Glera
Una glera[1][nota 1] (d'o latín <GLAREA[2]) ye una aria a on se son acumulatas as piedras y ruellos de forma superficial en o terreno, a sobén perque han estato arrocegatos dica astí per un curso d'augua u bien arrullatos en ixe puesto per a mar.
En aragonés, en os lugars que no tienen garra río u curso d'augua cabaloso en a comarca, o termin glera a sobén tamién s'emplega ta cualsiquier puesto do los cantals bi sigan acumulatos de traza natural (en contraposición con as torrocatas, que dimanan d'estorrocar-se las construccions humanas) y s'emplega ta referir-se a las tarteras d'a montanya. Ixe uso segundo se puet considerar una adaptación per contimparanza con as gleras fluvials y no pas un termino especifico, perque ta ixo se conoixe en tot lo Pireneu a parola «tartera» que ye un termino mes achustato.
Se veiga tamién
editarNotas
editar- ↑ Con as variants gllera, lera, llera, illera
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602
Vinclos externos
editar
O Biquizionario tien una dentrada sobre glera.
Datos: Q13049127
