Sufixo -eto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo sufixo -eto deriva de lo sufixo latín -ĒTUM y se troba sobre tot en la toponimia.^[1]^[2] Las formas en -eto, -eta responden a la fonetica de l'aragonés central pero pueden trobar-sen en la toponimia de zonas que ya no tienen esta fonetica. Las formas -edo, -eda se troban en zonas que sonorizan y son las presents tanto en la scripta aragonesa como en la toponimia de las zonas de l'aragonés de la val d'Ebro y de las comunidaz aragonesas. La forma -et ye producto de l'apocopa.

Eixemplos

Aceret < ACERETUM.
Aineto < ¿AGIN? + -ETUM (¿"taixera"?).
Albaredas.
Albareta.^[2]
Arcedo.
Buixeta^[1] < BUXETUM.
Caneto < CANNETUM.
Cosculleto.^[1]
Espinalbeta.
Fraixineto < FRAXINETUM.
Loreto < LAURETUM.
Loteta < LOTETUM.
Pineta^[1] / pineda / pinedo^[2] < PINETUM.
Nogueta.
Romareda.
Santet < ¿ABSINTHETUM?
Serveto.
Troncedo.
Uermeda < OLMETUM.

Variant metafonica -ito

Bi ha una variant en -ito producto d'una metafonía en la evolución fonética dende lo latín a l'aragonés:^[3]^[4]

Acherito.
Cercito < QUERCETUM ("carrascal").
Fondanito
Gabardito.
Fraixinito < FRAXINETUM.
Lenito.
Nocito < NUCETUM.
Petrito / petrit:^[1] PETRETUM.

Emplego con elementos inertes

En latín ye documentau lo emplego de lo sufixo -ETUM acompanyando a elementos inertes en palabras como SEPULCRĒTUM. En las luengas romances como l'aragonés bi ha uns pocos toponimos formaus a partir d'elementos inernes documentaus u no en latín.

Acherito. Interpretable a partir de lo basco "atxa" ("penya"), que habría estau amprau por lo latín tardano local u por l'aragonés occidental preliterario como achar u acher.
Balcez < Balcet (en singular) < BALCĒTUM.
Borreto < BURRĒTUM.
Fondanito / Fondaneda.
Fuset.
Lenito. Interpretable a partir de la palabra prerromana LENA que orichinó en aragonés liena.
Petrito / petrit:^[1] PETRĒTUM.
Tobet: TOBĒTUM.
Tormeda.

Combinacions con atros sufixos

Bi ha combinacions de -eto con lo diminutivo -iello:

Olmediella.
Salcediello.

Comparanza con atras luengas romances

Este sufixo tiene encara muito emplego en italiano: acereto, agrumeto, canneto, castagneto, cipresseto, etc...

En francés la evolución de -ETUM ye -aie y tamién tiene muita vitalidat: aulnaie, boulaie, buxaie, frênaie, hêtraie, etc...

En occitán y catalán ye -et, -eda: fageda, pineda, roureda.^[5]

En catalán bi ha toponimos con metafonía en -it (Castellfollit). Por lo suyo pareixiu tanto en fase romanz como en fase latina con lo diminutivo -et (latín -ETTU-M) que iba substituyindo a lo diminutivo -iello (latín -ELLUM), s'han produciu confusions que explican toponimos con este diminutivo asociaus a fitonimos tipo Pinet > Pinell.

En castellano ye -edo, -eda y ye poco productivo porque retaculó debant de los sufixos -al y -ar. Derivan dreitament de la forma sufixada latina: arboleda, cañedo, moredo, nocedo, olivedo, olmedo, pineda, robledo y viñedo (muitos d'ellos desusaus). Son derivaus de palabras patrimonials acebeda, alameda, avellaneda, castañeda, fresneda y pereda. Con elementos inertes tenemos fontaneda y roquedo. Bi ha combinacions con los competidors -al y ar: lauredal, robledal, rosaleda, etc...

En galaicoportugués la forma común ye -edo. Bi ha toponimos con metafonía en -ido (Lourido, Salzido), y con la terminación -ndo si la radiz de lo fitonimo leva una n y s'une a la d (Abeiendo, Abeienda, Castendo, Castenda, Freijinde, Pindo).^[5]

Toponimos mozarabes con sufixos derivaus de -ĒTUM

Los toponimos mozarabes con este sufixo pasaus a traviés de l'arabe pueden presentar-sen como -it y dimpués castellanizar-sen con vocal de refirme -e en -ite:

Alberit < ARBORETUM.
Belchit < ¿GEMELU ILICETUM?^[6]
Castiflorit < CASTRO FOLLETUM.
Monflorit.^[7]

Fuera d'Aragón se puede veyer un proceso pareixiu:

Fregenite < FRAXINETUM.^[7]
Lentegí < LENTISCETUM.^[7]

Manimenos, también se pueden presentar con la e orichinal:

Arbeteta < ABIETETUM.
Beteta < ABIETETUM.
Brunete < PRUNETUM.
Cañete < CANNETUM.^[6]
Carrasqueta.
Matet.
Rebollet.
Rodenet.
Sacanyet.
Teixeta < TAXETUM.

Referencias

↑ ^1,0 ^1,1 ^1,2 ^1,3 ^1,4 ^1,5 (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. p. 197.
↑ ^2,0 ^2,1 ^2,2 (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions - Institución Fernando el Católico (2003), p. 313.
↑ (es) Jesús Vázquez Obrador: Nombres de lugar de Sobrepuerto : análisis linguístico. Comarca Alto Gállego, D. L. 2002. Serie: Yalliq nº 4, p 255.
↑ (es) José Antonio Saura Rami: Penapurco, Pallerulo, Renunco: apostillas al fenómeno de la metáfora en el paleorromance de la Ribagorza oriental. Publicau en: Alazet: Revista de Filología, ISSN 0214-7602, Nº 16, 2004, pp. 175.
↑ ^5,0 ^5,1 (ca) María Reina Bastardas Rufat: La formació dels col·lectius botanics toponímia catalana. Reial Acadèmia de Bones Lletres, (1994).
↑ ^6,0 ^6,1 (es) Emilio Nieto Ballester, Araceli Striano: Breve diccionario de topónimos españoles. Alianza Editorial, 1997.
↑ ^7,0 ^7,1 ^7,2 (es) Carlos Benjamín Jordán Cólera: De nuevo sobre el topónimo 'Botorrita' . Publicau en: Fontes linguae basconum: Studia et documenta, ISSN 0046-435X, nº 26, Nº 66, 1994, pp. 311-326.

Bibliografía

(es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6
(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.
(es) Ángel Ballarín Cornel: Diccionario del Benasqués. Institución Fernando el Católico, Zaragoza, 1971.

Datos: Q110099940

[TELLALOZANO-1] 1,0 ^1,1 ^1,2 ^1,3 ^1,4 ^1,5 (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. p. 197.

[SAURABEN-2] 2,0 ^2,1 ^2,2 (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions - Institución Fernando el Católico (2003), p. 313.

[SOBREPUERTO-3] (es) Jesús Vázquez Obrador: Nombres de lugar de Sobrepuerto : análisis linguístico. Comarca Alto Gállego, D. L. 2002. Serie: Yalliq nº 4, p 255.

[SAURONMETAFONIA-4] (es) José Antonio Saura Rami: Penapurco, Pallerulo, Renunco: apostillas al fenómeno de la metáfora en el paleorromance de la Ribagorza oriental. Publicau en: Alazet: Revista de Filología, ISSN 0214-7602, Nº 16, 2004, pp. 175.

[COLECTIUSBOTANICS-5] 5,0 ^5,1 (ca) María Reina Bastardas Rufat: La formació dels col·lectius botanics toponímia catalana. Reial Acadèmia de Bones Lletres, (1994).

[DICCIONARIOTOPONIMIANIETO-6] 6,0 ^6,1 (es) Emilio Nieto Ballester, Araceli Striano: Breve diccionario de topónimos españoles. Alianza Editorial, 1997.

[TOPONIMOBOTORRITA-7] 7,0 ^7,1 ^7,2 (es) Carlos Benjamín Jordán Cólera: De nuevo sobre el topónimo 'Botorrita' . Publicau en: Fontes linguae basconum: Studia et documenta, ISSN 0046-435X, nº 26, Nº 66, 1994, pp. 311-326.

[1]

[2]

[3]

[4]

[5]

[6]

[7]