Orós Alto
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Orós Alto ye un chicot lugar d'a provincia de Uesca situato en a Tierra de Biescas.[1] Se troba a 1 km. d'o vecín Orós Baixo, en a marguin ezquierda d'o río Galligo y amán d'o barranco de Sía.
| Orós Alto | |
| Lugar d'Aragón | |
 Vista d'Orós Alto | |
| Entidat • País • Provincia • Comarca • Municipio |
Lugar Aragón.svg){kind=small} UescaAlto Galligo Biescas |
| Partiu chudicial | Chaca |
| Población • Total |
30 hab. |
| Altaria • Meyana |
835 m. |
| Distancia • 63 km |
enta Uesca |
| Codigo postal | 22630 |
| Chentilicio | orosino |
| Parroquial • Diocesi • Arcipestrau • Parroquia |
Chaca Biescas Sant Istevan |
| Coordenadas | |
Perteneixió a Olibán en chunto con Casbas y Orós Baixo entre 1860-1873, d'antis mas formaba dende l'anyo 1834 un municipio independient con Orós Alto e dende 1845 tamién con Casbas.
En o sieglo XV yera Orós de Suso y teneba 5 fuegos. A primer vegata que se documenta o lugar ye en a "Colección Diplomatica de Uesca", en 1149, a on diz "Acenar, abbate de Oros et Espier".
O chentilicio d'Orós Alto ye orosino, pero les dicen en a redolada "colers". As casas d'o lugar son Antón, Canyardo, Jacinto, Puértolas, Piquero, Tejedor, Catalán y Navarro.
Luengas y parlas editar
Francho Nagore publicó un estudio sobre l'aragonés charrato por una familia orosina que da a conoixer bel rasgo d'a parla d'iste lugar,[2] bien que ta quitar-ne conclusions s'ha de fer cuenta que a duenya d'a familia yera venida de Pandicosa.
Molimentos editar
Ilesia de Sant Istevan d'Orós Alto, una ilesia con una sola nau adedicada a Sant Istevan que se construyó en o sieglo XVI y dimpués se reformó en o sieglo XIX. Ye la ilesia parroquial d'o lugar, encara que en la web d'a Diocesi de Chaca adxedicada a l'Arcipestrau de Biescas d'o que en fa parte en dicen que ye consagrada a Nuestra Sinyora.[3]
No destacan guaire a resta de construccions ya que cuasi totas se destruyoron en a Guerra Civil.
Bibliografía editar
- Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.
Referencias editar
- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.358
- ↑ (es) Francho Nagore Laín L'aragonés charrato por una familia d'Orós Alto (Tierra de Biescas) en 1977: bellas anotazions. Homenaje a "Amigos de Serrablo", 1989, ISBN 84-86856-27-2 , pags. 331-366 [1]
- ↑ (es) Parroquias del Arciprestazgo de Biescas en o sitio web d'a Diocesi de Chaca.
| Lugars d'o municipio de Biescas | |
|---|---|
| Poblaus: Aso de Sobremont | Betés de Sobremont | Biescas | Escuer Baixo | Espierre | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta Despoblaus: Ainielle | L'Artosa | Bergusa | Búbal | Casbas | Escuer Alto | Polituara | Saqués | Susín |