Monegros

	Monegros
	Comarca d'Aragón
	; Anvista dende l'armita d'a Virchen de Magallón (Lecinyena).
Capital; •Municipios	Sarinyena; 31
Entidat; •País; •Provincia	Comarca; Aragón; Uesca y Zaragoza
Superficie; •Total	; 2.764,9 km²
Población; •Total; •Densidat	; 21.641 hab. ; 7,8 hab./km²
Chentilicio	Monegrino/a
	; Mapa de situación en Aragón
	www.losmonegros.com

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os Monegros ye una comarca aragonesa dividita entre as provincias de Zaragoza y Uesca.

Cheografía

A sierra d'Alcubierre trescruza a comarca de norueste ta sud-este, adubindo a suya mayor altaria en mont Escuro a 822 metros. O clima ye semiarido con escasas plevias y alteras temperaturas en verano. Bi ha muitas lacunas saladas y basetas que forman o complexo endorreico mas important d'Europa. Destacan a lacuna de Sarinyena y a salada d'a Playa.

Muga a o norte con a Plana de Uesca, a l'este con Semontano de Balbastro, Cinca Meya y Cinca Baixa, a l'ueste con a comarca de Zaragoza y a o sud con a Ribera Baixa d'Ebro y Baixo Aragón-Casp.

Toponimia

O toponimo Monegros fa referencia a la escuritat d'a vechetación que bi heba en a Edat Meya antes d'una intensa deforestación por causas ganaderas. En aragonés medieval se documenta o toponimo comarcal en singular:

lugar de Alcuujerre sitiado en tierras de montnegro deiuso confrontado...^[2]

Tamién Cheronimo Zurita se refiere a esta comarca en singular en o sieglo XVI en castellano d'o sieglo XV:

que todos los mantenimientos, y viandas que auía en las comarcas de Huesca, Barbastro, Monçon, Tamarit, Sariñena, y Montnegro se lleuassen a los lugares...

Territorio y población

Num.	Municipio	Superficie (km²)^[3]	% d'o total	Población (2011)^[4]	% d'o total	Altaria (metros)^[3]	Lugars
1	Albalatiello	9,1	0,3	237	1,1	259
2	Albero Baixo	22,2	0,8	109	0,5	411
3	Abaruela de Tubo	20,8	0,8	355	1,7	350	Sodeto.
4	Alcubierre	115,3	4,2	439	2,1	466
5	L'Almolda	131,3	4,7	615	3,0	491
6	Almunient	37,6	1,4	550	2,6	337	Frula.
7	Barbués	19,6	0,7	96	0,5	361
8	Burcharaloz	120,9	4,4	1.048	5,0	327
9	Cabosaso	17,7	0,6	176	0,8	313
10	Castillón de Monegros	165,3	6,0	649	3,1	466
11	Castiflorit	34,8	1,3	128	0,6	310
12	Farlet	104,1	3,8	435	2,1	413
13	Granyén	124,0	4,5	1.988	9,5	332	Callén, Curbe, Fraella, Montesusín.
14	Huerto	86,7	3,1	267	1,3	370	Usón, Venta de Ballerías.
15	Lanacha	183,7	6,6	1.381	6,6	369	Cantalobos, Orillena.
16	Lecinyena	178,6	6,5	1.339	6,4	415
17	A Lueza	88,2	3,2	1.089	5,2	285	Marcén, Sant Lorient d'o Flumen.
18	Monegrillo	183,2	6,6	472	2,3	437
19	Penyalba	156,7	5,7	765	3,7	254
20	Perdiguera	109,8	4,0	651	3,1	473
21	Polinyino	33,0	1,2	224	1,1	290
22	Robres	64,3	2,3	606	2,9	400
23	Sangarrén	32,2	1,2	231	1,1	379
24	Sarinyena	275,6	10,0	4.402	21,1	281	Cartuixa de Monegros, a Masadera, Lastanosa, Pallaruelo de Monegros, Sant Chuan d'o Flumen.
25	Sena	104,7	3,8	549	2,6	221
26	Senés d'Alcubierre	20,5	0,7	64	0,3	390
27	Tardienta	90,6	3,3	998	4,8	389
28	Torralba d'Aragón	40,4	1,5	107	0,5	380
29	Torres de Barbués	13,9	0,5	301	1,4	345	Valfonda de Santa Ana.
30	Val Farta	33,2	1,2	90	0,4	372
31	Villanueva de Xixena	146,4	5,3	478	2,3	231
#	Os Monegros	2.764,4	100,0	20.839	100,0	—

Gastronomía

Farinosos.
Cesteta: torteta con matafalúa con un uego duro, tipico pa luns de Pascua en Castillón de Monegros.^[5]
Tortas de matacía.
Torta adormida de Lanacha.