Lanacha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lanacha (Lanaja en castellano) ye un municipio aragonés d'a provincia de Uesca, situau en a comarca d'Os Monegros y partiu chudicial de Uesca.

Lanacha Lanaja
Municipio d'Aragón
Entidat  • País  • Provincia  • Comarca	Municipio  Aragón  Uesca Monegros
Partiu chudicial	Uesca
Superficie	184 km²
Población  • Total  • Densidat	1173 hab. (2012) 6,38 hab/km²
Altaria  • Meyana	369 m.
Distancia  • 50 km	enta Uesca
Codigo postal	22...
Parroquial  • Diocesi  • Arcipestrau  • Parroquia	Uesca Monegros Asumpción de Ntra. Sra.
Coordenadas	41°46’22’’N 0°19’41’’U
Lanacha Lanacha en Aragón
Web oficial

A suya población ye de 1173 habitants en una superficie de 184 km² y una densidat de población de 6,38 hab/km².

Cheografía

A localidat de Lanacha se troba situada a 369 metros d'altaria sobre o livel d'a mar, a una distancia de 50 km d'a ciudat de Uesca, a capital d'a suya provincia y d'o suyo partiu chudicial.

Toponimia

En a Edat Meya s'escribiba Lanaia (1264), Lanaya, Lanaga, Lanayla. Encara en o Fogache de 1495 s'escribiba Lanaja, cuan muitos toponimos tergüelans ya s'escribiban con -x- castellana en cuenta d'a -j- castellana que se presentaba en os casos que en aragonés bi ha -ll- u -ch-.

Un eixemplo de mención d'este lugar en aragonés medieval lo tenemos en un texto de 1385, relativo a lo monesterio de Sixena, s'escribe La Naya, y ye curioso porque huei o chentilicio en castellano ye najino y no lanajino:

en nompne de qui de suso atorgo e viengo de manifiesto que he avido e rezibido de los Jurados e homes buenos de los concellyos de la Naya de Burjalaroz de Campdasinos e de Ontinyena de Sena e de Villyanova de Sixena

En a documentación medieval d'a cort d'o Chusticia de Ganaders de Zaragoza (1472-1492) podemos leyer Lanacha, y tamién se documenta Lanacha como apelliu en 1430.

A XX de julio del anyo mil CCCCLXXXXI conparece ante la presencia de vos el muy magnífico senyor don Gil de Gracia, así como Justicia de los Ganaderos de la ciudat de Çaragoça, perssonalment Johan de Vinias, vezino y ganadero de la dicha ciudat de Çaragoça, con vozes de (a)pellido diziendo que como él tobiesse [* (en) el mes de mayo del dicho anyo] su cabanya de ganado menudo en el término de la villa de Lanacha y con aquel ganado usufructuándolo el dicho término por virtut de los privilegios de la dicha ciudat, enpero el dicho ganado, no faziendo mal ni danyo en pan ni en vino y guardando a la dicha villa huna deffesa privilegiada, siquiere boalar, iusta el tenor del fuero del Regno, dize el dicho apellidant

En un texto de 1492 o chusticia de Uesca que por un regular se nombra como Martín de Lanaja ye mencionato como Martín de Lanacha.

delante los senyores don Martin de Lanacha, justicia, don Pedro de Moros, juez de la hermandat

.

En o libro Vida de las mujeres del renacimiento amaneix un texto d'o sieglo XV en o que s'escribe "Gracia Lanacha" debant d'atros textos on s'escribe con grafía mes medieval Gracia Lanaja:

Actendient et considerant yo, dita Gracia Lanacha haver spendido en la enfermedat de Johan de Palaçio, Gostança de Palaçio, fillos míos y del dito don Bertholomeu, y hermanos del dito don Vicient

En castellano d'o sieglo XVII s'escribiba Lanaxa y existiba l'apelliu Lanaxa. Sindembargo a chent que preba de recuperar l'aragonés en este lugar han preso o nombre de Fablans de l'Aragonés en Lanaxa seguindo a creyencia entivocata de pensar que lo que en castellano ye con g, j se fa aragonés cambiando a j velar por una x.

En a microtoponimia claman l'atención os toponimos Val de Lupo, Penyalveta, La Maleta, Barranco de los Paules, Barranco de Balonguera, y sobretot o chacimiento romano de La Mascarata, y una costrucción hidraulica que encara mantién a suya denominación aragonesa: El canyo.

Demografía

Evolución demografica

1992 1994 1996 1997 1998 1999 2000 2001 2002 - - - - 1.605 1.574 1.569 1.552 1.545

2003 2004 2005 2006 2007 2008 2009 2010 2011 1.496 1.481 1.478 1.457 1.461 1.478 1.460 1.417 1.381

2012 2013 2014 2015 2016 2017 2018 2019 2020 1.358 1.340 1.324 1.268 1.231 1.179 1.202 1.174 1.163

2021 2022 2023 2024 2025 2026 2027 2028 - 1.195 1.189 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concelleros

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									6
Partido Popular									2
Chunta Aragonesista									1
Total									9

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Armando Borraz Alcubierre	Partido de los Socialistas de Aragón
2015–2019
2019–2023
2023–2027	Aranzazu Barcos Gazol	AE Locur

Curiosidaz

En 1875 morió en iste lugar o famoso bandido Cucaracha.

Esportes

• O fútbol ye representato por l'Asociación Deportiva Lanaja.

Bibliografía

• Federico Balaguer Sánchez: Los Argelet durante la expulsión de los judíos oscenses (1492), en Argensola: Revista de Ciencias Sociales del Instituto de Estudios Altoaragoneses.
• José Antonio Fernández Otal; Documentación medieval de la Corte del Justicia de Ganaderos de Zaragoza. Institución Fernando el Católico. Corte del Justicia de Ganaderos de Zaragoza, Casa de Ganaderos de Zaragoza - 1995.
• Blanca Garí de Aguilera (coordinadora): Vidas de mujeres del Renacimiento. UBe.

Referencias

• Datos: Q984669
• Multimedia: Lanaja / Q984669