Orós Alto

Orós Alto ye un chicot lugar d'a provincia de Uesca situato en a Tierra de Biescas. Se troba a 1 km. d'o vecín Orós Baixo, en a marguin cucha d'o río Galligo y amán d'o barranco de Sía.

Orós Alto
Lugar d'Aragón
Vista d'Orós Alto
Entidat  • País  • Provincia  • Comarca  • Municipio	Lugar Aragón  Uesca Alto Galligo Biescas
Población  • Total	30 hab.
Altaria	835 m.
Distancia  • 63 km	enta Uesca
Codigo postal	22630
Chentilicio	orosino
Parroquial  • Diocesi  •Arciprestato	Chaca Biescas
Coordenatas	42°36’25’’N 0°18’59’’U
Orós Alto Situación de Orós Alto en Aragón

Perteneixió a Olibán en chunto con Casbas y Orós Baixo entre 1860-1873, d'antis más formaba dende l'anyo 1834 un municipio independient con Orós Alto e dende 1845 tamién con Casbas.

En o sieglo XV yera Orós de Suso y teneba 5 fuegos. A primer vegata que se decumenta o lugar ye en a "Colección Diplomatica de Uesca", en 1149, a on diz "Acenar, abbate de Oros et Espier".

A suya ilesia parroquial de San Isteban se construyó en o sieglo XVII y dimpués se reformó en o sieglo XIX. No destacan guaire a resta de construccions ya que quasi totas se destruyoron en a Guerra Civil.

O chentilicio d'Orós Alto ye orosino, pero les dicen en a redolada "colers". As casas d'o lugar son Antón, Canyardo, Jacinto, Puértolas, Piquero, Tejedor, Catalán y Navarro.

Parla

Francho Nagore publicó un estudeyo sobre l'aragonés charrato por una familia orosina que da a conoixer bells rasgos d'a parla d'iste lugar, bien que ta quitar-ne conclusions s'ha de fer cuenta que a duenya d'a familia yera venida de Pandicosa.

Bibliografía

• Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.