Aragonés ribagorzano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o dialecto ribagorzano de l'aragonés. Ta atros emplegos se veiga ribagorzano.

Ribagorzano Ribagorsano
Variedaz de l'aragonés
Situación d'o ribagorzano
Localización cheografica
Estau	{{{estau}}}
País	Aragón
Rechión	{{{rechión}}}
Parlau en	Ribagorza
Lugars principals	Campo, Estadilla, Graus
Estatus
Atras denominacions	{{{atras denominacions}}}
Charradors
Oficial en	{{{oficial}}}
Reconoixiu en	{{{reconoixiu}}}
Regulau por	{{{regulau}}}
Vitalidat	Alta
Literatura
Escritors principals	Ana Tena, Toni Collada, Elena Chazal
Rasgos dialectals	De transición ta o catalán
Clasificación lingüistica
Indoeuropea Romance Romance occidental Iberorromanica Aragonés Oriental Ribagorzano
ISO 639-1	{{{iso1}}}
ISO 639-2	{{{iso2}}}
ISO 639-3	{{{iso3}}}
SIL	{{{sil}}}

L'aragonés ribagorzano (pronunciato ribagorsano en a parla altorribagorzana), ye alto u baixo l'aragonés d'a Val de l'Esera en Ribagorza.

As parlas de Ribagorza son dende un punto de vista macrocheografico parlas transición enta o catalán, y i trobamos caracters mas catalans asinas como mos movemos enta l'este y mas castellanos enta o sud. Dende o punto de vista microcheografico a transición concreta ye en o Baixo Isabana y en "la Ribera", una val lateral a lo sud de Turbón.

En a enciclopedia aragonesa dicen a o grausino meyoribagorzano, manimenos se parla d'Alta Ribagorza a lo norte de Turbón y Ribagorza Baixa a lo sud. Graus ye prou a lo sud y la suya charrada no ye tan diferent d'o estadillano u o foncense. Si s'habiés d'emplegar o termin meyorribagorzano, diz que se aplicaría millor ta o Campés, seguntes se veye en a tabla d'o cabo de l'articlo.

Caracteristicas

Fonetica

• Palatalización d'a "l-" inicial latina:
  • Llobo.
  • Llugá.
• Palatalización d'a "l" en os grupos latinos "pl-", "cl-", "fl-", "gl-", "bl-":
  • Fllaco.
  • Fllama.
  • Fllauta.
  • Flleca.
  • Flló.
  • Fllocón.
  • Flluixo.
  • Pllana.
  • Pllanzón.
  • Pllantaina.
  • Pllatero (cognato de "placentero" en aragonés centro-oriental).
  • Pllegá.
  • Plleno.
  • Pllom.
  • Pllorá.
  • Bllanco.
  • Bllano.
  • Bllau.
  • Blleda.
  • Cllavillero.
  • Cllapo
  • Cllau.
  • Cllot.
  • Cllueca.

Manimenos GL- no se conserva tan bien y bi ha casos de palatización con perda d'a oclusiva inicial:

• • GLAEBA > lleba.
  • GLAREA > llera.
• Perda d'a "-r" final, que afecta tamién a la "-r" final d'os infinitivos:
  • flló.
  • llugá.
  • pllegá.
• Ye a comarca de l'Alto Aragón on mos trobamos mas casos de -m- que en castellano han dato -mbr-, y que empecipia a estar present en aragonés escrito medieval en 1330.
  • HOMINE > homne > home.
  • FAMEN > fame.
  • VIMEN > vime.
  • LEGUMEN > llegume.
  • NOMEN > nom.
  • LUMEN > llum.
  • EXAMEN > ixamen (en Fonz)

Manimenos tamién i trobamos muitos casos de -mbr-: vimbre, costumbre, ixambre, llumbre, etc....y mesmo fambre en bel lugar.

Morfolochia

Articlos definius: el, e(l)s, la, las.

Morfema personal de 1ª persona plural en -m u -n: nusaltros cantam, nusatros cantan. (En aragonés cheneral no existe a -m final y Miriam se pronuncia Mirian). Cherundios en -an, -en, -in (que s'escriben con una -d que no se pronuncia):

• cantand, metend, partind

Pasato perfecto perifrastico tipo catalán con o verbo ir:

• él va cantá en cuenta de el cantó

Bellas formas peculiars d'o verbo estar-ser mas que mas en Baixa Ribagorza:

• yeba/eba en cuenta de yera.
• "tu es" y "él e" en cuenta de "tu yes" y "él ye".

Bi ha verbos en conchugacions diferents respecto a l'aragonés cheneral. Por eixemplo querer de l'aragonés cheneral corresponde a lo ribagorzano querir.

Sintaxi

combinacions de pronombres febles de dativo y acusativo de tipo catalán, con un orden coincident tamién con o francés (les lui):

• lo + li > lo-i
• los+ li > los-i
• la + li > la-i
• las+ lis > las-i

Subdialectos

O dialecto ribagorzano de l'aragonés puede dividir-se en cuantos subdialeutos:

• Altorribagorzano u Benasqués
  • Alto Benasqués
  • Baixo Benasqués
• Meyorribagorzano
  • Campés
• Baixorribagorzano
  • Grausino
  • Estadillano
  • Foncense

Cuadro de diferencias entre as parlas locals:

	Baixorribagorzano			Altorribagorzano
	Estadilla 1888	Graus 1910	Campo 1950	Bisagorri-Renanué 1950	Benás 1975
Diminutivo -et	-é	-é, a vegatas -et	-et, a vegatas -é	-et	-et
Diminutivo -iello	-illo	-illo	-illo	-iello	-iello
Articlo	El, los, la, las	El, los, la, las	El, es, la, las	El, y(l)s, la, las	El, els, la, les
Casos de no diftongación	Pocos	Pocos	Beluns	Beluns	Muitos
Desinencia de 1ª persona plural	-n	-n	-m	-m pero a vegatas -n	-m
Desinencia de 2ª persona plural	-z	-z	-z	-ts	-ts
Fonema /z/ u /s/	/z/	/z/	/z/	/s/	/s/
Formas d'o verbo estar	E, eba	E, eba	Ye, eba	Ye, yera (en Renanué) / yeba (en Bisagorri)	Ye, yera
Infinitivos en -re	No n'i hai	No n'i hai	No n'i hai	Sí que n'i hai: vinre, beure	Sí que n'i hai: vinre, beure
Participios	-au, -iu	-au, -iu	-au, -iu	-au, -eu, -iu	-au, -eu, -iu
Plurals femenins	-as	-as	-as	-as	-es
Pronombre de 1ª persona plural	Nusatros	Nusatros	Nusotros	Nusaltros	Nusaltros

Bibliografía

• Maria Luisa Arnal Purroy y Maria Angeles Naval López: Lengua y literatura de unos poemas en ribagorzano (1861-1888). Archivo de Filología Aragonesa XLII-XLIII. 1989.

Vinclos externos

• https://web.archive.org/web/20101008230040/http://www.elenachazal.com/aragones.html
• http://www.labullanga.com/dicxionario.htm#arriba

Variedaz orientals de l'aragonés
Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino)