N

N N
l'alfabeto aragonés
A	B	C	D	E
F	G	H	I	J
K	L	M	N	Ñ
O	P	Q	R	S
T	U	V	W	X
Y	Z
Digrafos
ch	gu	ix	ll	ny
qu	rr
Atros simbolos
Ç	l·l	nn	tz

A N (ene) ye a catorcena letra de l'alfabeto aragonés y a oncena consonant.

Historia

Se corresponde con a letra N de l'alfabeto latino u romano. A letra semitica Nûn yera probablement a imachen d'una serpient. A n ye l'orichen d'a virguliella (~).

Hieroglifico (Fonograma N)	Hieroglifico (serpient Dy)	Proto-Semitico N	Fenicio N	Griego Nu	Etrusco N	Latino N

En aragonés

Representa en aragonés o fonema alveolar nasal sonoro /n/: nino (['nino]), nieu (['njew]), nuquera ([nu'keɾa]), amanar ([ama'naɾ]), onso (['onso]), trencar ([treŋ'kaɾ]), chent (['tʃen]), manguant ([maŋ'gwan]), fan ([fan]), puyan (['puyan]), ferán ([fe'ɾan]), arna (['aɾna]).

En variedaz de l'aragonés como o chistabín, o ribagorzano y, en bella mida, a parla de Tella, as formas verbals de primera persona de plural rematadas en nasal s'escriben con –m cuan presentan una acentuación oxitona: mincham, farem, adubim, podiam, etc. y con –n cuan ye proparoxitona: minchaban, farían, adubisen, yeren. Isto se manifiesta en os tiempos verbals imperfectos y condicionals, y en bella zona tamién en o present de subchuntivo, mientres que en atras zonas de l'aragonés se da solucions en -mos (minchamos, faremos, adubimos, podiamos) y en -nos (minchábanos, faríanos, adubísenos, yéranos). S'escribe <m> en as parlas en que se mantienen as formas etimolochicas: fébamos, febamos, febam; cantaríamos, cantárbamos, cantariamos, cantaríam; fésemos, fesemos, ficiéramos, fesem.

En dialecto belsetán y en bels toponimos, cultismos u estrancherismos se presenta tamén a variant cheminada nn d'ista letra: baranna ([ba’ɾanna]), capanna ([ka’panna]), brenna ([’bɾenna]), penna ([’penna]), ninno ([’ninno), lanna ([’lanna]), Tendennera ([tenden’neɾa]), cannabis ([kan’naβis]), innato ([in’nato]).

Vinclos externos

• Se veigan as imachens de Commons sobre N.