Herbers

Herbers (Herbés en castellán, Herbers en catalán) ye un municipio d'a provincia de Castellón, situato en a comarca de Los Puertos de Moriella. A suya población ye de 72 habitants (2006), en una superficie de 27,1 km² con una densidat de 2,66 hab/km².

Herbers
Municipio d'o País Valencián
Entidat  • Estau  • Comunidat  • Provincia  • Comarca	Municipio Espanya  País Valencián Castellón Los Puertos de Moriella
Superficie	27,1 km²
Población  • Total	72 hab. (2006)
Altaria	672 m.
Distancia  • 130 km	enta Castellón de la Plana
Codigo postal	12317

Cheografía

Ye situato en a cuenca d'o río Matarranya, chunto a lo Barranco d'Escalona, que en Penyarroya s'achunta con a Escresola y forma o río Tastabins. Tiene mas relación tradicional con os lugars meridionals d'a comarca d'o Matarranya que con Moriella.

Mugas

O suyo termin muga con Castiel de Crabas, con Moriella, con Torre d'Arcas, con Mont Royo y con Penyarroya.

Nombre

Enantes lo clamaban Herbers Jussans pa diferenciar-lo d'Herbers Sobirans, actual Herbeset d'o municipio de Moriella. Quan se mugó lo termin de lo Castiello de Moriella en 1232 s'escribe Herber Iusano en aragonés, pero en un texto latín:

Quos predictos terminos ita assignaverunt, scilicet sic incipientes in valle de los Pardos, et per vallem vallem vadit ad illam costam del Andador, et ibi dividit terminum cum Montroy, et transit per illas picueças et descendit per illos çerros, et transit per congostum de illis pinnis, Herber Iusano intus stando, transit per illas pinnas et vadit ferire ad fundum de la Scalarola, dicta Scalarola intus stando

.

Curiosidatz

Por a suya proximidat a lugars d'o Matarranya terolán, tien prefixo telefonico de Teruel (978) y no pas de Castellón.