Sant Liebans

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sant Liebans estió un lugar medieval, hue ye desapareixiu en l'actual municipio de Biescas (Alto Galligo). As suyas tierras habría estau cautivadas mientres sieglos por os habitants de Gavín, que ye l'actual localidat mas amanada. Encara se i troban bels muntoneras de piedras por os campos a on yera o lugar y una caseta feita aproveitando istos repuis.

Sant Liebans
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Biescas
Partiu chudicial	Chaca
Población  • Total	0 hab.
Codigo postal	22630
Parroquial  • Diocesi  • Arcipestrau	Chaca Biescas
Coordenadas	42°39’ 1’’N 0°15’ 5’’U
Sant Liebans Sant Liebans en Aragón

Toponimia

Podría fer referencia a un sant Liebans orichinario de Siria y que vivió alto u baixo en o sieglo IV.

Historia

Iste despoblau ye indocumentau, encara que habió de fer parti d'a orbita d'o monesterio de Sant Pelai. A unica posible referencia ye un documento d'iste monasterio que charra d'un lugar no localizau dito Lanuschella que podría estar iste mesmo.

Como en atros muitos lugars, aquí tamién se conserva o mito d'as güelas. En iste caso as viellas dimpués de demandar asilo en Yesero y d'estar refusadas, baixoron ta Gavín, estando acullidas y donando todas as suyas posesions a iste lugar. En iste caso dimpués os de Yesero reclamaban tamién a posesión d'as tierras y se diz que s'achuntoron a meyo camín pa peliar. Un d'os de Gavín chitó una piedra enta l'aire y en cayer ta tierra levaba escrito "deixar estar as güegas", por o que toz creyioron que yera una intervención divina y deixoron de barallar. Dimpués os de Gavín tornoron ta o suyo lugar con lenya pa pretar fuego a la unica casa que no heba puyau a esfender os dreitos de posesión d'as tierras.