B

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

B B
l'alfabeto aragonés
A	B	C	D	E
F	G	H	I	J
K	L	M	N	O
P	Q	R	S	T
U	V	W	X	Y
Z
Digrafos
ch	gu	ll	nn	ny
qu	rr	tz
Atros simbolos
Ç	Ñ	l·l

A B (be u be alta) ye a segunda letra de l'alfabeto aragonés y a primera consonant. A letra B probablement se prenió d'o pictograma d'una casa en os hieroglificos echipcios, que se corresponde con a suya planta esquematica. En alfabeto proto-semitico y en hebreu yera a primera letra d'a parola bayit, que significaba casa, d'a on que proviene a forma primitiva, que orichinó a β de l'alfabeto griego y a B de l'alfabeto latino u romano.

Fonetica aragonesa

Representa en aragonés o fonema /b/ (fricativa bilabial sonora) y tién o mismo sonito que a V en as grafías de l'Academia de l'Aragonés y d'a SLA. A distinción d'ixas grafías ye hue de tot artificial.

Seguntes as reglas ortograficas de l'Academia de l'Aragonés se fa servir iste fonema en os siguients casos:

• a) En totas as parolas que levan "b" en o suyo etimo latino, tanto en posición inicial como en posición interior: abet, absolver, hibierno, móbil (pero mover), robín, marabillar, biega, biga, etc.
• b) Parolas que en latín son com -P- en posición intervocalica, pero s'han sonorizato en toz u en cuantos dialectos: abella, cabeza, craba, saber, treballar, bispe, etc.
• c) Parolas que tienen β en o etimo griego: biblia, biblioteca, biolochía, hemoglobina, etc.
• d) Amprens de luengas foranas, a on que s'escribe con B: alambique, albarda, boxeo, briquet, bunker, byte, chabalín, etc.
• e) Parolas que tienen iste fonema y o suyo etimo ye prerromano u d'orichen desconoixito u incierto: bardo, barranco, buco, baranna, chistabín, embolicar, esboldregar, etc.
• f) Parolas que no tienen B ni V en o suyo etimo latino, pero que en aragonés tienen ista consonant por equivalencia acustica: chubo, brendar, etc.

Cuan bi ha equivalencia acustica d'a secuencia bue- se mantien en a escritura a forma etimolochica: buen, buenya, buega, buei, etc.

En a grafía de Uesca no existe a letra "V", por lo que o fonema /b/ siempre se representa con a letra "B".

Vinclos externos

• Se veigan as imachens de Commons sobre B.

Iste articlo ye un borrador. Enamplando-lo aduyarás a amillorar a Biquipedia.