T
T T
| |||||||
|---|---|---|---|---|---|---|---|
| A | B | C | D | E | |||
| F | G | H | I | J | |||
| K | L | M | N | Ñ | |||
| O | P | Q | R | S | |||
| T | U | V | W | X | |||
| Y | Z | ||||||
Digrafos
| |||||||
| ch | gu | ix | ll | ny | |||
| qu | rr | ||||||
Atros simbolos
| |||||||
| Ç | l·l | nn | tz | ||||
A T (te) ye a vintiunena letra de l'alfabeto aragonés y decisetena consonant. Perteneixe a l'alfabeto latino.
Historia Editar
| Hieroglifico echipcio (aspa) |
Proto-Semitico T |
Fenicio T |
Griego Tau |
Etrusco T |
Latino T |
|---|---|---|---|---|---|
|
|
|
|
|
|
A letra Taw yera a zaguera de l'alfabeto semitico occidental y de l'alfabeto hebreu. A valua d'o semitico Taw, de l'alfabeto griego Tαυ (Tau), de l'alfabeto italico antigo y latino T ha permaneixiu constant como t en toz os casos. Tamién ha manteniu a forma basica en cuasi toz estos alfabetos.
En aragonés Editar
O grafema <t> representa o fonema dental oclusivo xordo /t/ en todas as suyas realizacions:[1] taixugo ([taj'ʃuɣo]), meter ([me'teɾ]), etnografía ([etnoɣra'fia]), tronada ([tɾo'naða]), forato ([fo'ɾato]), coseta ([ko'seta]), ferfet ([feɾ'fet]).
En posición final dezaga de vocal puet realizar-se como ([t] ~ [ð] ~ [ɾ] ~ [Ø]), escribindo-se en toz os casos:
- sufixos masculinos singulars: mocet ([mo'θet], [mo'θe] u [mo'θeɾ]), grandot ([gran'dot]), franchut ([fran'tʃut]).
- palabras derivadas d'os formants latinos -ATEM, -ETEM, -OTEM, -UTEM y -UDO: chirmandat ([tʃiɾman'da] u [tʃiɾman'dat]), paret ([pa're] u [pa'ret]), chicot ([tʃi'kot]), virtut ([bir'tu] u [bir'tut]), latitut ([lati'tu] u [lati'tut]).
- en cheneral, en os singulars d'as parolas que fan o suyo plural en [-θ] u [-ts]: piet ([pje]), puput ([pu'put]), reipetit ([rejpe'ti] u [rejpe'tit]), alacet ([ala'θet]), tot ([tot]), lit ([lit]), ferfet ([fer'fet]), nuet/nit ([nwet]/[nit]).
Tamién s'escribe <t> en posición final de parola en:
- os grupos –nt, –st, –rt, a on i hai una /t/ latent, encara que no se pronuncie, si gosa reapareixer cuan s'anyaden atros morfemas flexivos u derivativos: puent ([pwen]), chent ([tʃen]), dolent ([do'len]), manguant ([maŋ'gwan]), mont ([mon]), segunt ([se'ɣun]), abesurt ([aβe'surt]), rebost ([re'βost]), part ([part]), cort ([kort]).
- o formant adverbial –ment: talment (['talmen]), malament ([ma'lamen]), apurament ([apu'ramen]).
- as formas apocopadas de parolas rematadas en <to>: sant ([san]), cient ([θjen]), muit ([mui]), molt ([molt]), feit (['fejt]).
Referencias Editar
- ↑ (an) Ortografía de l'aragonés. AAL
