Abrir menú principal
Castiello Mayor
125.Castiel Mayor.jpg
Situación
Situación Flag of Aragon.svg Puértolas (Uesca)
Latitut 42º 31' 14" Norte
Lonchitut 0º 14' 10" Este
Vértiz cheodesico 17894
Cheografía
Cordelera Sierras interiors pirenencas
Sierra {{{sierra}}}
Macizo {{{macizo}}}
Altaria 2014 m
Alpinismo
Primera puyada
Ruta mas fácil Dende Puértolas, por o camín
d'a solana d'o Castiello.
Mapa
Perineu Aragonés (orografía).png
Montanya.svg

O mallo d'o Castiello Mayor (tamién Castiel Mayor ocasionalment) ye una formación calsinera que se troba d'entre la valle de Puértolas y la de Tella, anque por suerts d'a partición municipal, está de raso adintro d'o municipio de Puértolas, pos éste encluye mesmo los lugars d'o canto meridional (Puértolas, Bestué, Santa Chusta) como los d'a man norte (Biés y Escuaín) anque éstes zagueros se troban abocatos en a valle de Tella.

O Castiello Mayor tiene dos puntons prencipals: o Castiello Mayor propiament dito, con 2.014 m, y la penya de l'Hombre (1.989 m), en o cabo nordueste.

A diversidat floristica d'o paco d'o Cillo de Mallarruego, en l'endreito d'a Font Frida (Escuaín).

Per o surueste, las gleras d'As Col·laruelas en fan la baixada enta los barrancos de l'Arrés per la man puertolasa. Perque ye tan ferioso per os cantos, embironato quasi en os 360º per cillos y penyas que fan d'ir como que son murallas (per ixo ye que tiene l'apelativo castiello), ye una montanya bien particular, pos nomás permite de puyar-ie per una canal que tiene per o canto de Puértolas, la dita solana d'o Castiello, ésta ye tan estreita que ta trancar-la no cal sique un baranato simple, de poquetz metros, que deixa tota la montanya convertida en una corral chigantiza, y asinas s'ha emplegato tradicionalment.

O paco d'esta montanya, d'a parte per on s'encieta lo Cillo de Mallarruego dica lo garrot de la "Traslapenna" (se veiga la etimolochía tras-la-penna) ye una d'as zonas de selvas caducifolias més diversas d'os arredols d'o Parque Nacional d'Ordesa y d'as Tres Serols, con puestos como la clamor de la Font Frida (ta part d'Escuaín) a on lo sol nunca no alcanza a tocar mica.

En a suya cima bi ha un vértiz cheodesico.

Vinclos externosEditar