Beixix

Beixix (Bejís en castellano, Begís en catalán) ye un municipio de la provincia de Castellón, situau en la comarca de l'Alto Palancia. La suya población ye de 393 habitants, en una superficie de 42,4 km² con una densidat de 9,27 hab/km².

Bexix
Municipio d'o País Valenciano
Entidat  • Estau  • Comunidat  • Provincia  • Comarca	Municipio  Espanya  País Valenciano Castellón Alto Palancia
Superficie	42,40 km²
Población  • Total	393 hab. (2013)
Altaria  • Meyana	799 m.
Distancia  • 79,5 km	enta Castellón de la Plana
Codigo postal	12430
Coordenadas	39°54’33’’N 0°42’33’’U
Bexix Bexix en Comunidat Valenciana
Web oficial

Cheografía

Ye situau entre la sierra d'El Toro y la costera norueste de la sierra d'Andilla, sobre un pueyo a 800 m d'altaria, entre los ríos Palancia y Canals. Las altarias mas grans son los monts de La Juliana con 1476 m, La Pericona con 1468 m y penya Escabia con 1331 m.

La vechetación son carrascals con acirón de Montpeller Acer monspessulanum, caixigos, cerolleras y pinars. En la ribera de Palancia, bi ha chopos, freixeras y avillaneras.

Historia

Lo reconquirió lo Sinyor d'Albarrazín Don Pero Ferrández d'Azagra en 1228-1229 a lo servicio de Chaime I d'Aragón. En 1235 lo rei lo cedió a la orden de Calatrava con lo títol de comanda y representación en las Cortz Valencianas. La suya Carta de población ye de 1276, a favor de 110 hombres de la Comanda Calatrava d'Alcanyiz a fuero de Valencia; esto fació mas fácil la creación d'un nuclio de población mas gran con termin que abraca los actuals municipios de Teresa, Torás y Sacanyet. La comarca natural formada por estos lugars estió entidat administrativa dica mitat de lo sieglo XIX.

Toponimia

La forma con X se conoixe por textos medievals de 1232, 1276, 1360, 1361, 1389. Una muestra de la Carta de población de 1276:

comendador de Molinos, e de don frey Vicente, comendador de la casa de Valencia, e de don frey Pedro Fernández, comendador de Bexíx, e de don frey Juan Martínez, comendador de Calaceyt, principalmente por nos e generalmente por todo el convento de los otros freires que en la comenda de Alcañiz son

Existiba tamién la variant Bexís, conoixida en textos de 1235 y 1276.

Apellius

Como en Alcanyiz ye común l'apelliu Ponz.

Vinclos externos

• http://www.naturayeducacion.com/castillos/castellon/alt_palancia/begis/bejis.asp
• https://web.archive.org/web/20080108073155/http://www.costamediterranea.com/guiaturistica/castellon/bejis/