Abrir menú principal
Iste articlo tracta sobre o lugar d'Ainielle. Ta atros emplegos d'o toponimo «Ainielle» se veiga Ainielle (desambigación).

Ainielle ye un chicot lugar situato en o Sobrepuerto a mán ya de Sobrarbe. Anque perteneixe a lo municipio de Biescas d'antis más yera ligato a lo concello de Barbenuta chunto a Espierre, y Bergusa. Con una altaria de 1.355 ye uno d'os lugars más altos d'o Pireneu.

Ainielle
Localidat d'Aragón
Ainielle (Uesca).jpg
O lugar d'Ainielle
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Alto Galligo
Biescas
Población
 • Total

0 hab.
Altaria 1.355 m.
Distancia
 • 86 km

enta Uesca
Codigo postal 22630
Parroquial
 • Diocesi
 •Arciprestato

Chaca
Biescas

Hue ye albandonato y bi ha solo que as ruinas de siet casas y una ilesia. Tamién destacan as restas d'un molín de farina d'o sieglo XVIII. Yera dividito en dos vicos. Tradicionalment as casas d'Ainielle yeran Casa O Rufo, Casa Ambrosio, Casa Usieto, Casa Escartino, Casa Juan, Casa Botero, Casa Franco, Casa Pardo, Casa Bergua y Casa Juan Antonio.

Ainielle estió albandonato en l'anyo 1960, anque José d'o Rufo, un hombre mayor y viudo estió encara o zaguer habitant d'o lugar dica l'anyo 1971 quan tamién o dixó.

O lugar s'ha feito muit conoixito gracias a la novela de Julio Llamazares A plebia amariella an recenta a historia d'o zaguer habitador d'Ainielle.

Ainielle se troba en as garras occidentals d'o sarrato que en atros lugars de Sobrepuerto en dicen sarrato d'Ainielle. Iste sarrato fa de divisoria d'auguas entre a cuenca hidrolochica d'o río Galligo y a de l'Ara, por a part de Sobrepuerto, y o barranco que naixe aman d'o lugar, o barranco d'Ainielle, ye afluent directo d'o barranco d'Oliván. O sarrato d'Ainielle ye una extensión d'a sierra d'Erata, un d'os macizos que delimitan o Sobrepuerto, y yera a muga historica que despartiba o condau d'Aragón y o Sobrarbe[1], coincidindo con as mugas actuals d'as comarcas de l'Alto Galligo y Sobrarbe.

ToponimiaEditar

En o Libro del Reparo del General de 1489-1491 s'escribe Ainiello.

ReferenciasEditar