Candarenas | Oz de Tena | Pandicosa | Samianigo | Sallent de Galligo | Yebra de Basa | Yesero |
| Lugars d'o municipio de Biescas | |
|---|---|
| Poblaus: Aso de Sobremont | Betés de Sobremont | Biescas | Escuer Baixo | Espierre | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta Despoblaus: Ainielle | L'Artosa | Bergusa | Búbal | Casbas | Escuer Alto | Polituara | Saqués | Susín |
| Lugars desapareixius d'o municipio de Biescas | |
|---|---|
| Busa | Estarluengo | Frascino | Güé | Isábal | Latiart | Santa Engracia | Sant Liebans |