Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Navachas (Navajas en castellano, Navaixes catalán) ye un municipio de la provincia de Castellón, situato en la comarca de l'Alto Palancia. La suya población ye de 641 habitants (2005), en una superficie de 7,9 km² con una densidat de población de 81,14 hab/km².

Navachas
Municipio d'o País Valenciano
Bandera Escudo d'armas
Anvista de Navajas
Entidat
 • Estau
 • Comunidat
 • Provincia
 • Comarca
Municipio
 Espanya
 País Valenciano
Castellón
Alto Palancia
Superficie 7,9 km²
Población
 • Total

840 hab. (2013)
Altaria
 • Meyana

383 m.
Distancia
 • 69 km

enta Castellón de la Plana
Codigo postal 12470
Coordenadas
Navachas ubicada en País Valencián
Navachas
Navachas
Navachas en Comunidat Valenciana
Web oficial

Toponimia editar

La documentación antiga ofreixe pa esta localidat los toponimos documentals Navalles, Navages, Navaxes y Navajas. Las principals fuents medievals que fan referencia a este lugar son en latín y catalán, cuasi no bi ha textos en aragonés que faigan referencia a este lugar.

En 1327, en ixas envueltas de Chaime II d'Aragón se puet leyer en un texto Navalles:

in persona Fatom Latintara Sarraceno uxoris Ali Abengalip loci de Navalles[1]

En catalán de lo sieglo XVI s'escribiba Navages u Navajes en textos referents a mudéchars y moriscos, como por eixemplo lo cens de 1510 ordenau por las Corz de Monzón:

E dix que després de haver fet lo manifest, en lo loch de Navajes, doná a Bri, moro apellat Firati, cent vint caps de bestiar a miges[2]
Catherina Corella, sogra del senyor de Navages liures VII sous VII

Lo 27 de marzo de 1527 una comparecencia debant de la diputación deciba que:

los lochs de Matet, Paníes, Gayval, Navages, Castellnou, Almedixer, Soneja, Sot e altres lochs [...], per la rebel. lió de Spadán son stats gran part de aquells derrocats, saquejats e destruhits[3]

La forma con plural en -as que cabría esperar en aragonés y castellano se vei personas nombradas en los manuscritos de capadrones de pechas (equivalents a l'actual catastro) de la villa d'Altura de 1423, (Mahomat Palomo de Nauagas, Alij Alcadj de Nauagas, La viuda de Alj Alcadj de Nauagas, Ffamet jucayne de Nauagas, Allij Jayar de Nauajas, Cahat Xem de Nauagas, tort Mahomat Paulo de Nauagas, Ali Boxodon de Nauagas) y de lo sieglo XVI (Juan Alfaquín albardero de Nauajas, Pere Quartana de Nauajas, Matheu Prior de Nauajas).[4]

En castellano de lo sieglo XVIII s'escribiba Navaxas. Lo exotoponimo catalán actual con -x- Navaixas ye preso a partir de lo nombre en castellano actual Navajas por adaptación con xeada seguindo l'eixemplo de bajar-baixar y dejar-deixar.

Probablement lo nombre toponimo orichinal faiga referencia a las navas u navallos y no a las novallas (navaja en castellano). A vegadas los toponimos con "nava" corresponden a poljes karsticos, zonas planas con abundancia de surchencias d'augua subterrania, y de feito en Navachas bi ha muitas fuents.

De remontar-se a nava y relacionar-se con navallo, podría fosilizar un plural neutro NAVACULA-Navalla como en lo caso de Pradas u Prades rescpeto a PRATUM. En la provincia de Zamora bi ha una Sierra de Navallas amán de la muga con Portugal y Galicia. En Galicia bi ha muitos toponimos con a forma O Navallo y Os Navallos. Un navallo se diz navachu en dos arias de l'asturiano asturiano occidental con una evolución fonetica pareixita a part de lo mozarabe y con l'aragonés de las Comarcas Churras, con parolas que presentan -ch- en cuenta de -ll- (regacho en cuenta de "regallo", asnacho en cuenta de "asnallo", ecetra).

Historia editar

En l'anyo 1238 lo rei Chaime I d'Aragón cedió esta localidat a Eximén, bispe de Segorb. Mientres tota la Edat Meya estió un lugar habitau por musulmans que conoixioron diferents cambios de sinyor dica que en 1609 se produció la suya expulsión.

Demografía editar

Evolución demografica
2003 2004 2005 2006 2007 2008 2009 2010 2011
- - 641 - - - - - -

2021 2022 2023 2024 2025 2026 2027 2028 -
- 781 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Referencias editar

  1. W. Rothschild Acta aragonensia , Volúmenes 1-2, 1908 [1]
  2. Rafael Valldecabres El cens de 1510. Relació dels focs Valencianos ordenada per les corts de Montsó. València: Universitat de València, 2002
  3. XI Simposio Internacional de Mudejarismo. Centro de Estudios Mudéjares, Instituto de Estudios Turolenses, 2009 [2]
  4. Rosa Gómez Casañ Antroponimia alturana diacrónica XXXII Col∙loqui de la Societat d'Onomàstica VII Col∙loqui d'Onomàstica [3]