Pardina de l'Artosa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A pardina de l'Artosa (en castellano pardina de Lartosa) ye una pardina situada baixo as auguas de l'entibo de Búbal, debant d'o lugar de Saqués, en o municipio de Biescas (Alto Galligo).
| Pardina de l'Artosa | |
| Pardina d'Aragón | |
 Ruinas de l'Artosa | |
| Entidat • País • Provincia • Comarca • Municipio |
Pardina Aragón.svg){kind=small} UescaAlto Galligo Biescas |
| Partiu chudicial | Chaca |
| Población • Total |
0 hab. (2020) |
| Altaria • Meyana |
1063 m. |
| Codigo postal | 22630 |
| Parroquial • Diocesi • Arcipestrau |
Chaca Biescas |
| Coordenadas | |
O lugar yera formau por una ilesia romanica d'una sola nau adedicada a Santa María y a pardina, situadas a bels 300 metros d'o puesto a on desembocaba o barranco de Gorgol en o Galligo.
Toponimia editar
Como o suyo propio nombre indica, una artosa ye un "puesto con artos".
Historia editar
Apareixe por primera vegada en un documento relacionau con o monesterio de Sant Chuan d'a Penya o 22 de chunio de 1394, en o que o propio monesterio atreuda a Raimundo de l'Artosa, a suya filla y os suyos descencients a ilesia de Santa María de l'Artosa y a casa chunto a la ilesia. Perteneixeba a o priorato de Cercito, a on heba de bosar os treudos.
Administrativament l'Artosa perteneixeba a lo concello de Tramacastiella, pero ya en o sieglo XV os vecins de Saqués demandoron un dreito de vecindat que les permitiba d'emplegar o molín y levar a paixentar a lo bestiar a los monts de Tramacastiella. Tamién a electricidat a preneban d'a pardina dica que se construyó a central d'Escarriella.
En 1845 Pascual Madoz contabiliza nomás una casa que incluyiba un molín farinero. Ya en zaguerías d'a decada de 1920 bi habió un grieu incendio en a casa y a ilesia que fue reconstruyida poco dimpués. Dende l'anyo 1969 se troba baixo as auguas de l'entibo de Búbal.
O labrador y ganadero Pedro Arruebo (Tramacastiella de Tena, 1608), conoixiu por haber estau chuzgau por bruixería por o Tribunal d'a Enquisición de Zaragoza entre os anyos 1635 y 1640, estió logatario d'a pardina de l'Artosa.
Vinclos externos editar
| Lugars d'o municipio de Biescas | |
|---|---|
| Poblaus: Aso de Sobremont | Betés de Sobremont | Biescas | Escuer Baixo | Espierre | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta Despoblaus: Ainielle | L'Artosa | Bergusa | Búbal | Casbas | Escuer Alto | Polituara | Saqués | Susín |